[ad_1]
ନୂଆଦିଲ୍ଲୀ: ରାଷ୍ଟ୍ରପତି ଦ୍ରୌପଦୀ ମୁର୍ମୁ, ବୈଦେଶିକ ବ୍ୟାପାର ମନ୍ତ୍ରୀ ଏସ ଜୟଶଙ୍କର, କ୍ରିକେଟର ତଥା ରାଜନେତା ଗୌତମ ଗମ୍ଭୀର, ସୋନିଆ ଗାନ୍ଧୀ ଏବଂ ରାହୁଲ ଗାନ୍ଧୀଙ୍କ ପରେ ଭୋଟ୍ ଦେଇଛନ୍ତି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ୍। ଅରବିନ୍ଦ କେଜ୍ରିୱାଲ୍ ତାଙ୍କ ପରିବାର ସହ ଯାଇ ନିଜର ମତଦାନ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଏହି ପର୍ଯ୍ୟାୟରେ ପ୍ରମୁଖ ପ୍ରାର୍ଥୀଙ୍କ ମଧ୍ୟରେ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏବଂ ରାଓ ଇନ୍ଦରଜିତ୍ ସିଂ, ବିଜେପିର ମେନକା ଗାନ୍ଧୀ, ସମ୍ବିତ ପାତ୍ର, ମନୋହର ଖଟ୍ଟର ଏବଂ ମନୋଜ ତିୱାରୀ, ମେହବୁବା ମୁଫତି ଏବଂ କଂଗ୍ରେସର କାହ୍ନେୟା କୁମାର ଅଛନ୍ତି।
ଆଜି ଦେଶରେ ଷଷ୍ଠ ପର୍ଯ୍ୟାୟ ଭୋଟ୍ ଚାଲୁଥିବା ବେଳେ ସପ୍ତମ ବା ଶେଷ ପର୍ଯ୍ୟାୟ ଭୋଟ୍ ଜୁନ୍ ୧ ତାରିଖରେ ହେବ। ଭୋଟ ଗଣତି ହେବ ଜୁନ୍ ୪ ତାରିଖରେ।
ଆଜି ସକାଳ ୧୧ଟା ସୁଦ୍ଧା ୨୫.୭୬ ପ୍ରତିଶତ ମତଦାନ ହୋଇଥିବା ବେଳେ ଦିଲ୍ଲୀରେ ୨୧.୬୯ ପ୍ରତିଶତ ଓ ପଶ୍ଚିମବଙ୍ଗରେ ସର୍ବାଧିକ ମତଦାନ ୩୬.୮୮ ପ୍ରତିଶତ ହୋଇଛି।
ସାଧାରଣ ନିର୍ବାଚନର ଏହି ପର୍ଯ୍ୟାୟରେ ୧୧ କୋଟିରୁ ଅଧିକ ଭୋଟର ୫୮ଟି ଆସନରେ ପ୍ରତିଦ୍ୱନ୍ଦ୍ୱିତା କରୁଥିବା ୮୮୯ ପ୍ରାର୍ଥୀଙ୍କ ଭାଗ୍ୟ ସ୍ଥିର କରିବେ।
ଷଷ୍ଠ ପର୍ଯ୍ୟାୟ ନିର୍ବାଚନରେ ପୂର୍ବାହ୍ନ ୯ଟା ପର୍ଯ୍ୟନ୍ତ ଦେଶରେ ମୋଟ ୧୦.୮୨ ପ୍ରତିଶତ ମତଦାନ ହୋଇଥିଲା। ସେଥିମଧ୍ୟରୁ ପଶ୍ଚିମବଙ୍ଗରେ ସର୍ବାଧିକ ମତଦାନ ରେକର୍ଡ ହୋଇଥିଲା।
ପଶ୍ଚିମବଙ୍ଗରେ ୧୬.୫୪ ପ୍ରତିଶତ ମତଦାନ ହୋଇଥିବାବେଳେ ହରିୟାଣାରେ ୮.୩୧ ପ୍ରତିଶତ, ଦିଲ୍ଲୀରେ ୮.୯୪ ପ୍ରତିଶତ, ଝାଡଖଣ୍ଡରେ ୧୧.୭୪ ପ୍ରତିଶତ, ଜମ୍ମୁ-କଶ୍ମୀରରେ ୮.୯୯ ପ୍ରତିଶତ, ଓଡିଶାରେ ୭.୪୫ ପ୍ରତିଶତ ମତଦାନ ହୋଇଥିଲା।
[ad_2]
