[ad_1]
ମୁମ୍ବାଇ: ଭେଟେରାନ କ୍ରିକେଟର ସଚିନ ତେନ୍ଦୁଲକର ସୁରକ୍ଷାକର୍ମୀ ଆତ୍ମହତ୍ୟା କରିଛନ୍ତି। ତାଙ୍କ ସୁରକ୍ଷା ପାଇଁ ପୋଷ୍ଟ କରାଯାଇଥିବା ଜଣେ ଏସଆରପିଏଫ ଯବାନ ମହାରାଷ୍ଟ୍ରର ଜଲଗାଓଁରେ ଥିବା ତାଙ୍କ ପୈତୃକ ଘରେ ଆତ୍ମହତ୍ୟା କରିଛନ୍ତି। ଅଧିକାରୀ କହିଛନ୍ତି ଯେ ଏହି ଘଟଣା ମେ‘ ୧୪ ରେ ବିଳମ୍ବିତ ରାତିରେ ଘଟିଛି।
Sambad is now on WhatsApp
Join and get latest news updates delivered to you via WhatsApp
ମୃତ ଯବାନଙ୍କ ନାମ ପ୍ରକାଶ କାପଡେ ବୋଲି ଜଣାପଡ଼ିଛି। ସେ ୮ଦିନ ପୂର୍ବରୁ ଛୁଟିରେ ନିଜ ଗାଁ ଯାଇଥିଲେ। ସୂଚନାନୁସାରେ, କାପଡେ ଲାଇସେନ୍ସପ୍ରାପ୍ତ ବନ୍ଧୁକରୁ ନିଜ ବେକକୁ ଗୁଳି ଚଳାଇଥିଲେ।
ମୃତ ଯବାନଙ୍କ ପରିବାରରେ ତାଙ୍କର ବୃଦ୍ଧ ପିତାମାତା, ପତ୍ନୀ, ଦୁଇ ସନ୍ତାନ ଏବଂ ଭାଇ ଅଛନ୍ତି। ବର୍ତ୍ତମାନ ପୋଲିସ ତାଙ୍କ ଆତ୍ମହତ୍ୟା କରିବାର କାରଣ ଜାଣିବାକୁ ଚେଷ୍ଟା କରୁଛି। ମୃ୍ତ ଯବରନ ମନ୍ତ୍ରୀ ଛଗନ ଭୁଜବଲ ଏବଂ ନାରାୟଣ ରାଣେଙ୍କ ଅଙ୍ଗରକ୍ଷୀ ଭାବରେ କାର୍ଯ୍ୟ କରିଥିଲେ।
ତାଙ୍କୁ ସରକାରୀ ପୋଲିସ ରିଜର୍ଭ ଫୋର୍ସରେ ପୋଷ୍ଟ କରାଯାଇଥିଲା। ପ୍ରାଥମିକ ଅନୁସନ୍ଧାନରୁ ଜଣାପଡ଼ିଛି ସେ ବ୍ୟକ୍ତିଗତ କାରଣରୁ ଆତ୍ମହତ୍ୟା କରିଥାଇ ପାରନ୍ତି। ପୋଲିସ ମୃତଦେହକୁ ପୋଷ୍ଟମର୍ଟମ ପାଇଁ ପଠାଇଛି। ବର୍ତ୍ତମାନ ତାଙ୍କ ପରିବାର ଏବଂ ଘନିଷ୍ଠ ଲୋକଙ୍କୁ ପଚରାଉଚରା କରି ପୋଲିସ ତଦନ୍ତ ଜାରି ରଖିଛି।
[ad_2]
