ଭୁବନେଶ୍ବର: ରାଜଧାନୀ ଭୁବନେଶ୍ବରର ଜଣେ ଡେଣ୍ଟିଷ୍ଟଙ୍କୁ ଦଲାଲ ଠକିଛନ୍ତି। ଘରଭଡ଼ା ଦେବାକୁ କହି ଟଙ୍କା ନେଇ ଚମ୍ପଟ ମାରିଛନ୍ତି। ଘରଭଡା ଦେଇ ନାହାନ୍ତି କି ନେଇଥିବା ଟଙ୍କା ମଧ୍ୟ ଫେରାଇ ନାହାନ୍ତି।
ଇନ୍ଫୋସିଟି ଥାନାରେ ଏ ନେଇ ଡେଣ୍ଟିଷ୍ଟ ଅଭିଯୋଗ କରିଛନ୍ତି। ଡେଣ୍ଟିଷ୍ଟ ଜଣକ ହେଉଛନ୍ତି ଜ୍ୟୋତିପ୍ରକାଶ ସାହୁ। ତାଙ୍କ ଘର ଯାଜପୁର ଜିଲ୍ଲାରେ। ଦିଲ୍ଲୀରେ ପାଠ ପଢା ଶେଷ କରିବା ପରେ ଭୁବନେଶ୍ୱରର ଏକ ଘରୋଇ ହସ୍ପିଟାଲରେ ଇଣ୍ଟର୍ନସିପ ପାଇଁ ଆସିଥିଲେ।
ଘର ଭଡ଼ା ପାଇଁ ରାସ୍ତା କଡରେ ଲାଗିଥିବା ଏକ ଟୁଲେଟ ପୋଷ୍ଟରକୁ ଦେଖି ସେହି ନମ୍ବରରେ ଯୋଗାଯୋଗ ଜ୍ୟୋତିପ୍ରକାଶ କରିଥିଲେ। ସେହି ନମ୍ବରରେ କଲ କରିବା ପରେ ଦଲାଲ ସହ ନନ୍ଦନବିହାର ଯାଇ ଦୁଇ ମାସର ଅଗ୍ରୀମ ଦେଇଥିଲେ। ସେ ଫୋନ ପେ’ରେ ଟଙ୍କା ଦେଇଥିବା ପ୍ରମାଣ ଦେଖାଇଛନ୍ତି।
