୧୦୦୦ ଟପିଲା ଡେଙ୍ଗୁ ରୋଗୀଙ୍କ ସଂଖ୍ୟା : ଖୋର୍ଦ୍ଧାରେ ସର୍ବାଧିକ ୨୯୦ ଜଣ, ଖୁବଶୀଘ୍ର ଭାରତକୁ ମିଳିବ ଡେଙ୍ଗୁ ଭ୍ୟାକସିନ

ଯାହାମଧ୍ୟରେ ଭୁବନେଶ୍ବରର ୨୦୦ ରୁ ଅଧିକ ରୋଗୀ ଅଛନ୍ତି ।

ଦ୍ବିତୀୟରେ ରହିଛି ସୁନ୍ଦରଗଡ଼, ଯେଉଁଠି ୨୧୮ ଜଣ ରୋଗୀ ଚିହ୍ନଟ ହୋଇଛନ୍ତି । ରାଉଲକେଲା ସମସ୍ୟା ଅଧିକ ରହିଥିବାରୁ ଏହା ଉପରେ ସ୍ଵତନ୍ତ୍ର ଭାବେ ଧ୍ୟାନ ଦିଆଯାଇଛି । ଟେଷ୍ଟିଂ ଅଧିକ ହେଉଥିବାରୁ ରୋଗୀଙ୍କ ସଂଖ୍ୟା ଅଧିକ ରହୁଛି । ପୂର୍ବ ବର୍ଷ ତୁଳନାରେ ଅଧିକ ଡେଙ୍ଗୁ ରୋଗୀ ଚିହ୍ନଟ ହୋଇଛନ୍ତି । ଏପଟେ ଆଶ୍ବସ୍ତି ଆଣିବ ଡେଙ୍ଗୁ ଭ୍ୟାକସିନ । ଖୁବଶୀଘ୍ର ଭାରତକୁ ମିଳିବ ଡେଙ୍ଗୁ ଭ୍ୟାକସିନ ।

ଅଗଷ୍ଟ ପହିଲାରେ ସେରମ ଇନଷ୍ଟିଚ୍ୟୁଟ ଅଫ ଇଣ୍ଡିଆ ଓ ପେନୋସିଆ ବାୟୋଟେକର ମିଳିତ ଉଦ୍ୟମରେ ପ୍ରସ୍ତୁତ ଭ୍ୟାକସିନର ଭାରତରେ ତୃତୀୟ ପର୍ଯ୍ୟାୟ ଟ୍ରାଏଲ ପାଇଁ ମଞ୍ଜୁରୀ ଦେଇଛି ଇଣ୍ଡିଆନ କାଉନସିଲ ଅଫି ମେଡ଼ିକାଲ ରିସର୍ଚ୍ଚ -ଆସିଏମଆର । ଉତ୍ପାଦିତ ଟିକା ସଂପର୍ଣ୍ଣ ସୁରକ୍ଷିତ ଓ ପ୍ରଭାବୀ ବୋଲି କୁହାଯାଇଛି । ଭାରତରେ ପ୍ରତିବର୍ଷ ଡେଙ୍ଗୁରେ ଲୋକେ ଆକ୍ରାନ୍ତ ହେଉଥିବାରୁ ଚିନ୍ତା ବଢ଼ିଛି । ବିଶ୍ବରେ ୪୦ କୋଟି ଲୋକ ଡେଙ୍ଗୁରେ ପୀଡ଼ିତ ହେଉଥିବାରୁ ବିଶ୍ବବ୍ୟାପୀ ଚିନ୍ତା ବଢ଼ିଛି ।