ମୁମ୍ବାଇରେ ବିଲ୍ବୋର୍ଡ ପଡ଼ିବା ଘଟଣା ପଛର ବ୍ୟକ୍ତି ଗିରଫ; ଉଦୟପୁରରୁ ଧରାଯାଇ ମୁମ୍ବାଇ ଅଣାଗଲା – Kalinga News
[ad_1]
ମୁମ୍ବାଇ: ସୋମବାର ଦିନ ମୁମ୍ବାଇରେ ଏକ ବଡ଼ ଧୂଳି ଝଡ଼ରେ ଘାଟଗୋପର ଅଞ୍ଚଳରେ ଏକ ବିରାଟ ବିଲ୍ବୋର୍ଡ ଭୁଶୁଡ଼ି ପଡ଼ିବା ଘଟଣା ପଛରେ ଥିବା ବ୍ୟକ୍ତିଙ୍କୁ ଆଜି ଗିରଫ କରିଛି ପୁଲିସ୍। ତାଙ୍କୁ ଉଦୟପୁରରୁ ଗିରଫ କରାଯାଇ ମୁମ୍ବାଇ ଅଣାଯାଇଛି। ଅଭିଯୁକ୍ତ ଭବେଶ ଭିଣ୍ଡେ ହେଉଛନ୍ତି ବିଲବୋର୍ଡ ତିଆରି କରିଥିବା କମ୍ପାନିର ମାଲିକ। ଭଣ୍ଡେଙ୍କୁ ଗତକାଲି ରାତିରେ ରାଜସ୍ଥାନର ଉଦୟପୁରରୁ ଗିରଫ କରାଯାଇ ଆଜି ସକାଳେ ମୁମ୍ବାଇକୁ ଅଣାଯାଇଥିଲା; ଯେଉଁଠାରୁ ତାଙ୍କୁ କୋର୍ଟରେ ହାଜର କରାଯିବ। ଇଗୋ ମିଡିଆ ପ୍ରାଇଭେଟ ଲିମିଟେଡର ମାଲିକ ଭଣ୍ଡେଙ୍କୁ ମୁମ୍ବାଇ ପୁଲିସ କ୍ରାଇମ ବ୍ରାଞ୍ଚ ଏକ ବଡ଼ ଧରଣର ସର୍ଚ ଅପରେସନ ପରେ ଗିରଫ କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ସୋମବାର ଦିନ ମୁମ୍ବାଇରେ ଏକ ବଡ଼ ଧୂଳି ଝଡ଼ରେ ଘାଟଗୋପର ଅଞ୍ଚଳରେ ଏକ ବିରାଟ ବିଲ୍ବୋର୍ଡ ଭୁଶୁଡ଼ି ପଡ଼ିବା ଘଟଣାରେ ମୃତ୍ୟୁବରଣ କରିଥିବା ୧୬ ଜଣଙ୍କ ମଧ୍ୟରେ ଜଣେ ଅବସରପ୍ରାପ୍ତ ଏୟାର ଟ୍ରାଫିକ୍ କଣ୍ଟ୍ରୋଲ୍ (ଏଟିସି) ମ୍ୟାନେଜର ଏବଂ ତାଙ୍କ ପତ୍ନୀ ବି ଅଛନ୍ତି।
ପୂର୍ବ ମୁମ୍ବାଇର ଏକ ପେଟ୍ରୋଲ ପମ୍ପ ଉପରେ ୧୦୦ ଫୁଟର ହୋର୍ଡିଂ ଖସିଯିବା ପରେ ବୁଧବାର ରାତିରେ ଅବସରପ୍ରାପ୍ତ ଏଟିସି ମ୍ୟାନେଜର ମନୋଜ ଚାନସୋରିଆ ଏବଂ ୬୦ ବର୍ଷୀୟା ତାଙ୍କ ପତ୍ନୀ ଅନିତାଙ୍କ ମୃତଦେହ ସେମାନଙ୍କ କାର ଭିତରୁ ମିଳିଛି।
ଏହି ଦୁଃଖଦ ଘଟଣାରେ ଏପର୍ଯ୍ୟନ୍ତ ୧୬ ଜଣଙ୍କର ମୃତ୍ୟୁ ଘଟିଥିବା ବେଳେ ୪୧ ଜଣ ଗୁରୁତର ଆହତ ହୋଇଛନ୍ତି। ଉଦ୍ଧାର ହୋଇଥିବା ଲୋକଙ୍କ ମଧ୍ୟରୁ ୩୪ ଜଣ ବଞ୍ଚିଛନ୍ତି ଏବଂ ମୁମ୍ବାଇର ବିଭିନ୍ନ ଡାକ୍ତରଖାନାରୁ ଚିକିତ୍ସା ପରେ ଡିସଚାର୍ଜ ହୋଇଛନ୍ତି।
[ad_2]
