ପ୍ରେମିକକୁ ଭେଟିବା ପାଇଁ ରାତି ୪ଟାରେ ଗଲା ଝିଅ; ଦୁହିଁଙ୍କୁ ହତ୍ୟା କରି ଥାନାରେ ଆତ୍ମସମର୍ପଣ କଲେ ବାପା – Kalinga News
[ad_1]
ବରେଲି: ପ୍ରେମିକକୁ ଭେଟିବା ପାଇଁ ରାତି ୪ଟାରେ ଝିଅ ଘରୁ ବାହାରି ଯିବାରୁ ରାଗରେ ବାପା ଝିଅ ଓ ତା’ର ପ୍ରେମିକକୁ ଗୋଟାଏ ଫାଉଡ଼ାରେ ହତ୍ୟା କରି ମଙ୍ଗଳବାର ସକାଳେ ଥାନରେ ଆତ୍ମସମର୍ପଣ କରିଥିବା କଥା ପୁଲିସ କହିଛି।
Sambad is now on WhatsApp
Join and get latest news updates delivered to you via WhatsApp
ଉତ୍ତର ପ୍ରଦେଶର ବଦୌନ୍ ଜିଲ୍ଲାରେ ଘଟଣା ସଂକ୍ରାନ୍ତରେ ‘ଏସ୍ଏସ୍ପି’ ଓ. ପି. ସିଂହ କହିଛନ୍ତି, ପାରୋଲିରେ ଜଣେ ୧୯ ବର୍ଷୀୟ ତରୁଣୀ ଓ ତା’ର ୨୦ ବର୍ଷିୟ ପ୍ରେମିକକୁ ତରୁଣୀର ବାପା ଓ ଅନ୍ୟ ଆତ୍ମୀୟମାନେ ହତ୍ୟା କରିଛନ୍ତି। ହତ୍ୟାକାଣ୍ଡରେ ବ୍ୟବହୃତ ରକ୍ତାକ୍ତ ଅସ୍ତ୍ର ସହିତ ଅଭିଯୁକ୍ତ ବାପ ମହେଶ ବିଲ୍ସି ଥାନାରେ ଆତ୍ମସମର୍ପଣ କରିଛନ୍ତି।
ପ୍ରେମିକର ଆତ୍ମୀୟମାନେ ତରୁଣୀଙ୍କ ବାପା ଓ ତାଙ୍କ ପରିବାରର ଅନ୍ୟ ୩ଜଣ ସଦସ୍ୟଙ୍କ ବିରୋଧରେ ଅଭିଯୋଗ କରିବା ପରେ ‘ଆଇପିସି’ ଧାରା ୩୦୩, ୧୪୭, ୧୪୮, ୧୪୯ ଓ ୩୪ ଅନୁଯାୟୀ ‘ଏଫ୍ଆଇଆର୍’ ପଞ୍ଜିକରଣ କରାଯାଇଛି। ତା’ପରେ ତରୁଣୀଙ୍କ ପିତାମାତାଙ୍କୁ ଗିରଫ କରି ଜେଲ୍କୁ ପଠାଇଦିଆଯାଇଛି ବୋଲି ‘ଏସ୍ଏସ୍ପି’ କହିଛନ୍ତି।
ସେ ଆହୁରି ମଧ୍ୟ କହିଛନ୍ତି, ନିହତ ପ୍ରେମିକ ଓ ପ୍ରେମିକା ଏକା ସମ୍ପ୍ରଦାୟର ଓ ୨ ବର୍ଷ ହେବ ପରସ୍ପରଙ୍କୁ ଜାଣିଥିଲେ। ପ୍ରେମିକ ହିମାଚଳ ପ୍ରଦେଶରେ କାମ କରନ୍ତି। ଛୁଟିରେ ସେ ଘରକୁ ଆସିଥିଲେ।
[ad_2]
