ନୂଆଦିଲ୍ଲୀ: ପୂର୍ବତନ ଚଳଚ୍ଚିତ୍ର ଅଭିନେତ୍ରୀ ମମତା କୁଲକର୍ଣ୍ଣୀ ମହାମଣ୍ଡଳେଶ୍ୱର ହେବା ପୁଣି ସେଥିରୁ ବିଦା ହେବା ଘଟଣା ଚର୍ଚ୍ଚାରେ ରହିଛି। କିଛି ଦିନ ପୂର୍ବରୁ ମମତା କୁଲକର୍ଣ୍ଣୀଙ୍କୁ କିନ୍ନର ଆଖଡ଼ାର ମହାମଣ୍ଡଳେଶ୍ୱର କରାଯାଇଥିଲା କିନ୍ତୁ ବିବାଦ ପରେ ତାଙ୍କୁ ଏହି ପଦବୀରୁ ହଟାଇ ଦିଆଯାଇଥିଲା।
ବାଗେଶ୍ୱର ଧାମର ବାବା ପଣ୍ଡିତ ଧୀରେନ୍ଦ୍ର ଶାସ୍ତ୍ରୀ ଏବଂ ଯୋଗଗୁରୁ ବାବା ରାମଦେବଙ୍କ ସମେତ ଅନେକ ସନ୍ଥ ଏବଂ ମୁନିମାନେ ମମତା କୁଲକର୍ଣ୍ଣୀଙ୍କୁ ମହାମଣ୍ଡଳେଶ୍ୱର ଭାବରେ ନିଯୁକ୍ତି ଦେବା ଘଟଣାର ପ୍ରତିବାଦ କରିଥିଲେ।
ଏହି ପ୍ରତିବାଦ ପରେ ମମତା କୁଲକର୍ଣ୍ଣୀ ପ୍ରତିକ୍ରିୟା ଦେଇ ଦେଇଛନ୍ତି।
ନିକଟରେ ଟେଲିଭିଜନ ସୋ ‘ଆପ କି ଅଦାଲତ’ରେ ମମତା କୁଲକର୍ଣ୍ଣୀ ଯୋଗ ଦେଇଥିଲେ। ଏହି ସୋ’ରେ ତାଙ୍କୁ ମହାମଣ୍ଡଳେଶ୍ୱର ଭାବରେ ନିଯୁକ୍ତି ପାଇବା ପରେ ସୃଷ୍ଟି ହୋଇଥିବା ବିବାଦକୁ ନେଇ କିଛି ପ୍ରଶ୍ନ ପଚରାଯାଇଥିଲା।
ମମତା କୁଲକର୍ଣ୍ଣୀ ବାବା ରାମଦେବ ଦେଇଥିବା ବୟାନକୁ ନେଇ କହିଥିଲେ, “ମୁଁ ଏବେ ବାବା ରାମଦେବଙ୍କୁ କ’ଣ କହିବି? ସେମାନେ ମହାକାଳ ଏବଂ ମହାକାଳୀଙ୍କୁ ଭୟ କରିବା ଉଚିତ। ମୁଁ ତାଙ୍କୁ ତାଙ୍କ ଉପରେ ଛାଡିଦେଉଛି।”
ଧୀରେନ୍ଦ୍ର ଶାସ୍ତ୍ରୀଙ୍କ ବୟସ ସମାନ ଅର୍ଥାତ୍ ୨୫ ବର୍ଷ ଧରି ମୁଁ ତପସ୍ୟା କରିଛି। ମୁଁ ଧୀରେନ୍ଦ୍ର ଶାସ୍ତ୍ରୀଙ୍କୁ କହିବାକୁ ଚାହୁଁଛି ଯେ ତାଙ୍କ ଗୁରୁ ରାମଭଦ୍ରାଚାର୍ଯ୍ୟଙ୍କର ପାଖରେ ଦିବ୍ୟ ଦୃଷ୍ଟି ଅଛି। ତେଣୁ ଗୁରୁଙ୍କୁ ପଚାରନ୍ତୁ ମୁଁ କିଏ ଏବଂ ଚୁପ୍ ଚାପ୍ ବସି ଯାଆନ୍ତୁ।”
ମମତା କୁଲକର୍ଣ୍ଣୀ ଏହା ମଧ୍ୟ କହିଛନ୍ତି ଯେ , ’ମୁଁ ମହାମଣ୍ଡଳେଶ୍ୱର ହେବାକୁ ଚାହୁଁ ନଥିଲି କିନ୍ତୁ କିନ୍ନର ଆଖଡ଼ାର ଆଚାର୍ଯ୍ୟ ଲକ୍ଷ୍ମୀ ନାରାୟଣ ତ୍ରିପାଠୀ ମୋତେ ଏପରି କରିବାକୁ ବାଧ୍ୟ କରିଥିଲେ। ଲୋକେ କହୁଛନ୍ତି ମୁଁ ମହାମଣ୍ଡଳେଶ୍ୱର ହେବା ପାଇଁ ଟଙ୍କା ଦେଇଛି। ଏଭଳି ଅଭିଯୋଗ କରୁଥିବା ଲୋକଙ୍କୁ କହିବାକୁ ଦେବାକୁ ଚାହିଁବି କି ପାଖରେ ଟଙ୍କା ନାହିଁ। ମୋର ସମସ୍ତ ଆକାଉଣ୍ଟ ଜବତ ହୋଇ ଯାଇଛି । ମୁଁ ଋଣ ନେଇ ଗୁରୁଙ୍କୁ ୨ ଲକ୍ଷ ଟଙ୍କା ଦେଇଛି।’
