[ad_1]
ମୁମ୍ବାଇ: ଆପଣ ଜାଣନ୍ତି କି ଏସଏସ ରାଜାମୌଲିଙ୍କ ଚଳଚ୍ଚିତ୍ର ‘ବାହୁବଲୀ’ରେ କଟ୍ଟପ୍ପା ଭୂମିକା ପାଇଁ ସତ୍ୟରାଜ ପ୍ରଥମ ପସନ୍ଦ ନଥିଲେ? ନିର୍ମାତାମାନେ ଏହି ଭୂମିକା ପାଇଁ ସଞ୍ଜୟ ଦତ୍ତଙ୍କୁ ନେବାକୁ ଚାହୁଁଥିଲେ। ‘ବାହୁବଲୀ’ ଲେଖକ ତଥା ଏସ୍ ରାଜାମୌଲିଙ୍କ ପିତା ଭି ବିଜୟେନ୍ଦ୍ର ପ୍ରସାଦ ଏହା ପ୍ରକାଶ କରିଛନ୍ତି। ସେ କହିଛନ୍ତି ଯେ ସେ ଏବଂ ‘ବାହୁବଲୀ’ର ନିର୍ମାତାମାନେ ଏହି ଚଳଚ୍ଚିତ୍ରରେ କଟ୍ଟପ୍ପାଙ୍କ ଭୂମିକା ପାଇଁ ସଞ୍ଜୟ ଦତ୍ତଙ୍କୁ ନେବାକୁ ଚାଁହୁଥିଲେ । କିନ୍ତୁ ସଞ୍ଜୟ ଦତ୍ତ ସେହି ସମୟରେ ଜେଲରେ ଥିଲେ। ବାହୁବଲୀ: ବିଗିନିଙ୍ଗ ୨୦୧୫ ମସିହାରେ ରିଲିଜ ହୋଇଥିଲା।
Sambad is now on WhatsApp
Join and get latest news updates delivered to you via WhatsApp
ପ୍ରଥମେ ତାମିଲ ଏବଂ ତେଲୁଗୁ ଭାଷାରେ ନିର୍ମିତ ଏହି ଫିଲ୍ମ ପରେ ହିନ୍ଦୀ ଭାଷାରେ ମୁକ୍ତିଲାଭ କରିଥିଲା | ଏହି ଚଳଚ୍ଚିତ୍ରରେ ପ୍ରଭାସ ବାହୁବଲୀ ଭୂମିକାରେ ଅଭିନୟ କରିଥିଲେ ଏବଂ ସତ୍ୟରାଜ କଟ୍ଟପ୍ପା ଭୂମିକାରେ ଅଭିନୟ କରିଥିଲେ। ଏହି ଚଳଚ୍ଚିତ୍ରରେ ତମନ୍ନା ଭାଟିଆ, ରାମିଆ କୃଷ୍ଣନ୍, ରାଣା ଦଗୁବତୀ, ନାସର ଏବଂ ଅନୁଷ୍କା ଶେଟ୍ଟୀ ଅଭିନୟ କରିଥିଲେ।
‘ବାହୁବଲୀ’ର ବଜେଟ୍ ପ୍ରାୟ ୧୮୦ କୋଟି ଟଙ୍କା ଥିଲା। ଭି ବିଜୟେନ୍ଦ୍ର ପ୍ରସାଦ ୨୦୨୦ ମସିହାରେ ଏକ ସାକ୍ଷାତକାରରେ କହିଥିଲେ ଯେ ଆରମ୍ଭରୁ ବାହୁବଲୀ ଭୂମିକା ପାଇଁ ପ୍ରଭାସ ପ୍ରଥମ ପସନ୍ଦ ଥିଲେ। କଟ୍ଟପ୍ପା ଭୂମିକା ପାଇଁ ସଞ୍ଜୟ ଦତ୍ତଙ୍କ ନାମ ମନରେ ଥିଲା | ସେ କହିଥିଲେ, ସଞ୍ଜୟ ଦତ୍ତଙ୍କୁ ନେବା ପାଇଁ ଅନେକ ଚେଷ୍ଟା କରାଯାଇଥିଲା | କିନ୍ତୁ ସେ ସମୟରେ ଜେଲରେ ଥିବାରୁ ଏହା ହୋଇପାରିନଥିଲା । ଏହା ପରେ ପରବର୍ତ୍ତୀ ବିକଳ୍ପ ଭାବେ ସତ୍ୟରାଜଙ୍କୁ ନିଆଯାଇଥିଲା |
[ad_2]
