ବସ୍‌ ଚାଳକଙ୍କୁ ଛୁରାମାଡ଼, ପୂର୍ବ ଶତ୍ରୁତାକୁ ନେଇ ଆକ୍ରମଣ ହୋଇଥିବା ସନ୍ଦେହ

ସୂଚନା ମୁତାବକ, ଗୁରୁବାର ସକାଳେ ଗାଡି ବାହାର କରିବା ପୂର୍ବରୁ ଶୌଚ ପାଇଁ ପାଖରେ ଥିବା ଟ୍ୟାକ୍ସି ଷ୍ଟାଣ୍ଡ ନିକଟକୁ ଯାଇଥିଲେ ଫୁପ୍ଲିନ । ସେଠାରେ କେହି ଜଣେ ଦୁର୍ବୃତ୍ତ ଏକ ବାଇକ୍ରେ ଆସି ଫୁପ୍ଲିନକୁ ଛୁରା ମାଡ଼ କରି ଫେରାର ହେଇଯାଇଥିଲା । ଦୁର୍ବୃତ୍ତ ଜଣକ ହେଲମେଟ୍ ପିନ୍ଧିଥିବା କିଛି ପ୍ରତ୍ୟକ୍ଷ ଦର୍ଷୀ କହିଛନ୍ତି । ତେବେ ଏହି ଛୁରାମାଡ଼ରେ ଗୁରୁତର ହୋଇ ପଡ଼ିଥିଲେ ଫୁପ୍ଲିନ । ଏହା ଦେଖି ସ୍ଥାନୀୟଲୋକେ ତୁରନ୍ତ ଫୁପ୍ଲିନଙ୍କୁ ଗୁରୁତର ଅବସ୍ଥାରେ ସ୍ଥାନୀୟ ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରାଯାଇଥିଲେ । ଏହା ସହ ପୋଲିସକୁ ମଧ୍ୟ ଖବର ଦାଇଥିଲେ । ଖବର ପାଇ ଉମରକୋଟ ପୋଲିସ ମେଡିକାଲ ପହଞ୍ଚି ତଦନ୍ତ ଆରମ୍ଭ କରିଛି । ପ୍ରାଥମିକ ଚିକିତ୍ସା ପରେ ଫୁପ୍ଲିନଙ୍କ ଅବସ୍ଥା ଗୁରୁତର ହୋଇଥିବାରୁ ତାଙ୍କୁ କୋରାପୁଟ ସହିଦ ଲକ୍ଷ୍ମଣ ନାୟକ ମେଡିକାଲ କଲେଜକୁ ସ୍ଥାନାନ୍ତର କରାଯାଇଛି । ତେବେ ଏହି ଛୁରା ମାଡ଼ ପୂର୍ବ ଶତ୍ରୁତାକୁ ନେଇ ହେଇଥିବା ଅନୁମାନ କରାଯାଉଛି ।