[ad_1]
ନୂଆଦିଲ୍ଲୀ: ତେହରାନ୍ଠାରେ ଚାଲିଥିବା ଏସୀୟ ଇନ୍ଡୋର ଦୌଡ଼କୁଦ ପ୍ରତିଯୋଗିତାରେ ଭାରତୀୟ ଧାବିକା ଜ୍ୟୋତି ୟାରାଜି ନୂଆ କୀର୍ତ୍ତିମାନ କରିଛନ୍ତି। ମହିଳା ୬୦ ମିଟର ବାଧାଦୌଡ଼ରେ ୟାରାଜି ୮.୧୨ ସେକେଣ୍ଡ ସମୟ ନେଇ ନିଜର ଜାତୀୟ କୀର୍ତ୍ତିମାନକୁ ଭାଙ୍ଗିବା ସହ ପ୍ରତିଯୋଗିତାରେ ଦ୍ବିତୀୟ ସ୍ବର୍ଣ୍ଣ ଜିତିଥିଲେ। ତାଙ୍କ ପଛକୁ ଜାପାନ୍ର ଅସୁକା ଟେରେଡା (୮.୨୧ ସେକେଣ୍ଡେ) ଦ୍ବିତୀୟ ଓ ହଂକଂର ଲୁଇ ଲାଇ ଇୟୁ (୮.୨୬ ସେକେଣ୍ଡ) ତୃତୀୟ ସ୍ଥାନରେ ରହିଥିଲେ। ଏହାବାଦ୍ ୧୫୦୦ ମିଟର ଦୌଡ଼ରେ ଦୁଇଥରର ଏସୀୟ କ୍ରୀଡ଼ା ରୌପ୍ୟ ବିଜେତା ହର୍ମିଲାନ୍ ବୈନ୍ସ ୪:୨୯.୫୫ ସେକେଣ୍ଡ ସମୟ ସହ ସ୍ବର୍ଣ୍ଣ ପଦକ ଜିତିଛନ୍ତି। ଭୁବନେଶ୍ବର କଳିଙ୍ଗ ଷ୍ଟାଡିୟମ୍ସ୍ଥିତ ରିଲାଏନ୍ସ ଫାଉଣ୍ଡେସନ୍ ଏଚ୍ପିସିରେ ତାଲିମ ନେଉଥିବା ଜ୍ୟୋତିଙ୍କ ସହ ମୋଟ ୭ ଜଣ ଏହି ପ୍ରତିଯୋଗିତାରେ ଅଂଶଗ୍ରହଣ କରୁଛନ୍ତି। ଗତବର୍ଷ ରୌପ୍ୟ ଜିତିଥିବାରୁ ଜ୍ୟୋତି ଏଥର ଖୁସି ବ୍ୟକ୍ତ କରିଛନ୍ତି। ଏଥି ପାଇଁ ଜ୍ୟୋତି ଓଡ଼ିଶା ସରକାର ଏବଂ ରିଲାଏନ୍ସ ଫାଉଣ୍ଡେସନ୍କୁ ଧନ୍ୟବାଦ ଦେଇଛନ୍ତି।
[ad_2]
