ଆପଣ ଖାଦ୍ୟ ଖାଇବାକୁ ରେଷ୍ଟୁରାଣ୍ଟକୁ ଯାଆନ୍ତି କି ? ଯଦି କେହି ଆପଣଙ୍କୁ ଏହି ପ୍ରଶ୍ନ ପଚାରନ୍ତି ତେବେ ଆପଣଙ୍କର ଉତ୍ତର ହଁ ହେବ ଏବଂ ନିଜ ପସନ୍ଦର ସୁସ୍ବାଦୁ ଖାଦ୍ୟ ମଧ୍ୟ ଖାଆନ୍ତୁ । ଯଦି ଆପଣଙ୍କୁ କେହି ଏହା ପଚାରନ୍ତି ଯେ ଆପଣ ରେଷ୍ଟୁରାଣ୍ଟ ବିଲରେ ଟଙ୍କା ଗଣନା କରୁଛନ୍ତି କି ? ତେବେ ଆପଣଙ୍କ ଉତ୍ତର ନାଁ ହୋଇପାରେ । ଅବଶ୍ୟ ଆପଣ ହୁଏତ ଟଙ୍କାର ହିସାବ ରଖିନଥିବେ, କିନ୍ତୁ କର୍ଣ୍ଣାଟକର ରାଜଧାନୀ ବେଙ୍ଗାଲୁରୁରେ ଜଣେ ବ୍ୟକ୍ତି କେବଳ ଟଙ୍କାର ହିସାବ ରଖିନାହାଁନ୍ତି ବରଂ 40 ପଇସା ଅଧିକ ନେବାପାଇଁ ରେଷ୍ଟୁରାଣ୍ଟ ବିରୋଧରେ କେଶ ମଧ୍ୟ କରିଛନ୍ତି।
ମିଡିଆ ରିପୋର୍ଟ ଅନୁସାରେ ଏହି ମାମଲା ମେ 2021 ର ଅଟେ। ମୂର୍ତ୍ତି ନାମକ ଜଣେ ବ୍ୟକ୍ତି ଖାଦ୍ୟ ଖାଇବା ପାଇଁ ବାଙ୍ଗାଲୋରର ଏକ ରେଷ୍ଟୁରାଣ୍ଟକୁ ଯାଇଥିଲେ। ଏହି ଭୋଜନର ମୂଲ୍ୟ 265 ଟଙ୍କା ଥିଲା । କିନ୍ତୁ ରେଷ୍ଟୁରାଣ୍ଟ ମୂର୍ତ୍ତିଙ୍କୁ 265.60 ଟଙ୍କାର ଏକ ବିଲ ଦେଇଥିଲା । ମୂର୍ତ୍ତି ରେଷ୍ଟୁରାଣ୍ଟ କର୍ମଚାରୀଙ୍କୁ ଏହି ବିଷୟରେ ପଚାରିବାରୁ ସେମାନଙ୍କର ପାଖରେ ଏହାର କୌଣସି ଉତ୍ତର ନଥିଲା । 40 ପଇସାର ହିସାବ ନମିଳିବାରୁ ସେ ଗ୍ରାହକଙ୍କୁ ଲୁଟ କରିଥିବାର ଅଭିଯୋଗ କରିଛନ୍ତି।
କେବଳ ଏତିକି ନୁହେଁ ମୂର୍ତ୍ତି ଏହି ପ୍ରସଙ୍ଗରେ ଗ୍ରାହକ କୋର୍ଟରେ ଏକ ପିଟିସନ ଦାଖଲ କରି ଏବଂ ରେଷ୍ଟୁରାଣ୍ଟରୁ 1000 ଟଙ୍କା କ୍ଷତିପୂରଣ ଦାବି କରିଛନ୍ତି । କିନ୍ତୁ ବ୍ୟକ୍ତିର ଏହି ବାଜି ଉଲଟା ତାଙ୍କ ଉପରେ ଭାରି ପଡିଥିଲା ଏବଂ ତାଙ୍କୁ 4000 ଟଙ୍କା ଜୋରିମାନା ଦେବାକୁ ପଡ଼ିଲା । ଅର୍ଥାତ ସେହି ବ୍ୟକ୍ତିଙ୍କ ଉପରେ 10000 ପ୍ରତିଶତ ଜରିମାନା ଲଗାଯାଇଛି ।
ବିଲ ଦେଖିବା ପରେ ତାଙ୍କୁ ଶକ ଲାଗିଥିଲା :
ମୂର୍ତ୍ତି ନିଜେ କୋର୍ଟରେ ନିଜର ମାମଲା ରକ୍ଷା କରିଥିଲେ। ଗ୍ରାହକ କୋର୍ଟରେ ଦାଖଲ ହୋଇଥିବା ଆବେଦନରେ ମୂର୍ତ୍ତି କହିଛନ୍ତି ଯେ ରେଷ୍ଟୁରାଣ୍ଟରେ ଘଟିଥିବା ଏହି ଘଟଣା ତାଙ୍କୁ ଗଭୀର ବିବ୍ରତ କରିଛି । ତାଙ୍କୁ ବିଲ ଠାରୁ ଜୋରିମାନା ଦେବାର ଶକ ଲାଗିଛି ।
କୋର୍ଟର ଶୁଣାଣି 8 ମାସ ପର୍ଯ୍ୟନ୍ତ ଚାଲିଥିଲା :
କୋର୍ଟରେ ମୂର୍ତ୍ତିଙ୍କ ଆବେଦନ ଉପରେ ଶୁଣାଣି 8 ମାସ ପର୍ଯ୍ୟନ୍ତ ଚାଲିଥିଲା । ସୋମବାର ଦିନ ମାମଲାର ଶୁଣାଣି ବେଳେ ବିଚାରପତିମାନେ ମୂର୍ତ୍ତିଙ୍କୁ ତାଗିଦ କରିଥିଲେ। କୋର୍ଟ କହିଛନ୍ତି ଯେ ମୂର୍ତ୍ତିଙ୍କ ଆବେଦନ କେବଳ କୋର୍ଟର ସମୟ ନଷ୍ଟ କରୁଛି। ଏହା ସହିତ କୋର୍ଟ ମଧ୍ୟ ତାଙ୍କ ଉପରେ ଜୋରିମାନା ଲଗାଇଛି । ତାଙ୍କୁ 2000 ରେଷ୍ଟୁରାଣ୍ଟ ଏବଂ 2000 କୋର୍ଟକୁ ଜୋରିମାନା ଦେବାକୁ ନିର୍ଦ୍ଦେଶ ଦିଆଯାଇଛି। କୋର୍ଟ ତାଙ୍କ ଆଦେଶରେ ସ୍ପଷ୍ଟ କରିଛନ୍ତି ଯେ ଯଦି ମୂର୍ତ୍ତି 30 ଦିନ ମଧ୍ୟରେ ଜୋରିମାନା ନଦେଲେ ତେବେ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ।
