[ad_1]
ମୁମ୍ବାଇ: ବଲିଉଡ୍ ସୁପର୍ଷ୍ଟାର୍ ସଲ୍ମାନ ଖାନ୍ଙ୍କ ଗ୍ୟାଲେକ୍ସି ଆପାର୍ଟମେଣ୍ଟ୍ରେ ଗୁଳିମାଡ଼ ହେବା ପରଠାରୁ ପ୍ରଶଂସକଙ୍କ ଚିନ୍ତା ବଢ଼ିଛି। କେବଳ ଚିନ୍ତା ବଢ଼ିନାହିଁ, ବରଂ ସଲୁ ମିଆଁଙ୍କ ଘରକୁ ନେଇ ପ୍ରଶଂସକଙ୍କ ମନରେ ଉତ୍ସୁକତା ବେଶ୍ ବୃଦ୍ଧି ପାଇଛି। ଆପଣ ଜାଣିଲେ ଆଶ୍ଚର୍ଯ୍ୟ ହେବେ ଯେ ଅଚଳାଚଳ ସଂପତ୍ତିର ମାଲିକ ସଲ୍ମାନ ନିଜେ ଏକ ୧ବିଏଚ୍କେ ରୁମ୍ରେ ରୁହନ୍ତି। ସେ ଗ୍ରାଉଣ୍ଡ୍ ଫ୍ଲୋର୍ରେ ରହୁଥିବା ବେଳେ ତାଙ୍କ ବାପାମାଆ ପ୍ରଥମ ଫ୍ଲୋର୍ରେ ରୁହନ୍ତି। ସେ ନିଜ ବାପାମାଆଙ୍କ ସହ ରହିବେ ବୋଲି ବିଭିନ୍ନ ଆଡ଼େ ଘର ଥାଇ ମଧ୍ୟ ଅନ୍ୟ କେଉଁଠିକୁ ଯାଆନ୍ତି ନାହିଁ।
Sambad is now on WhatsApp
Join and get latest news updates delivered to you via WhatsApp
ସଲ୍ମାନ ଏକ ସାକ୍ଷାତ୍କାରରେ କହିଥିଲେ କି ସେ ରହୁଥିବା ଫ୍ଲୋର୍ର ହଲ୍ କାନ୍ଥକୁ ଭାଙ୍ଗି ତାହାକୁ ନିଜ ରୁମ୍ରେ ମିଶାଇ ଦେଇଛନ୍ତି। ସେଥିରେ ତାଙ୍କ ଜିମ୍ ବି ଅଛି। ୨୯୦୦ କୋଟି ଟଙ୍କାର ମାଲିକ ସଲ୍ମାନଙ୍କ ଏହି ଘରର ଦାମ ୧୧୪ କୋଟି ଟଙ୍କା। ଏହା ବ୍ୟତୀତ ସଲ୍ମାନଙ୍କ ନାମରେ ମୁମ୍ବାଇରେ ଆହୁରି ଅନେକଗୁଡ଼ିଏ ଫ୍ଲାଟ୍ ରହିଛି। ତାଙ୍କର ଗୋଟିଏ ଫ୍ଲାଟ୍ କାର୍ଟର ରୋଡ୍ରେ ଅଛି। ଦ୍ବିତୀୟଟି ଷ୍ଟର୍ଲିଂ ସି-ଫେସ୍ରେ ରହିିଛି। ମୁମ୍ବାଇ ବ୍ୟତୀତ ସଲ୍ମାନଙ୍କ ପାଖରେ ପନବଲ୍ରେ ଏକ ଫାର୍ମ ହାଉସ୍ ବି ରହିଛି। ସେଠାକୁ ସେ ଛୁଟି କାଟିବାକୁ କିମ୍ବା ପାର୍ଟି କରିବାକୁ ଯାଆନ୍ତି।
ଏହାବ୍ୟତୀତ ମୁମ୍ବାଇର ମଲାଦ ଏବଂ ବୋରିବଲି ନିକଟସ୍ଥ ବୋରଇ ସମୁଦ୍ର ତଟରେ ହଲିଡେ ହୋମ୍ ବି ରହିଛି। ଅନ୍ୟ ଏକ ରିପୋର୍ଟରୁ ଜାଣିବାକୁ ମିଳିଛି ଯେ ଦେଶ ବ୍ୟତୀତ ଦୁବାଇରେ ବି ତାଙ୍କର ଏକ ବିଳାସମୟ ଆପାର୍ଟମେଣ୍ଟ୍ ରହିଛି, ଯାହାକି ବୁର୍ଜ ପେସିଫିକ୍ ଟାୱାରରେ ଅବସ୍ଥିତ।
[ad_2]
