[ad_1]
ମୁମ୍ବାଇ: ବଲିଉଡ ଅଭିନେତ୍ରୀ ପରିଣୀତି ଚୋପ୍ରାଙ୍କ ବିଷୟରେ ଏକ ବଡ ଖବର ଆସିଛି, ଯାହା ତାଙ୍କ ପ୍ରଶଂସକଙ୍କୁ ଚକିତ କରିପାରେ। ରାଘବ ଚଢ଼ାଙ୍କ ସହ ବିବାହ ପରେ ଅଭିନେତ୍ରୀଙ୍କ ଫିଲ୍ମ କ୍ୟାରିୟରକୁ ନେଇ ବିଭିନ୍ନ ପ୍ରଶ୍ନ ଉଠିଥିଲା। ଅନେକ ଲୋକ ବିଶ୍ୱାସ କରୁଥିଲେ ଯେ ପରୀ ରାଜନୀତିରେ ଯୋଗଦେବେ।
ତେବେ ବର୍ତ୍ତମାନ ଏହି ସବୁ ଚର୍ଚ୍ଚାକୁ ନେଇ ଅଭିନେତ୍ରୀ ନିଜର ନିରବତା ଭାଙ୍ଗିଛନ୍ତି। ବିବାହ ପରେ ଅଭିନେତ୍ରୀ ଏବେ ତାଙ୍କ ଜୀବନର ଏକ ନୂଆ ଅଧ୍ୟାୟ ଆରମ୍ଭ କରିବାକୁ ଯାଉଛନ୍ତି। ଆଜ୍ଞା ହଁ, ‘ଇଶକଜାଦେ’ ଅଭିନେତ୍ରୀ ଏବେ ଅଭିନୟ ବ୍ୟତୀତ ଗୀତ ଗାଇ ନିଜର ଯାଦୁ ବିସ୍ତାର କରିବାକୁ ଯାଉଛନ୍ତି।
View this post on Instagram
ଅଭିନେତ୍ରୀ ସୋସିଆଲ ମିଡିଆରେ ଏହା ଘୋଷଣା କରିଛନ୍ତି। ନିଜ ଇନଷ୍ଟାଗ୍ରାମ ଆକାଉଣ୍ଟରେ ଏକ ଭିଡିଓ ସେୟାର କରି ସେ କହିଛନ୍ତି ଯେ, ସେ ସଙ୍ଗୀତ ଜଗତରେ ନିଜର କ୍ୟାରିୟର ଆରମ୍ଭ କରିବାକୁ ଯାଉଛନ୍ତି।
ନିଜର ଏକ ଭିଡିଓ ସେୟାର କରି ସେ ଲେଖିଛନ୍ତି, ‘ସଙ୍ଗୀତ ମୋ ପାଇଁ ସବୁବେଳେ ଖୁସିର ସ୍ଥାନ ହୋଇରହିଛି। ମୁଁ ବର୍ଷ ବର୍ଷ ଧରି ମଞ୍ଚରେ ଅନେକ ସଂଗୀତଜ୍ଞଙ୍କ ପ୍ରଦର୍ଶନ ଦେଖିଆସୁଛି। ବର୍ତ୍ତମାନ ମୁଁ ମଧ୍ୟ ଏହି ଦୁନିଆର ଏକ ଅଂଶ ହେବାକୁ ଯାଉଛି। ମୁଁ ନିଜକୁ ବହୁତ ଭାଗ୍ୟବାନ ମନେ କରୁଛି ଏବଂ ମୋ ଜୀବନରେ ଏକ ନୂତନ ଅଧ୍ୟାୟ ଆରମ୍ଭ କରିବାକୁ ମୁଁ ବହୁତ ଉତ୍ସାହିତ ଅଛି।
[ad_2]
