[ad_1]
ବାଲିଅନ୍ତା: ଜୟଦେବ ବିଧାନସଭାମଣ୍ଡଳୀରେ ଜୟନ୍ତ ଭୋଇଙ୍କ କଂଗ୍ରେସ ଟିକେଟ କଟିବା ପରେ ଆଜି ତାଙ୍କୁ ବିଜେପିର ଏକ ମିଶ୍ରଣ ପର୍ବରେ ଦେଖିବାକୁ ମିଳିଛି। ଅପରାଜିତା ଷଡ଼ଙ୍ଗୀ, ପ୍ରଶାନ୍ତ ଜଗଦ୍ଦେବ ଓ ଜଗନ୍ନାଥ ପ୍ରଧାନଙ୍କ ସହିତ ଜୟନ୍ତ ଓ ତାଙ୍କର କେତେ ସମର୍ଥକଙ୍କ ବିଜେପି ଟୋପି ପିନ୍ଧା ଫଟୋ ସୋସିଆଲ ମିଡିଆରେ ଭାଇରାଲ୍ ହେଉଛି। ଅସନ୍ତୁଷ୍ଟ ହେବାପରେ ସେ ବିଜେପିରେ ଯୋଗ ଦେଇଥିବା ଚର୍ଚ୍ଚା ହେଉଛି। ବିଜେପି ଜୟଦେବରେ ଅରବିନ୍ଦ ଢାଲିଙ୍କୁ ପ୍ରାର୍ଥୀ ଭାବେ ଘୋଷଣା କରିସାରିଛି। ଏଣୁ ବିଜେପିରେ ମିଶିଲେ ତୁରନ୍ତ ତାଙ୍କର କୌଣସି ବ୍ୟକ୍ତିଗତ ଫାଇଦା ହେବନାହିଁ। କିନ୍ତୁ ସେ କଂଗ୍ରେସ ପ୍ରାର୍ଥୀ କୃଷ୍ଣଚନ୍ଦ୍ର ସଗରିଆଙ୍କ ପାଇଁ କଣ୍ଟା ହେବେ ବୋଲି କୁହାଯାଉଛି।
Sambad is now on WhatsApp
Join and get latest news updates delivered to you via WhatsApp
ତେବେ ଜୟନ୍ତ ଏହି ପ୍ରସଙ୍ଗକୁ ଅତି ହାଲୁକା ଭାବେ ନେଇ କହିଛନ୍ତି, ଏକ ସଭାରେ ତାଙ୍କର ସମର୍ଥକଙ୍କ ସହିତ ଅଭିଯୋଗ କରିବାକୁ ଯାଇଥିବା ବେଳେ ତାଙ୍କୁ ମଜାରେ ବିଜେପି ନେତାମାନେ ବିଜେପି ଟୋପି ପିନ୍ଧାଇ ଦେଇଛନ୍ତି। ବିଜେପିରେ ମିଶିବେ କି ନାହିଁ ସେ ନେଇ ନିଷ୍ପତ୍ତି ନେଇ ନାହାନ୍ତି। ସମର୍ଥକମାନଙ୍କ ସହ ଆଲୋଚନା ପରେ ପଦକ୍ଷେପ ଗ୍ରହଣ କରିବେ ବୋଲି କହିଛନ୍ତି। ଅନ୍ୟପଟେ କଂଗ୍ରେସ ପ୍ରାର୍ଥୀ କୃଷ୍ଣଚନ୍ଦ୍ର ସଗରିଆ ଜୟଦେବରେ ପ୍ରଚାର ଆରମ୍ଭ କରିଛନ୍ତି। ବାଲିପାଟଣା ବ୍ଲକ କଂଗ୍ରେସ କମିଟି ସଭାପତିଙ୍କ ସମେତ ବରିଷ୍ଠ ନେତାମାନେ ତାଙ୍କ ସହ ପ୍ରଚାର କରୁଥିବା ଦେଖାଯାଇଛି।
[ad_2]
