ମେଣ୍ଟ ନହେଲେ.. ଓଡ଼ିଶାରେ ବିଜେପି ୧୩, ବିଜେଡ଼ି ୮ଟି ଲୋକସଭା ଆସନ ଜିତିବା ସମ୍ଭାବନା : ସର୍ଭେ – Kalinga News
[ad_1]
ନୂଆଦିଲ୍ଲୀ: ଲୋକସଭା ନିର୍ବାଚନ ପାଖେଇ ଆସୁଥିବାବେଳେ ଓଡ଼ିଶାରେ ବଜେପି-ବିଜେଡି ମେଣ୍ଟ ହେବା ନେଇ ଗତ କିଛି ଦିନ ହେବ ରାଜ୍ୟରାଜନୀତିରେ ଚର୍ଚ୍ଚା ଲାଗିରହିଛି । ଏପରି ସ୍ଥିତିରେ ନ୍ୟୁଜ-୧୮ର ଏକ ଜନମତ ସର୍ଭେ ପ୍ରକାଶ ପାଇଛି । ଏହି ସର୍ଭେରେ କୁହାଯାଇଛି ଯେ ଯଦି ମେଣ୍ଟ ନହୁଏ ଓ ଉଭୟ ଦଳ ଅଲଗା ଅଲଗା ଲଢନ୍ତି ତେବେ ବିଜେପି ଅଧିକ ଲୋକସଭା ଆସନ ପାଇବ ।
Sambad is now on WhatsApp
Join and get latest news updates delivered to you via WhatsApp
ସର୍ଭେ ଅନୁସାରେ ଓଡ଼ିଶାର ୨୧ଟି ଲୋକସଭା ଆସନରୁ ବିଜେପି ୧୩ଟି ଆସନରେ ବିଜୟ ହାସଲ କରିପାରେ । ସେହିପରି ବିଜେଡ଼ି ୮ଟି ଆସନ ମିଳିପାରେ । କିନ୍ତୁ ଏଥର କଂଗ୍ରେସ ଖାତା ଖୋଲିବା କଷ୍ଟକର ହୋଇପଡ଼ିବ । କିନ୍ତୁ ଯଦି ବିଜେଡି ଓ ବିଜେପି ମଧ୍ୟରେ ମେଣ୍ଟ କଥାବାର୍ତ୍ତା ଚୂଡ଼ାନ୍ତ ହୁଏ, ତେବେ ଓଡ଼ିଶାରେ ଏନଡିଏର କ୍ଲିନ୍ ସୁଇପ୍ କରିପାରେ । ଏହି ମତାମତ ସର୍ଭେ ଅନୁଯାୟୀ ଏନଡିଏକୁ ୪୩ ପ୍ରତିଶତ ଭୋଟ୍ ମିଳିବାର ସମ୍ଭାବନା ଥିବାବେଳେ ଇଣ୍ଡିଆ ମେଣ୍ଟକୁ ମାତ୍ର ୧୫ ପ୍ରତିଶତ ଭୋଟ୍ ମିଳିବ ବୋଲି ଆକଳନ କରାଯାଇଛି। ବିଜେଡିକୁ ୪୨ ପ୍ରତିଶତ ଭୋଟ୍ ମିଳିପାରେ।
୨୦୧୯ ଲୋକସଭା ନିର୍ବାଚନରେ ବିଜୁ ଜନତା ଦଳ ୨୧ଟି ଆସନରୁ ୧୨ଟିରେ ବିଜୟୀ ହୋଇଥିଲା। ବିଜେପି ୮ଟି ଆସନରେ ବିଜୟୀ ହୋଇଥିଲା। ସେହିପରି କଂଗ୍ରେସ ମାତ୍ର ୧ଟି ଆସନରେ ସୀମିତ ରହିଥିଲା।
[ad_2]