[ad_1]
ନୂଆଦିଲ୍ଲୀ: ତୃଣମୂଳ କଂଗ୍ରେସ (ଟିଏମସି) ଆଜି ପଶ୍ଚିମବଙ୍ଗରେ ସମସ୍ତ ୪୨ ଲୋକସଭା ଆସନରେ ପ୍ରାର୍ଥୀ ଘୋଷଣା କରିଛି। ଟିଏମସି ଏହାର ୮ ଜଣ ବର୍ତ୍ତମାନର ସାଂସଦଙ୍କୁ ତାଲିକାରୁ ବାଦ୍ ଦେଇଛି। ପୂର୍ବତନ କ୍ରିକେଟର ୟୁସୁଫ ପଠାନ ଏବଂ କ୍ରିତି ଆଜାଦଙ୍କ ସମେତ ଅନେକ ନୂଆ ମୁହଁ ତାଲିକାରେ ସ୍ଥାନ ପାଇଛନ୍ତି। ଦଳ ମୋଟ୍ ୧୬ ଜଣ ବର୍ତ୍ତମାନର ସାଂସଦଙ୍କୁ ଆଉଥରେ ସୁଯୋଗ ଦେଇଛ। ଏମାନଙ୍କ ମଧ୍ୟରେ ୧୨ ଜଣ ମହିଳା ଅଛନ୍ତି। କ୍ରିକେଟର ୟୁସୁଫ ପଠାନ ବହରମପୁର ଲୋକସଭା ଆସନରୁ ନିର୍ବାଚନ ଲଢ଼ିବେ। ଅନ୍ୟପକ୍ଷେ କ୍ରିତି ଆଜାଦ ବର୍ଦ୍ଧମାନ-ଦୁର୍ଗାପୁର ନିର୍ବାଚନମଣ୍ଡଳୀରୁ ନିର୍ବାଚନ ଲଢ଼ିବେ। ସନ୍ଦେଶଖାଲି ସ୍ଥିତ ବସିରହାଟ ଲୋକସଭା ଆସନରେ ଟିଏମସି ପୂର୍ବତନ ସାଂସଦ ହାଜି ନୁରୁଲଙ୍କୁ ପ୍ରାର୍ଥୀ କରିଛି। ଟିଏମସି ମଧ୍ୟ କ୍ରୀଷ୍ଣନଗର ଆସନରୁ ଲଗାତାର ଦ୍ବିତୀୟ ଥର ପାଇଁ ମହୁିଆ ମୈତ୍ରଙ୍କୁ ପ୍ରାର୍ଥୀ କରିଛି। କୋଲକାତାର ବ୍ରିଗେଡ ପରେଡ ଗ୍ରାଉଣ୍ଡରେ ହୋଇଥିବା ଟିଏମସିର ବିଶାଳ ରାଲିରେ ଆଜି ଟିଏମସି ଏହାର ପ୍ରାର୍ଥୀ ତାଲିକା ଘୋଷଣା କରିଛି। ଟିଏମସି ରାଜ୍ୟର ସମସ୍ତ ୪୨ଟି ଆସନରେ ଏକାକୀ ନିର୍ବାଚନ ଲଢ଼ିବ ବୋଲି ଟିଏମସି ସୁପ୍ରିମୋ ମମତା ବାନାର୍ଜୀ ଆଜି ଘୋଷଣା କରିଛନ୍ତି।
[ad_2]
