[ad_1]
ନୂଆଦିଲ୍ଲୀ: ଉତ୍ତରପ୍ରଦେଶର ଇଟାୱା ରାସ୍ତାରେ ଏକ ଭୟବାହ ଦୁର୍ଘଟଣା ଘଟିଥିଲା। ପାଖାପାଖି ୨୫ କୁଇଣ୍ଟାଲ କୁକୁଡ଼ା ନେଇ ଯାଉଥିବା ଏକ ଡିସିଏସର ଚକା ଫାଟି ଯିବାରୁ ତାହା ରାସ୍ତାକୁ ଓଲଟି ପଡ଼ିଥିଲା। ଫଳରେ ଏଥିରେ ଭର୍ତ୍ତି ଥିବା କୁକୁଡ଼ା ରାସ୍ତାରେ ଫିଙ୍ଗି ହୋଇ ପଡ଼ିଥିଲେ।
Sambad is now on WhatsApp
Join and get latest news updates delivered to you via WhatsApp
ଅାଘାତ ଲାଗି କିଛି କୁକୁଡ଼ାଙ୍କ ମୃତ୍ୟୁ ହୋଇଯାଇଥିବା ବେଳେ ଆଉ କିଛି ଜୀବିତ ଥିଲେ। ତେବେ ଏଦୃଶ୍ୟ ଦେଖି ଉକ୍ତ ରାସ୍ତା ଦେଇ ଯାଉଥିବା ପିଲା ଠାରୁ ବୃଦ୍ଧ ନିଜର ଲୋଭକୁ ଅଟକାଇ ପାରି ନଥିଲେ। ଯିଏ ଯେଉଁଥିରେ ଯେମିତି ପାରିଲା କୁକୁଡ଼ା ଲୁଟି ନେଇ ଚାଲି ଯାଇଥିଲେ।
ତେବେ ଦୁର୍ଘଟଣାଗ୍ରସ୍ତ ଗାଡ଼ିର ଚାଳକ ମହମ୍ମଦ ଆଖି ସାମ୍ନାରେ ଲୋକଙ୍କୁ କୁକୁଡ଼ା ଲୁଟି ନେଉଥିବା ଦେଖି କିଛି କରି ପାରୁ ନଥିଲେ। ସେ ଉପାୟ ଶୂନ୍ୟ ଥିଲେ। କିଛିଲୋକଙ୍କୁ ବାରଣ କରୁଥିଲେ ବି ସେମାନେ ଚାଳକଙ୍କ କୌଣସି କଥା ଶୁଣୁ ନଥିଲେ। କିଛି ସମୟ ପରେ ଖବର ପାଇ ପୁଲିସ ଘଟଣାସ୍ଥଳରେ ପହଞ୍ଚି ସେ ସ୍ଥାନରୁ ଲୋକଙ୍କ ଯାତାୟାତକୁ ବନ୍ଦ କରିଥିଲା। କୁକୁଡ଼ାଗୁଡ଼ିକୁ ଉଦ୍ଧାର କରି ସୁରକ୍ଷିତ ସ୍ଥାନକୁ ପଠାଇଥିଲା।
ଡିସିଏମ ଚାଳକ ମହମ୍ମଦ ଶରିଫ କହିଛନ୍ତି, ‘ ମୁଁ କାନପୁରରୁ ଆଗ୍ରା ୨୫ କୁଇଣ୍ଟାଲ କୁକୁଡ଼ା ନେଇ ଯାଉଥିଲି। ରାସ୍ତାରେ ଗାଡ଼ିର ଚକା ଫାଟିଯିବାରୁ ଗାଡ଼ି ଦୁର୍ଘଟଣାଗ୍ରସ୍ତ ହୋଇ ଓଲଟି ପଡ଼ିଥିଲା। ଆଉ ଲୋକେ ଦୁର୍ଘଟଣାସ୍ଥଳରୁ ମନ ଇଚ୍ଛା କୁକୁଡ଼ା ବୋହି ନେଇଥିଲେ। ଲୁଟ ହୋଇଥିବା କୁକୁଡ଼ା ମୂଲ୍ୟ ଲକ୍ଷାଧିକ ଟଙ୍କା ହେବ ବୋଲି ଅନୁମାନ କରୁଛି।’
[ad_2]
