[ad_1]
ମୁମ୍ବାଇ: ଦିବ୍ୟା ଖୋସଲା କୁମାର ବଲିଉଡର ସବୁଠାରୁ ଲୋକପ୍ରିୟ ଚଳଚ୍ଚିତ୍ର ନିର୍ମାତା ଏବଂ ଅଭିନେତ୍ରୀମାନଙ୍କ ମଧ୍ୟରୁ ଅନ୍ୟତମ। ତାଙ୍କର ଉତ୍କୃଷ୍ଟ ଅଭିନୟ ଏବଂ ସୁନ୍ଦର ଚେହେରା ହେତୁ ସେ ପ୍ରାୟତଃ ଲାଇମ୍ ଲାଇଟରେ ରହିଥାନ୍ତି। ଏବେ ଦିବ୍ୟା ତାଙ୍କ ବ୍ୟକ୍ତିଗତ ଜୀବନକୁ ନେଇ ଚର୍ଚ୍ଚାରେ ଅଛନ୍ତି। ସେ ଟି-ସିରିଜର ପରିଚାଳନା ନିର୍ଦ୍ଦେଶକ ଭୂଷଣ କୁମାରଙ୍କୁ ବିବାହ କରିଛନ୍ତି। ଏହି ଦମ୍ପତି ସର୍ବଦା ସେମାନଙ୍କର ବ୍ୟକ୍ତିଗତ ଜୀବନକୁ ଯଥେଷ୍ଟ ବ୍ୟକ୍ତିଗତ ରଖିଆସିଛନ୍ତି। କିନ୍ତୁ କିଛି ଦିନ ହେବ ଏହି ଦମ୍ପତିଙ୍କ ମଧ୍ୟରେ ସବୁ କିଛି ଠିକ୍ ନଥିବା ଚର୍ଚ୍ଚା ହେଉଛି।
Sambad is now on WhatsApp
Join and get latest news updates delivered to you via WhatsApp
ଦିବ୍ୟା ଖୋସଲା ନିଜ ନାମରୁ ‘କୁମାର’ ହଟାଇବା ପରେ ଅଭିନେତ୍ରୀ ସ୍ବାମୀଙ୍କୁ ଛାଡ଼ପତ୍ର ଦେବେ ବୋଲି ଚର୍ଚ୍ଚା ଜୋର ଧରିଛି। ଏଭଳି ଚର୍ଚ୍ଚା ହେବା ପରେ ଟି-ସିରିଜର ମୁଖପାତ୍ର ସ୍ପଷ୍ଟ କରିଛନ୍ତି ଯେ, ଦିବ୍ୟା ଓ ଭୂଷଣଙ୍କ ମଧ୍ୟରେ ସବୁ ଠିକ ଅଛି। ସେମାନଙ୍କ ସମ୍ପର୍କ ପୂର୍ବ ଭଳି ମଜବୁତ ଅଛି। ଦିବ୍ୟା ଇନଷ୍ଟାରେ ତାଙ୍କ ନାମରୁ ‘କୁମାର’ ହଟାଇ ଦେଇଛନ୍ତି କାରଣ ଜଣେ ଜ୍ୟୋତିଷ ତାଙ୍କୁ ଏଭଳି କରିବାକୁ କହିଛନ୍ତି। ‘କୁମାର’ ହଟାଇବା ପଛରେ ଅନ୍ୟ କିଛି କାରଣ ନାହିଁ।
ଉଲ୍ଲେଖଯୋଗ୍ୟ, ରେଡିଟର ଏକ ପୋଷ୍ଟକୁ ନେଇ ଚର୍ଚ୍ଚା ଆରମ୍ଭ ହୋଇଥିଲା ଯେ, ଦିବ୍ୟା, ଭୂଷଣଙ୍କୁ ଛାଡ଼ପତ୍ର ଦେବେ। ସୂଚନା ମୁତାବକ, ରେଡିଟରେ ଜଣେ ବ୍ୟବହାରକାରୀ ଦିବ୍ୟା ଖୋସଲାଙ୍କ ଇନଷ୍ଟା ହ୍ୟାଣ୍ଡେଲର ଏକ ସ୍କ୍ରିନସଟ୍ ସେୟାର କରିଥିଲେ ଯେଉଁଥିରେ ଦିବ୍ୟା ନିଜ ନାମରୁ କୁମାର ହଟାଇ ଦେଇଥିବା ଦେଖାଯାଇଥିଲା। ଆଗରୁ ତାଙ୍କ ଇନଷ୍ଟା ହ୍ୟାଣ୍ଡେଲର ନାମ ଦିବ୍ୟା ଖୋସଲା କୁମାର ଥିବା ବେଳେ ଏବେ କେବଳ ଦିବ୍ୟା ଖୋସଲା ରହିଛି।
[ad_2]
