[ad_1]
ନୂଆଦିଲ୍ଲୀ: ଭାରତୀୟ ଜନତା ପାର୍ଟି (ବିଜେପି) ୧୯୫ ଲୋକସଭା ନିର୍ବାଚନମଣ୍ଡଳୀ ପାଇଁ ପ୍ରାର୍ଥୀଙ୍କ ନାମ ଘୋଷଣା କରିସାରିଛି। ଏଥର ପାର୍ଟି ଆଉ ଶହେଟି ଆସନ ପାଇଁ ପ୍ରାର୍ଥୀଙ୍କ ତାଲିକା ଖୁବ୍ ଶୀଘ୍ର ଘୋଷଣା କରିବ ବୋଲି ଜଣାଯାଇଛି। ଏନେଇ ଭାରତୀୟ ଜନତା ପାର୍ଟି (ବିଜେପି)ର କେନ୍ଦ୍ରୀୟ ନିର୍ବାଚନ କମିଟି (ସିଇସି) ବୈଠକରେ ଆଲୋଚନା ହୋଇଛି।
ସୂଚନାନୁସାରେ, ବିହାର, ମହାରାଷ୍ଟ୍ର, ତେଲେଙ୍ଗାନା, ମଧ୍ୟପ୍ରଦେଶ, ଗୁଜୁରାଟ, କର୍ଣ୍ଣାଟକ ଏବଂ ହିମାଚଳ ପ୍ରଦେଶରେ ଶହେଟି ଆସନ ପାଇଁ ପ୍ରାର୍ଥୀ ତାଲିକା ନେଇ ଆଲୋଚନା ହୋଇଥିଲା। ଏହି ବୈଠକରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ଗୃହ ମନ୍ତ୍ରୀ ଅମିତ ଶାହା, ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେ ପି ନଡ୍ଡା ଏବଂ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ ପ୍ରମୁଖ ଉପସ୍ଥିତ ଥିଲେ।
Sambad is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ, ଆଗାମୀ ଲୋକସଭା ନିର୍ବାଚନ ପାଇଁ ବିଜେପି ଆଜି ପ୍ରଥମ ପ୍ରାର୍ଥୀ ତାଲିକା ପୂର୍ବରୁ ଜାରି କରିଥିଲା। ୩୭୦ଟି ଆସନ ଜିତିବା ଲାଗି ଲକ୍ଷ୍ୟ ଧାର୍ଯ୍ୟ କରିଥିବା ବିଜେପି ନିର୍ବାଚନ ତାରିଖ ଘୋଷଣା ହେବା ପୂର୍ବରୁ ୧୯୫ ଜଣ ପ୍ରାର୍ଥୀଙ୍କ ତାଲିକା ଘୋଷଣା କରିଥିଲା। ତାଲିକାରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ, ଗୃହ ମନ୍ତ୍ରୀ ଅମିତ ଶାହ ଏବଂ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହଙ୍କର ନାମ ରହିଥିଲା।
ବିଜେପିର ପ୍ରଥମ ପର୍ଯ୍ୟାୟ ୧୯୫ ଜଣିଆ ପ୍ରାର୍ଥୀ ତାଲିକାରେ ୩୪ ଜଣ କେନ୍ଦ୍ରମନ୍ତ୍ରୀ ରହିଛନ୍ତି। ତାଲିକାରେ ୨ ଜଣ ପୂର୍ବତନ ମୁଖ୍ୟମନ୍ତ୍ରୀଙ୍କ ନାମ ରହିଥିବା ବେଳେ ଏଥିରେ ୨୮ ଜଣ ମହିଳା ରହିଛନ୍ତି। ୫୦ ବର୍ଷରୁ କମ୍ ବୟସର ୪୭ ଜଣ ନେତା ପ୍ରଥମ ତାଲିକାରେ ସାମିଲ ହୋଇଥିବା ବେଳେ ଓବିସି ସମ୍ପ୍ରଦାୟର ୫୭ ଜଣ ପ୍ରାର୍ଥୀ ରହିଛନ୍ତି। ଦିଲ୍ଲୀର ପ୍ରାର୍ଥୀଙ୍କ ମଧ୍ୟରେ ପ୍ରବୀଣ ଖଣ୍ଡେଲୱାଲ, କମଲଜିତ ଶେରାୱତ, ରାମବୀର ସିଂହ ବିଧୁରୀ, ମନୋଜ ତିୱାରୀ ଏବଂ ସୁଷମା ସ୍ୱରାଜଙ୍କ ଝିଅ ବାଂସୁରୀ ସ୍ୱରାଜ ଅଛନ୍ତି। ପ୍ରଥମ ପର୍ଯ୍ୟାୟ ପ୍ରାର୍ଥୀ ତାଲିକାରେ ବିଜେପି ମୀନାକ୍ଷୀ ଲେଖି, ରମେଶ ବିଧୁରୀ ଓ ପ୍ରଜ୍ଞା ଠାକୁର ବାଦ ପଡ଼ିଛନ୍ତି।
[ad_2]
