ହାପି ବର୍ଥ ଡେ ସୁନିଲ ମିତ୍ତଲ; ପରିଶ୍ରମ ଦେଇଥିଲା ପରିଚୟ, ଏବେ କୋଟିକୋଟି ସମ୍ପତ୍ତିର ମାଲିକ

ସେ ଜଣେ ଭାରତୀୟ ଉଦ୍ୟୋଗୀ ତଥା ବଡ଼ ବ୍ୟବସାୟୀ। ସୁନିଲ ଭାରତର ଦ୍ୱିତୀୟ ତଥା ବିଶ୍ୱର ତୃତୀୟ ବୃହତ୍ତମ ଟେଲିକମ କମ୍ପାନୀ ଏୟାରଟେଲର ମାଲିକ ତଥା ଚେୟାରମ୍ୟାନ୍ ।

୨୦୦୭ରେ ଭାରତ ସରକାରଙ୍କ ଦ୍ବାରା ତାଙ୍କୁ ପଦ୍ମ ଭୂଷଣ ସମ୍ମାନରେ ସମ୍ନାନିତ କରାଯାଇଥିଲା । ଏହାବ୍ୟତୀତ ବିଜ୍ନେସ୍ ଲିଡର ଅଫ୍ ଦ ଇୟର ଭାବରେ ଘୋଷଣା କରାଯାଇଥିଲା । ସୁନୀଲ ମିତ୍ତଲଙ୍କ ମୋଟ ସମ୍ପତ୍ତି ୩୦.୭ ବିଲିୟନ ଡଲାର । ସୁନିଲଙ୍କ ମାଙ୍କ ନାଁ ଲଲିତା ମିତ୍ତଲ ଏବଂ ପିତାଙ୍କ ନାଁ ସତ୍ୟପାଲ ମିତ୍ତଲ । ଏମାନେ ଜଣେ ବଡ଼ ରାଜନେତା ଥିଲେ ଏବଂ ଦୁଇଥର ଲୋକସଭା ଏବଂ ଥରେ ରାଜ୍ୟସଭା ସାଂସଦ ଥିଲେ।

ସୁନୀଲ ମିତ୍ତଲଙ୍କ ପତ୍ନୀଙ୍କ ନାଁ ନୈନା ମିତ୍ତଲ ଏବଂ ତାଙ୍କର ଦୁଇଟି ସନ୍ତାନ ଅଛନ୍ତି। ପୁଅ କେଭିନ ମିତ୍ତଲ ଏବଂ ଝିଅ ହେଉଛନ୍ତି ଶାର୍ଭିନ ଭାରତୀ ମିତ୍ତଲ । କେଭିନ ହେଉଛନ୍ତି ହାଇକ୍ ମେସେଞ୍ଜରର ସିଇଓ ଏବଂ ଜଣେ ଯୁବ ଉଦ୍ୟୋଗୀ ଭାବେ ବେଶ୍ ପରିଚିତ ।

୧୮ ବର୍ଷ ବୟସରେ, ସୁନୀଲ ମିତ୍ତଲ ବ୍ୟବସାୟ ଶିଳ୍ପରେ କରିଥିଲେ ଏଣ୍ଟ୍ରି । ସାଙ୍ଗମାନଙ୍କ ସହିତ ସେ ଏକ ଛୋଟ ସାଇକେଲ ଆରମ୍ଭ କରିଥିଲେ ବ୍ୟବସାୟ । ଯେଉଁଥିରେ ସେ ହିରୋ ସାଇକେଲର ପାର୍ଟସ ତିଆରି କରିବା ଆରମ୍ଭ କରିଥିଲେ। ଏହି ବ୍ୟବସାୟ ଭଲ ଥିଲା । କିନ୍ତୁ ଏଥିରେ ସେ ଖୁସି ନଥିଲେ, ଏଥିପାଇଁ ଭାଇମାନଙ୍କ ସହ ମିଶି ସେ ଭାରତୀ ଓଭରସିଜ୍ ଟ୍ରେଡିଂ କମ୍ପାନୀର କରିଥିଲେ ପ୍ରତିଷ୍ଠା ।

ତେବେ ଏଠାରେ ଅଟକିନଥିଲେ ସୁନୀଲ ମିତ୍ତଲ । ୧୯୮୧ରେ ଇମ୍ପୋର୍ଟ ଲାଇସେନ୍ସ କିଣିବା ପରେ ସେ ଜାପାନରୁ ପୋର୍ଟେବଲ୍ ଜେନେରେଟର ବିକ୍ରୟ ଆରମ୍ଭ କରିଥିଲେ। ଏହି କାର୍ଯ୍ୟରେ ସୁନୀଲ ବିପୁଳ ଲାଭ କରିଥିଲେ ଏବଂ ଧୀରେ ଧୀରେ ଏହି କାର୍ଯ୍ୟରେ ପ୍ରତିଷ୍ଠିତ ହେବାକୁ ଲାଗିଲେ । କିନ୍ତୁ ଏହାରି ଭିତରେ ସୁନୀଲ ମିତ୍ତଲଙ୍କ ଏହି ବ୍ୟବସାୟ ଖୁବ୍ ଶୀଘ୍ର ବନ୍ଦ ହୋଇଯାଇଥିଲା । କାରଣ ଦେଶରେ ଦୁଇଟି ଜେନେରେଟର ତିଆରି କରିବାର ଲାଇସେନ୍ସ କେବଳ ଦୁଇଟି ଭାରତୀୟ କମ୍ପାନୀକୁ ଲାଇସେନ୍ସ ଦିଆଯାଇଥିଲା।

ଏତିକିରେ ହାର ମାନିନଥିଲେ ସୁନୀଲ ମିତ୍ତଲ । ସେ ହାର ମାନି ନଥିଲେ । ୧୯୮୪ରେ ସେ ତାଇୱାନ କମ୍ପାନୀ କିଙ୍ଗଟେଲରୁ ପୁସ୍ ବଟନ୍ ଫୋନ୍ କାମ ଆରମ୍ଭ କରିଥିଲେ ଏବଂ ଏହା ପରେ ୧୯୯୨ରେ ସେ ମୋବାଇଲ୍ ନେଟୱାର୍କ ଲାଇସେନ୍ସ ପାଇଁ ଦାବି କରିଥିଲେ । କିଛି କମ୍ପାନୀ ମଧ୍ୟରେ ସୁନୀଲ ମିତ୍ତଲଙ୍କ କମ୍ପାନୀ ଭାରତୀ ସେଲୁଲାର ଲିମିଟେଡ୍ ଯଥା ବିସିଏଲ୍ ମଧ୍ୟ ଲାଇସେନ୍ସ ପାଇଲା। ଏଠାରୁ ସୁନୀଲ ମିତ୍ତଲ ସଫଳତାର ରାସ୍ତାରେ ଯାଉଥିବାର ଦେଖାଯାଇଥିଲା, କାରଣ ମିତ୍ତଲ ଏୟାରଟେଲ ବ୍ରାଣ୍ଡ ସହିତ ୨୦ ଲକ୍ଷ ଲୋକଙ୍କ ମାର୍କ ଅତିକ୍ରମ କରି ବହୁ ଧନୀ ଶିଳ୍ପପତିଙ୍କ ସହ ଯୋଗ ଦେଉଥିଲେ। ଭାରତୀୟ ଟେଲିକମ୍ କମ୍ପାନୀ ଏୟାରଟେଲରେ ଭାରତର ପ୍ରସିଦ୍ଧ ଶିଳ୍ପପତି ସୁନୀଲ ମିତ୍ତଲ ଏକ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଛନ୍ତି ।