ମାଲକାନଗିରି: ମାଓ ସଂଗଠନର ତେଲେଙ୍ଗାନା ଏରିଆ କମିଟି ତରଫରୁ ପ୍ରେସ ବିଜ୍ଞପ୍ତି ପ୍ରଦାନ କରାଯାଇ କୁହାଯାଇଛି ଯେ ଗତ ୧ ତାରିଖ ଦିନ ସୀମାନ୍ତରେ ହୋଇଥିବା ଏନକାଉଣ୍ଟର ମିଥ୍ୟା ଥିଲା।
ସୂଚନାକୁ ଆଧାର କରି ତେଲେଙ୍ଗାନା ଗ୍ରେହାଉଣ୍ଡ ପୁଲିସ ଡିସେମ୍ବର ୧ ତାରିଖରେ ମୁଲୁଗୁ ଜିଲ୍ଲାର ଚାଲୁଚା ଗ୍ରାମ ପଞ୍ଚାୟତ ଅନ୍ତର୍ଗତ ଇଟୁର ନାଗରାମ ମଣ୍ଡଳର ଜଙ୍ଗଲରେ ୭ ଜଣ ବିପ୍ଳବୀଙ୍କୁ ବିଷ ଦିଆଯାଇଥିଲା ବୋଲି ସଚିବ ଜଗନ ପ୍ରେସ ବିଜ୍ଞପ୍ତିରେ ଅଭିଯୋଗ କରିଛି।
୩୦ ନଭେମ୍ବର ସନ୍ଧ୍ୟାରେ ଆମର ସାତଜଣିଆ ବାହିନୀ ଚାଲଚାକା ପଞ୍ଚାୟତର ପ୍ରବାସୀ ଆଦିବାସୀ ଗ୍ରାମର ଗ୍ରାମବାସୀ ସହ ମିଶି ଏକତ୍ର ଭୋଜନ କରିବାକୁ କହିଥିଲେ। ଜଣେ ସୂଚନାଦାତା ଯିଏ ପୂର୍ବରୁ ପୁଲିସର ଚାଟୁକାର ହୋଇଥିଲେ ସେ ବିପ୍ଲବୀଙ୍କ ଖାଦ୍ୟରେ ବିଷ ମିଶାଇଥିଲେ। ଯାହାଫଳରେ ବିପ୍ଲବୀମାନେ ଚେତା ହରାଇଲେ।
ଚେତାଶୂନ୍ୟ ଥିବା ସାଥୀମାନଙ୍କୁ ଭୋର ସକାଳ ୪ଟା ସମୟରେ ପୁଲିସ ନିର୍ଯାତନା ଦେଇଥିଲା। ଶତ୍ରୁଙ୍କ ଏଭଳି ଯୋଜନାରେ ଆମର କ୍ୟାଡର ସାଥୀ କୁରୁସାମ ମାଙ୍ଗୁ ଅରଫ ପପାନ୍ନା,ତେଲେଙ୍ଗାନା ରାଜ୍ୟ କମିଟି ସଦସ୍ୟ ବଦ୍ରୁ,ଇଗୋଲାପୁ ମଲାଇୟା,ଆଞ୍ଚଳିକ କମ୍ପାନୀ-୨ର ଦ୍ୱିତୀୟ ପ୍ଲାଟୁନ୍ ସଦସ୍ୟ କର୍ଣ୍ଣମ କମଲ, କେ.ଜୟସିଂହ ଧରାପଡିଥିଲେ। ପୁଲିସ ନିର୍ଯାତନାରେ ସେମାନଙ୍କର ମୃତ୍ୟୁ ଘଟିଥିଲା
