[ad_1]
ମୁମ୍ବାଇ: ପାକିସ୍ତାନୀ ୟୁଟ୍ୟୁବରଙ୍କ ସହ କାମ କରିବାକୁ ଚାହାନ୍ତି ଟିଭିର ଜଣାଶୁଣା ହାସ୍ୟ ଅଭିନେତା କପିଲ ଶର୍ମା। ପାକିସ୍ତାନୀ ୟୁଟ୍ୟୁବର୍ ନାଦିର ଅଲିଙ୍କ ସହ କପିଲ କାମ କରିବାକୁ ଇଚ୍ଛା ପ୍ରକାଶ କରିଥିବା ଜଣାପଡ଼ିଛି। ୟୁଟ୍ୟୁବର୍ ତାଙ୍କ ଇନଷ୍ଟାଗ୍ରାମ ଆକାଉଣ୍ଟରେ ଏକ ଭିଡିଓ ସେୟାର କରିଛନ୍ତି, ଯେଉଁଥିରେ କପିଲ ଶର୍ମା, ନାଦିରଙ୍କ ସହ କଲରେ କଥା ହେଉଥିବା ଶୁଣିବାକୁ ମିଳିଛି।
Sambad is now on WhatsApp
Join and get latest news updates delivered to you via WhatsApp
ଭିଡିଓରେ ଏହା ଶୁଣିବାକୁ ମିଳୁଛି ଯେ କପିଲ ନାଦିରଙ୍କୁ କେମିତି ଅଛ ବୋଲି ପଚାରୁଛନ୍ତି। ଏହା ପରେ କହୁଛନ୍ତି ଯେ, “ମୁଁ ତୁମ କାମକୁ ବହୁତ ପସନ୍ଦ କରେ। ମୁଁ ତୁମର ସବୁ ସୋ’ ଦେଖୁଥିଲି। ତୁମେ ବହୁତ ଭଲ କାମ କରୁଛ। ମୁଁ ଚାହେଁ ଆମେ କେବେ ସମୟ କାଢ଼ି ଏକାଠି ସୋ’ କରିବା। ଦୁବାଇରେ ଏହା ସମ୍ଭବ ହୋଇପାରିବ। ମୁଁ ଆପଣଙ୍କୁ ଗୋଟାଏ କଥା କହିବାକୁ ଚାହେଁ ଯେ ମୁଁ ଅମୃତସରର ବାସିନ୍ଦା। ମୋ ବାପା ସେଠାରେ ଜନ୍ମ ହୋଇଥିଲେ। କିନ୍ତୁ ମୋର ଜେଜେବାପା ଲାହୋରର ରହିଥିଲେ। ମୁଁ ଜାଣେ ତୁମେ ମଧ୍ୟ ଲାହୋରର। ଲାହୋର ସହ ମୋର ଅନେକ ସ୍ମୃତି ଜଡିତ ଅଛି। ଆମେ ଏବେ ଏକ ବଡ଼ ପ୍ରୋଜେକ୍ଟ ପାଇଁ କାମ କରୁଛୁ। ସେଥିରେ ତୁମକୁ ନେବା ପାଇଁ ଆମେ ଚିନ୍ତା କରୁଛୁ। ଦୁବାଇ ପହଞ୍ଚିଲେ ମୁଁ ତୁମକୁ କଲ୍ କରି ଜଣାଇବି।”
[ad_2]
