ଅନେକ ସମୟରେ ଆମେ ଭ୍ରମଣ କରୁଛୁ କିନ୍ତୁ ଆମର ସ୍ୱାସ୍ଥ୍ୟ ସଂପୂର୍ଣ୍ଣ ଭଲ ନଥାଏ । ଯେତେବେଳେ ଆମେ ଗୋଷ୍ଠୀରେ ଭ୍ରମଣ କରିଥାଉ ପ୍ରାୟତଃ ଏହି ସମସ୍ୟା ସୃଷ୍ଟି କରିଥାଏ । ଯେତେବେଳେ ପୁରା ଯୋଜନା ପ୍ରସ୍ତୁତ ହୁଏ ଆମେ ଟିକିଏ ଅସୁସ୍ଥ ହୋଇପଡୁ । ସେତେବେଳେଯାତ୍ରା ଯୋଜନାରେ ପରିବର୍ତ୍ତନ କରିବା ପରିବର୍ତ୍ତେ, ସମସ୍ତଙ୍କ ସୁବିଧା ଦେଖି ଆମେ ସମାନ ପରିସ୍ଥିତିରେ ଯାତ୍ରା କରିଥାଉ । ଅନେକ ଥର ବାୟୁ ଏବଂ ଜଳର ପରିବର୍ତ୍ତନ ହେତୁ ଆମ ସ୍ୱାସ୍ଥ୍ୟରେ ପରିବର୍ତନ ହୋଇଥାଏ । ତେଣୁ ଆମେ ସେଥି ପ୍ରତି ଧ୍ୟାନ ଦେବା ଉଚିତ । ଆସନ୍ତୁ ଜାଣବା ଅଧିକଦିନ ଯାତ୍ରା ସମୟରେ ଯଦି ଦେହ ଅସୁସ୍ଥ ହୁଏ ତେବେ କେଉଁ ଜିନିଷ ପ୍ରତି ବିଶେଷ ଧ୍ୟାନ ଦେବା ଆବଶ୍ୟକ…
ଅତିରିକ୍ତ ଔଷଧ ପାଖରେ ରଖନ୍ତୁ…
ଯଦିଭ୍ରମଣ ସମୟରେ ଆପଣ ଅସୁସ୍ଥ ଅଛନ୍ତି, ସର୍ବ ପ୍ରଥମେ ଡ଼ାକ୍ତରଙ୍କୁ ଦେଖାଇବା ଉଚିତ । ଡ଼ାକ୍ତର ଯାହା ପରାମର୍ଶ ଦେବା ସେହି ଅନୁସାରେ ଅଧିକ ଔଷଧ ନେବା ଉଚିତ । କିନ୍ତୁ ତା’ଠାରୁ ଅଧିକ ମଡ଼େସିନ ସାଙ୍ଗରେ ଧରିବା ଉଚିତ ।ଯାହା ଫଳରେ ହଠାତ ଆପଣଙ୍କ ଦେହ ଅସୁସ୍ଥ ହେଲେ ଆପଣ ଚିନ୍ତିତ ହେବେ ନାହିଁ ।
ପ୍ରଥମେ ନିଜର ସ୍ଥିତି ବିଷୟରେ ଜାଣନ୍ତୁ…
ଆପଣ ଲୋକଙ୍କୁ ପ୍ରଥମେ ଆପଣଙ୍କ ସ୍ୱାସ୍ଥ୍ୟ ବିଷୟରେ ଅବଗତ କରନ୍ତୁ । ଏହା ସ୍ୱାରା ସେମାନେ ମଧ୍ୟ ସ୍ପଷ୍ଟ ହେବା ଦରକାର ଏବଂ ଅପଣଙ୍କ ପ୍ରତି କିପରି ଆଚରଣ କରିବେ । ଯଦି ଆପଣଙ୍କୁ ବହୁତ ବାଟ ଚାଲିବାର ଅଛି ସେହି ଅନୁଯାୟୀ ସେମାନେ ବ୍ୟବସ୍ଥା କରିବେ । ଯାହା ଦ୍ୱାରା ସେମାନେ ଆପଣଙ୍କ ସମ୍ପୁର୍ଣ୍ଣ ଯତ୍ନ କରିପାରିବେ ।
ଖାଦ୍ୟ ଉପରେ ବିଶେଷ ଯତ୍ନ ନିଅନ୍ତୁ …
ଯଦି ଆପଣ ଅସୁସ୍ଥ ଅଛନ୍ତି, ତେବେ ଡାକ୍ତର ଆପଣଙ୍କୁ ଯାହା ନ ଖାଇବାକୁ ଭଲ କହିଛନ୍ତି ସେଥିପ୍ରତି ଧ୍ୟାନ ଦିଅନ୍ତୁ । ଯଦି ଆପଣ ଖାଦ୍ୟ କିମ୍ବା ଆପଣଙ୍କ ସହିତ ଥିବା ଲୋକଙ୍କ ପସନ୍ଦ ଦେଖି ଆପଣଙ୍କ ଖାଦ୍ୟ ସ୍ଥିର କରିବେ, ତେବେ ଏକ ସମ୍ଭାବନା ଅଛି ଯେ ଆପଣ ବିରକ୍ତ ହେବେ । ତେଣୁ ଯଦି ଆପଣ ସମସ୍ତ ମସଲାଯୁକ୍ତ ଖାଦ୍ୟ ଖାଉଛନ୍ତି, ତେବେ ସ୍ୱାଦ ବଦଳରେ ଆପଣ ନିଜ ସ୍ୱାସ୍ଥ୍ୟ ଅନୁଯାୟୀ ଖାଦ୍ୟ ଖାଇବା ଉଚିତ ।
ଇଣ୍ଟରନେଟ ସହ ଯୋଡ଼ିହୋଇ ରୁହନ୍ତୁ…
ଆଜିକାଲି ଟେକ୍ନୋଲୋଜି ଆମ ପାଇଁ ଅନେକ ଜିନିଷକୁ ଅତି ସହଜ କରିଛି । ଏପରି ଜାଗାରେ, ଆପଣ ଯେଉଁଠାକୁ ପରିଦର୍ଶନ କରିବାକୁ ଯାଉଛନ୍ତି, ଖୋଜନ୍ତୁ ସମ୍ପୃକ୍ତ ସମସ୍ୟା ଥିବା ଡାକ୍ତର କିଏ? ତାଙ୍କର ଡାକ୍ତରଖାନା କେଉଁଠାରେ ଅଛି? ଯଦି ଆପଣଙ୍କ ଦେହ କେବେ ଖରାପ ହୋଇଯାଏ, ତେବେ ଆପଣଙ୍କୁ ଚିନ୍ତା କରିବାକୁ ପଡ଼ିବ ନାହିଁ, ବରଂ ଆପଣ ତୁରନ୍ତ ଉପଯୁକ୍ତ ଚିକିତ୍ସକଙ୍କ ଠାରୁ ପରାମର୍ଶ ନେବାକୁ ସକ୍ଷମ ହେବେ ।
