[ad_1]
ମୁମ୍ବାଇ: ରିଆଲିଟି ସୋ “ଝଲକ୍ ଦିଖଲା ଯା” ରେ ଆଜିକାଲି ବିଚାରପତି ବନୁଥିବା ମାଲାଇକା ଆରୋରା ନିକଟରେ ଏକ ରାତିରେ ଅଟୋରେ ଯାତ୍ରା କରି ଚର୍ଚ୍ଚାକୁ ଆସିଛନ୍ତି। ମଲାଇକାଙ୍କୁ ଫେବ୍ରୁଆରି ୨୦ ତାରିଖ ଦିନ ନିଜ ବିଳାସମୟ ଗାଡ଼ି ଛାଡ଼ି ଅଟୋରେ ଯାଉଥିବାର ଦେଖିବାକୁ ମିଳିଥିଲା।
Sambad is now on WhatsApp
Join and get latest news updates delivered to you via WhatsApp
ସେ ତାଙ୍କର ଜଣେ ପୁରୁଷ ବନ୍ଧୁଙ୍କ ସହ ଅଟୋରେ ଯାଉଥିବା ବେଳେ ଗଣମାଧ୍ୟମ ପ୍ରତିନିଧିଙ୍କୁ ଦେଖି ନିଜ ଚେହେରା ଲୁଚାଉଥିବାର ନଜର ଆସିଥିଲେ। ମଲାଇକା ମୁହଁରେ ହାତ ରଖି କ୍ୟାମେରାମ୍ୟାନମାନଙ୍କ ବିପରୀତ ଆଡ଼କୁ ବୁଲିକି ବସିଥିବାର ଫଟୋ ସୋସିଆଲ ମିଡିଆରେ ଭାଇରାଲ ହେଉଛି। ନିକଟରେ କେବଳ ମଲାଇକା ନୁହଁନ୍ତି, ତାଙ୍କ ବନ୍ଧୁଙ୍କ ଫଟୋ ବି ଭାଇରାଲ୍ ହେଉଛି। କେହି କେହି ମଲାଇକାଙ୍କ ସହ ଅଟୋରେ ଅର୍ଜୁନ କପୁର ଯାଉଥିବା ସନ୍ଦେହ କରିଥିଲେ। ହେଲେ ମଲାଇକାଙ୍କ ପୁରୁଷ ବନ୍ଧୁଙ୍କ ଫଟୋ ଦେଖିବା ପରେ ସ୍ପଷ୍ଟ ହୋଇଛି ଯେ ଯୁବକ ଜଣକ ଅର୍ଜୁନ ନୁହଁନ୍ତ, ଅନ୍ୟ ଜଣେ।
ତେବେ “ଝଲକ୍ ଦିଖଲା ଯା” ର ସବୁଠାରୁ ମହଙ୍ଗା ବିଚାରପତିଙ୍କ ଅଟୋ ଯାତ୍ରା ଲୋକଙ୍କୁ ଚକିତ କରିଛି। ଆପଣଙ୍କ ସୂଚନା ସକାଶେ ଜଣାଇ ଦେଉଛୁ ଯେ ମଲାଇକାଙ୍କର ଏହା ପ୍ରଥମ ଅଟୋ ଯାତ୍ରା ନୁହେଁ। ପୂର୍ବରୁ ବି ଅନେକ ଥର ଭିଡ଼ରୁ ବଞ୍ଚିବା ପାଇଁ ସେ ନିଜର ବିଳାସମୟ ଗାଡ଼ି ଛାଡ଼ି ଅଟୋରେ ଯାତ୍ରା କରିଛନ୍ତି।
[ad_2]
