ପରିସ୍ରା ଅଟକାଇ ରଖୁଛନ୍ତି କି ହୋଇ ଯାଆନ୍ତୁ ସାବଧାନ ! ନଚେତ୍ ହୋଇପାରେ ଏହି ମାରାତ୍ମକ ରୋଗ

ଆପଣ ଅନେକ ଥର, ବ୍ୟସ୍ତବହୁଳ କାର୍ଯ୍ୟ ଏବଂ ଯାତ୍ରା ସମୟରେ ଅସୁବିଧା ହେତୁ ଦୀର୍ଘ ସମୟ ପର୍ଯ୍ୟନ୍ତ ପରିସ୍ରା ରୋକିଥାନ୍ତି । କିମ୍ବା ଅଳସୁଆମି ଯୋଗୁଁ ଯଦି ଆପଣ ଏହା ଅଟକାଇ ରଖନ୍ତି? କିମ୍ବା ଯେତେବେଳେ ଆପଣ ରାତିରେ ଶୋଇବା ସମୟରେ ପରିସ୍ରା ଲାଗିବା ଅନୁଭବ କରନ୍ତି, ଆପଣ ଏହାକୁ ସକାଳ ପର୍ଯ୍ୟନ୍ତ ଅଟକାଇ ରଖନ୍ତି? କିନ୍ତୁ ଆପଣ ଜାଣନ୍ତି କି ଏମିତି କରିବା ପରେ ଏହା ଆପଣଙ୍କୁ କେତେ ଅସୁସ୍ଥ କରିପାରେ । ବ୍ଲାଡର ଲିକେଜ୍ ସମସ୍ୟାରୁ ଏହା ସାମଗ୍ରିକ ସ୍ୱାସ୍ଥ୍ୟ ଉପରେ ନକାରାତ୍ମକ ପ୍ରଭାବ ପକାଇଥାଏ ।

ବାସ୍ତବରେ, ଦୀର୍ଘ ସମୟ ଧରି ପରିସ୍ରା ଅଟକାଇବା ଅନେକ ସ୍ୱାସ୍ଥ୍ୟ ସମସ୍ୟା ସୃଷ୍ଟି କରିପାରେ । ତେବେ ଆସନ୍ତୁ ଜାଣିବା କିଛି ସ୍ୱାସ୍ଥ୍ୟ ସମସ୍ୟା ବିଷୟରେ କହୁଛୁ ଯାହା ଶୀତ ଦିନେ ଦୀର୍ଘ ସମୟ ପରିସ୍ରା ଅଟକାଇବା ଯୋଗୁଁ ହୋଇଥାଏ ।

ଶୀତଦିନେ କାହିଁକି ବାରମ୍ବାର ପରିସ୍ରା ଲାଗିଥାଏ :- ଶୀତଦିନେ ପରିସ୍ରା ଅଟକାଇବା ଯୋଗୁଁ ସୃଷ୍ଟି ହୋଇଥିବା ସ୍ୱାସ୍ଥ୍ୟ ସମସ୍ୟା ଜାଣିବା ପୂର୍ବରୁ, ଆପଣଙ୍କୁ ଜାଣିବାକୁ ପଡିବ ଶୀତଦିନେ ବାରମ୍ବାର ପରିସ୍ରା ହେବାର କାରଣ । ପ୍ରକୃତରେ, ଶୀତରେ ଶରୀରର ସାଧାରଣ ତାପମାତ୍ରା ବଜାୟ ରଖିବା ପାଇଁ ରକ୍ତ ସଞ୍ଚାଳନ ବୃଦ୍ଧି ପାଇଥାଏ ।

ଏଭଳି ପରିସ୍ଥିତିରେ ଏହା କିଡନୀ ପରି ଆଭ୍ୟନ୍ତରୀଣ ଅଙ୍ଗ ଉପରେ ଚାପ ପକାଇଥାଏ ଏବଂ କିଡନୀ ଉପରେ ଚାପ ଯୋଗୁଁ ପରିସ୍ରା ନିର୍ଗମନ ହାର ମଧ୍ୟ ବଢ଼ିଥାଏ । ଏହା ବ୍ୟତୀତ ଶୀତଦିନେ କମ୍ ଝାଳ ବାହାରିଥାଏ, ତେଣୁ ଶରୀରରୁ ମଇଳା କେବଳ ପରିସ୍ରା ମାଧ୍ୟମରେ ବାହାରକୁ ବାହାରିଥାଏ । ତେଣୁ ଶୀତଦିନେ ଅଧିକ ପରିସ୍ରା ଲାଗିଥାଏ ।

ପରିସ୍ରା ଅଟକାଇବା ଫଳରେ ହୋଇପାରେ ସ୍ୱାସ୍ଥ୍ୟ ପାଇଁ ବିପଜ୍ଜନକ ।

ୟୁଟିଆଇ :- ମହିଳା ଏବଂ ପୁରୁଷଙ୍କ କ୍ଷେତ୍ରରେ ୟୁଟିଆଇ ଏକ ସାଧାରଣ ସମସ୍ୟା, ଯାହା ଅନେକ କାରଣରୁ ଘଟିଥାଏ । ଏଥି ମଧ୍ୟରୁ ଗୋଟିଏ ହେଉଛି ପରିସ୍ରା ବନ୍ଦ କରିବା । ଠିକ୍ ସମୟରେ ପରିସ୍ରା ନକରିବା ଦ୍ୱାରା ଜୀବାଣୁ ବଢିବାର ସୁଯୋଗ ପାଆନ୍ତି, ଯାହା ବ୍ଲାଡର ଭିତରେ ମଧ୍ୟ ପହଞ୍ଚିପାରେ । ଏହି ସଂକ୍ରମଣ ବୃଦ୍ଧି ହେଲେ ଅନେକ ଗମ୍ଭୀର ରୋଗ ସୃଷ୍ଟି କରିପାରେ । ଏଭଳି ପରିସ୍ଥିତିରେ ପରିସ୍ରା ଠିକ୍ ସମୟରେ ପାସ କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ । ଯଦି ଆପଣଙ୍କର ମଧ୍ୟ UTI ର ସମସ୍ୟା ଅଛି, ତେବେ ଠିକ୍ ସମୟରେ ପରିସ୍ରା କରନ୍ତୁ ଏବଂ ପର୍ଯ୍ୟାପ୍ତ ପରିମାଣର ତରଳ ଏବଂ ଜଳ ପିଅନ୍ତୁ ।

ମୂତ୍ରାଶୟ ଦୁର୍ବଳ ହେବା :- ପରିସ୍ରା ଅଟକାଇବା ଦ୍ୱାରା ଆପଣଙ୍କ ବ୍ଲାଡର ଦୁର୍ବଳ ହୋଇପାରେ ଓ ଆପଣ ନିଜର ପରିସ୍ରା ଉପରେ ନିୟନ୍ତ୍ରଣ ହରାଇପାରନ୍ତି । ଏପରି ପରିସ୍ଥିତିରେ, ଆପଣ ପରିସ୍ରାକୁ ନିୟନ୍ତ୍ରଣ କରିବାରେ ସକ୍ଷମ ନହେବା, ପରିସ୍ରା କରିବା ପରେ ତୁରନ୍ତ ପରିସ୍ରା ଲାଗିବା ପରି ଅନୁଭବ କରିବା କିମ୍ବା ରହି ରହି ପରିସ୍ରା ହେବା ଭଳି ସମସ୍ୟାର ସମ୍ମୁଖୀନ ହୋଇପାରନ୍ତି ।

କିଡନୀ ପଥର :- ମୂତ୍ରରେ ୟୁରିକ୍ ଏସିଡ୍ ଏବଂ କ୍ୟାଲସିୟମ୍ ଅକ୍ସାଲେଟ୍ ନାମକ ଖଣିଜ ପଦାର୍ଥ ଥାଏ । ଏପରି ପରିସ୍ଥିତିରେ, ଯଦି ଆପଣ ଦୀର୍ଘ ସମୟ ପର୍ଯ୍ୟନ୍ତ ପରିସ୍ରା ଅଟକାଇ ରଖନ୍ତି, ତେବେ ଏହା କିଡନୀ ପଥର ସମସ୍ୟା ସୃଷ୍ଟି କରିପାରେ ।

କିଡନୀ ସମସ୍ୟା :- ଦୀର୍ଘ ସମୟ ପର୍ଯ୍ୟନ୍ତ ପରିସ୍ରା ଧରି ରଖିବା ମଧ୍ୟ କିଡନୀ ଉପରେ ଅତିରିକ୍ତ ଚାପ ପକାଇଥାଏ । କାରଣ ଶାରୀରିକ ସ୍ଥିତି ଏବଂ କାର୍ଯ୍ୟକଳାପ ଉପରେ ନିର୍ଭର କରି କିଡନୀ ପରିସ୍ରା ନିର୍ଗତ କରେ । କିନ୍ତୁ ଯେତେବେଳେ ସେହି ପରିସ୍ରାକୁ ଦୀର୍ଘ ସମୟ ଧରି ରଖାଯାଏ, ଏହା କିଡନୀ କାର୍ଯ୍ୟ ଉପରେ ପ୍ରତିକୂଳ ପ୍ରଭାବ ପକାଇଥାଏ ଏବଂ ଏହା କ୍ଷତି କରିପାରେ । କେବଳ ଏତିକି ନୁହେଁ, ପରିସ୍ରା ଅଟକାଇବା କାରଣରୁ କିଡିନୀରେ ପଥର ହେବାର ଆଶଙ୍କା ମଧ୍ୟ ବଢ଼ିଯାଏ ।