[ad_1]
ନୂଆଦିଲ୍ଲୀ / ଯୋଧପୁର: ଅଭିନେତ୍ରୀ କଙ୍ଗନା ରାଣାୱତ ଗତକାଲି ରାଜସ୍ଥାନରେ ଏକ ବିରାଟ ପଦଯାତ୍ରାର ଆୟୋଜନ କରିଥିଲେ। ଏହି ପଦଯାତ୍ରାରେ ସେ ବିଜେପି ପ୍ରାର୍ଥୀ ଗଜେନ୍ଦ୍ର ସିଂ ଶେଖୱତଙ୍କ ପାଇଁ ପ୍ରଚାର କରିଥିଲେ।
Sambad is now on WhatsApp
Join and get latest news updates delivered to you via WhatsApp
ରାଜସ୍ଥାନୀ ପଗଡିରେ ପିନ୍ଧି କଙ୍ଗନା ରାଣାୱତ “ଭରତ ମାତା କି ଜୟ” ଏବଂ “ଜୟ ଶ୍ରୀ ରାମ” ଜପ ମଧ୍ୟରେ ଯୋଧପୁରରେ ପଦଯାତ୍ରାକୁ ଆଗେଇ ନେଉଥିବା ବେଳେ ଦଳର ସମର୍ଥକ ଏବଂ ପ୍ରଶଂସକମାନେ ତାଙ୍କୁ ଘେରି ରହିଥିଲେ।
ଏନଡିଟିଭି ସହ କଥାବାର୍ତ୍ତା କରି ବିଜେପି ପତାକା ଉତ୍ତୋଳନ କରୁଥିବା କଙ୍ଗନା କହିଛନ୍ତି ଯେ ଯୋଧପୁରର ଲୋକଙ୍କର ବିଜେପି ଉପରେ ସମ୍ପୂର୍ଣ୍ଣ ଭରସା ଅଛି। ସେ କହିଛନ୍ତି, ‘‘ଗେରୁଆର ଲହରୀ ଥିଲା ଓ ଗେରୁଆ ଲହରୀ ହିଁ ଆଗକୁ ରହିବ। ଆମେ ବିଜେପି ପ୍ରତି ସେମାନଙ୍କ ପ୍ରେମ ଦେଖିପାରିଲୁ।’’
ସେ ପାଲିରେ ବିଜେପି ନେତା ପିପି ଚୌଧୁରୀଙ୍କ ପାଇଁ ମଧ୍ୟ ପ୍ରଚାର କରିଥିଲେ। ସେଠାରେ କଙ୍ଗନା କଂଗ୍ରେସ ଦଳ ବିପକ୍ଷରେ ବୟାନ ଦେଇଥିବାର ଦେଖିବାକୁ ମିଳିିଛି। କଂଗ୍ରେସ ସଂପର୍କରେ କଙ୍ଗନା କହିଥିଲେ, ‘‘ସେମାନେ (କଂଗ୍ରେସ) ଅପମାନଜନକ ମନ୍ତବ୍ୟ ଦେଇଥିଲେ ଏବଂ ମୋ ଚରିତ୍ରକୁ ଆକ୍ଷେପ କରିଥିଲେ। ହେଲେ ମୋର ସୈନିକମାନେ ସେମାନଙ୍କୁ ଜବାବ ଦେଇଥିଲେ। କାରଣ ମୋ ଶରୀରରେ ବି ରାଜସ୍ତାନ ଡିଏନ୍ଏ ଅଛି।’’
କଂଗ୍ରେସ ମୁଖପାତ୍ର ସୁପ୍ରିୟା ଶ୍ରୀନେଟଙ୍କ କଙ୍ଗନା ରାନାୱତଙ୍କ ନିର୍ବାଚନରେ ଡେବ୍ୟୁକୁ ନେଇ ଏକ ଅପମାନଜନକ ପୋଷ୍ଟ ଏକ ବଡ଼ ବିବାଦ ସୃଷ୍ଟି କରିଥିଲା। ପରେ ସେ ଭିଡିଓ ପୋଷ୍ଟ୍ କରି ସ୍ପଷ୍ଟୀକରଣ ଜାରି କରି କହିଥିଲେ ଯେ ସେ ତାଙ୍କ ହ୍ୟାଣ୍ଡେଲରୁ “ଅନୁପଯୁକ୍ତ ପୋଷ୍ଟଗୁଡିକ” ଡିଲିଟ କରିଛନ୍ତି।
[ad_2]
