ପୁଣି ଚର୍ଚ୍ଚାରେ କୋଲକାତାର ଆରଜି କର ମେଡିକାଲ କଲେଜ ଓ ହସ୍ପିଟାଲ। ଏଠାରେ ଜଣେ ମହିଳା ଡାକ୍ତରଙ୍କୁ ଦୁଷ୍କର୍ମ ପରେ ହତ୍ୟା କରାଯିବା ଘଟଣାକୁ ନେଇ ତମ୍ଭିତୋଫାନ ଲାଗି ରହିଥିବା ବେଳେ ଆଜି ଏହାର ପରିସରରୁ ମିଳିଛି ଗୋଟିଏ ସନ୍ଦିଗ୍ଧ ବ୍ୟାଗ।
ଦୁଷ୍କର୍ମ ଓ ହତ୍ୟା ଘଟଣା ବିରୋଧରେ ଡାକ୍ତରମାନେ ଯେଉଁ ସ୍ଥାନରେ ବିକ୍ଷୋଭ କରୁଥିଲେ, ସେଠାରୁ ସନ୍ଦେହଜନକ ଅବସ୍ଥାରେ ବ୍ୟାଗକୁ ଠାବ କରାଯାଇଛି।
ଗୋଟିଏ ବେଞ୍ଚ ଉପରେ ଏହା ରହିଥିବା ଜଣାପଡ଼ିବା ପରେ ଆତଙ୍କ ଖେଳି ଯାଇଛି। ଏଥିରେ ବୋମା ଥିବା ଆଶଙ୍କାରେ ପୂରା ଅଞ୍ଚଳକୁ କର୍ଡନ କରାଯାଇଛି।
ଅଧିକାରୀମାନଙ୍କ ସୂଚନା ଅନୁଯାୟୀ, ସନ୍ଦେହଜନକ ଅବସ୍ଥାରେ ବ୍ୟାଗ ମିଳିବା ପରେ ପୂରା ଅଞ୍ଚଳକୁ କର୍ଡନ କରାଯାଇଛି। ବୋମା ନିଷ୍କ୍ରୟକାରୀ ଟିମ ଓ ଡଗ ସ୍କ୍ୱାଡକୁ ମଧ୍ୟ ପହଞ୍ଚିଛନ୍ତି। ବର୍ତ୍ତମାନ ଯାଞ୍ଚ ଚାଲିଛି। ତେବେ ଅଧିକାରୀ ଜଣଙ୍କ ବ୍ୟାଗ ଭିତରୁ କ’ଣ ମିଳିଛି, ସେକଥା କହି ନାହାନ୍ତି। ତେବେ ସନ୍ଦିଗ୍ଧ ବ୍ୟାଗଟି ମିଳିଥିବା ସ୍ଥାନ ପରିତ୍ୟକ୍ତ ଅବସ୍ଥାରେ ରହିଥିଲା। ସେଠାରେ ପୂର୍ବରୁ ଆନ୍ଦୋଳନ ହେଉଥିଲା। କିନ୍ତୁ ଏବେ ସେଠାରେ କୌଣସି ପ୍ରକାରର ଆନ୍ଦୋଳନ ହେଉ ନଥିଲା।
