[ad_1]
ଲକ୍ଷ୍ନୌ/ଚଣ୍ଡିଗଡ଼: ୟୁପି-ହରିୟାଣା ସୀମାର ଟାଣ୍ଡା ଯମୁନା ଖାଦରରେ ଗହମ ଅମଳ ନେଇ ଚାଷୀଙ୍କ ମଧ୍ୟରେ ଝଗଡା ହୋଇଥିଲା। ଏହା ପରେ ଘଟଣାସ୍ଥଳରେ ପହଞ୍ଚିଥିବା ୟୁପି ଏବଂ ହରିୟାଣା ପୁଲିସ୍ ମଧ୍ୟରେ ମୁହାଁମୁହିଁ ସ୍ଥିତି ସୃଷ୍ଟି ହେବା ସହିତ କଡ଼ା ଯୁକ୍ତିତର୍କ ହୋଇଥିଲା। ଯମୁନା ଖାଦର ଅଞ୍ଚଳ ଜମିକୁ ନେଇ ଦୁଇ ରାଜ୍ୟ ମଧ୍ୟରେ ସୀମା ବିବାଦ ଲାଗି ରହିଛି। ଏହି କାରଣରୁ ହରିୟାଣା ସମାଲଖାର କୃଷକମାନେ ଗହମ ଫସଲ କାଟିବା ପାଇଁ ପୋଲିସ ଫୋର୍ସ ସହିତ ଖାଦରକୁ ଆସିଥିଲେ।
Sambad is now on WhatsApp
Join and get latest news updates delivered to you via WhatsApp
କୃଷକମାନେ ଫସଲ ଅମଳ କରୁଥିବା ଦେଖି ୟୁପି ଅଞ୍ଚଳର କୃଷକମାନେ ପୋଲିସକୁ ଏ ବିଷୟରେ ଜଣାଇ ସମାଲଖା କୃଷକଙ୍କ ଏଭଳି କାର୍ଯ୍ୟକୁ ବିରୋଧ କରିଥିଲେ।
ଏହି ମାମଲା ଉଭୟ ପକ୍ଷଙ୍କ ମଧ୍ୟରେ ବଢ଼ିଚାଲିଥିଲା ଏବଂ ଉଭୟ ପକ୍ଷଙ୍କ ମଧ୍ୟର ହାତାହାତି ସ୍ଥିତି ସୃଷ୍ଟି ହୋଇଥିଲା। ଦୁଇ ପକ୍ଷଙ୍କ ବିବାଦର ସମାଧାନ ପାଇଁ ଆସିଥିବା ହରିୟାଣା ଏବଂ ୟୁପି ପୋଲିସ୍ ମଧ୍ୟରେ ଯୁକ୍ତିତର୍କ ଆରମ୍ଭ ହୋଇଥିଲା।
ଏହା ପରେ ସ୍ଥାନୀୟ ଜିଲ୍ଲା ପ୍ରଶାସନକୁ ସୂଚନା ଦିଆଯାଇଥିଲା। ସୂଚନା ପାଇବା ପରେ ଏସଡିଏମ ଅମର ଚନ୍ଦ ବର୍ମା ଘଟଣାସ୍ଥଳରେ ପହଞ୍ଚିଥିଲେ। ସେ ଉଭୟପକ୍ଷଙ୍କୁ ବୁଝାସୁଝା କରି ଏହି ମାମଲାକୁ ଶାନ୍ତ କରିଛନ୍ତି। ଏପ୍ରିଲ୍ ୨୮ ରେ ଉଭୟ ପକ୍ଷର ଏକ ବୈଠକ ହେବ, ଯେଉଁଥିରେ ଏହି ସମସ୍ୟାର ସମାଧାନ କରାଯିବ ବୋଲି କୁହାଯାଉଛି।
ଏହି ବୈଠକରେ ଉଭୟ ରାଜ୍ୟର କୃଷକ ମଧ୍ୟ ଉପସ୍ଥିତ ରହିବେ। ରାଜସ୍ୱ ବିଭାଗର ରେକର୍ଡ ଅନୁଯାୟୀ, କେଉଁ ରାଜ୍ୟର କୃଷକମାନେ ଜମିର ଗହମ ଫସଲ ଅମଳ କରିବାକୁ ଅନୁମତି ପାଇବେ ତାହାର ନିଷ୍ପତ୍ତି ହେବ।
ହରିୟାଣାର ପାନିପତ କିସାନ ଭବନର ମୁଖ୍ୟ ସୁରଜବ ରାୱଲ କହିଛନ୍ତି ୟୁପି କୃଷକମାନେ ପାନିପତ କୃଷକଙ୍କ ଜମି ଦଖଲ କରିବାକୁ ଚାହୁଁଛନ୍ତି। ପାନିପତର ପ୍ରଶାସନିକ ଏବଂ ପୋଲିସ ଅଧିକାରୀମାନେ ୟୁପି ଚାଷୀଙ୍କ ବିରୋଧରେ ଏନେଇ କାର୍ଯ୍ୟାନୁଷ୍ଠାନ ଗ୍ରହଣ କରିବା ଉଚିତ।
ନାଇବ ତହସିଲଦାର କୈଳାଶ ଚନ୍ଦ୍ର କହିଛନ୍ତି ଏହି ବିବାଦର ସମାଧାନ ନହୁଏ ତେବେ ଏପ୍ରିଲ ୨୮ରେ ଉଭୟ ପକ୍ଷର ପ୍ରଶାସନିକ ଅଧିକାରୀଙ୍କ ବୈଠକ ଅନୁଷ୍ଠିତ ହେବ ଏବଂ ଜମି ରେକର୍ଡ ସହ ଗହମ ଅମଳ ବିବାଦର ସମାଧାନ ହେବ।
ସୂଚନାଯୋଗ୍ୟ, ଦୁଇ ରାଜ୍ୟ ମଧ୍ୟରେ ଯମୁନା ଅବବାହିକା ଜମିକୁ ନେଇ ବିବାଦ ଜାରି ରହିଛି।
[ad_2]
