ବିପର୍ଯ୍ୟସ୍ତ ରାସ୍ତାଘାଟର ଭିଡିଓ ଉତ୍ତୋଳନ କରୁଥିବା ମହିଳା କାଉନ୍ସିଲର୍ଙ୍କୁ ଗୁଳି ମାରି ହତ୍ୟା – Kalinga News
[ad_1]
କୁଇଟୋ: ବୁଧବାର ଅପରାହ୍ଣରେ ଗୁରୁତ୍ବପୂର୍ଣ୍ଣ ବୈଠକ ସାରି ବିପର୍ଯ୍ୟସ୍ତ ହୋଇପଡ଼ିଥିବା ରାସ୍ତାଘାଟର ଭିଡିଓ ଉତ୍ତୋଳନ କରୁଥିବା ଇକ୍ବାଡର୍ର ଜଣେ ୨୯ ବର୍ଷୀୟା ମହିଳା କାଉନ୍ସିଲର୍ଙ୍କୁ ଦୁଇଜଣ ବାଇକ୍ ଆରୋହୀ ଦୁର୍ବୃତ୍ତ ସମସ୍ତଙ୍କ ସମ୍ମୁଖରେ ଗୁଳିମାରି ହତ୍ୟା କରିଥିବା କଥା ‘ମେଲ୍ ଅନ୍ଲାଇନ୍’ ରିପୋର୍ଟ କରିଛି।
Sambad is now on WhatsApp
Join and get latest news updates delivered to you via WhatsApp
ରିପୋର୍ଟରେ ଉଲ୍ଲେଖ ଅଛି, ବୁଧବାର ଅପରାହ୍ଣରେ ଗୁୟୟାସ ଅନ୍ତର୍ଗତ ନାରାଞ୍ଜଲ୍ ସହରରେ କାଉନ୍ସିଲ୍ ବୈଠକ ଶେଷ କରି ବିପର୍ଯ୍ୟସ୍ତ ହୋଇପଡ଼ିଥିବା ରାସ୍ତାଘାଟର ଭିଡିଓ ଉତ୍ତୋଳନ କରିଥିଲେ।
ପୁଲିସ କହିଛି, ସେତିକି ବେଳେ ଦୁଇଜଣ ପୁରୁଷ ସନ୍ଦିଗ୍ଧ ବାଇକ୍ ଆରୋହଣ କରି ସେଠାରେ ପହଞ୍ଚି ଡାଏନାଙ୍କ ମୁଣ୍ଡକୁ ଲକ୍ଷ୍ୟ କରି ଗୁଳି ଚଳାଇ ଘଟଣାସ୍ଥଳରୁ ଖସି ପଳାଇଗଲେ।
ପ୍ରତ୍ୟକ୍ଷଦର୍ଶୀମାନେ ଡାଏନାଙ୍କ ନିକଟକୁ ଧାଇଁ ଯାଇ ତୁରନ୍ତ ତାଙ୍କୁ ନାରଞ୍ଜଲ୍ ବେସିକ୍ ହସ୍ପିଟାଲ୍କୁ ନେଇଥିଲେ। ସେ ମୃତା ବୋଲି ଡାକ୍ତରମାନେ ଘୋଷଣା କଲେ।
ଇକ୍ବାଡର୍ର ଆଟର୍ଣ୍ଣି ଅଫିସ୍ କହିଛି ଯେ, ଘଟଣାର ତଦନ୍ତ ଚାଲିଛି। ଗୁରୁବାର ଅପରାହ୍ଣ ସୁଦ୍ଧା କାହାକୁ ଗିରଫ କରାଯାଇ ନାହିଁ।
[ad_2]
