[ad_1]
ମୁମ୍ବାଇ: ମୁମ୍ବାଇର ଓ୍ବାଙ୍ଖଡ଼େ ଷ୍ଟାଡିୟମଠାରେ ଚାଲିଥିବା ଆଇପିଏଲର ୨୦ତମ ମ୍ୟାଚରେ ଦିଲ୍ଲୀ କ୍ୟାପିଟାଲକୁ ୨୯ ରନରେ ହରାଇ ଚଳିତ ସିଜନରେ ନିଜର ପ୍ରଥମ ବିଜୟ ହାସଲ କରିଛି ମୁମ୍ବାଇ ଇଣ୍ଡିଆନ୍ସ ।
Sambad is now on WhatsApp
Join and get latest news updates delivered to you via WhatsApp
ମୁମ୍ବାଇ ଦ୍ବାରା ରଖାଯାଇଥିବା ୨୩୫ ରନର ବିଜୟ ଲକ୍ଷ୍ୟ ଜବାବରେ ଦିଲ୍ଲୀ ନିର୍ଦ୍ଧାରିତ ୨୦ ଓଭରରେ ୮ ଓ୍ବିକେଟ ହରାଇ ୨୦୫ ରନ କରିପାରିଥିଲା । ଦଳ ପକ୍ଷରୁ ଟ୍ରିଷ୍ଟାନ ଷ୍ଟବ୍ସ ମାତ୍ର ୨୫ଟି ବଲରେ ୭୧ ରନ କରିଥିବାବେଳେ ପୃଥ୍ବୀ ଶାହ ୬୬ ରନ କରିଥିଲେ । ସେହିପରି ଅଭିଷେକ ପୋରେଲ ୪୧ ରନ କରିଥିଲେ । ମୁମ୍ବାଇ ପକ୍ଷରୁ ଗେରାଲ୍ଡ କୋଟଜି ୪ଟି ଓ ଯଶ୍ରପ୍ରୀତ ବୁମରା ୨ଟି ଓ୍ବିକେଟ ନେଇଥିଲେ ।
ଏହି ମ୍ୟାଚରେ ଦିଲ୍ଲୀ କ୍ୟାପିଟାଲ୍ସ ଟସ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା । ପ୍ରଥମେ ବ୍ୟାଟିଂ କରିଥିବା ମୁମ୍ବାଇ ଦଳ ଆରମ୍ଭରୁ ଏକ ବଡ଼ ପାର୍ଟନରସିପ କରି ଏକ ଭଲ ମୂଳଦୂଆ ସ୍ଥାପନ କରିଥିଲା । ଦଳର ଦୁଇ ଓପନର ରୋହିତ ଶର୍ମା ଓ ଇଶାନ କିଷନ ଯଥାକ୍ରମେ ୪୯ ରନ ଓ ୪୨ ରନ କରିଥିଲେ । ତେବେ ସୂର୍ଯ୍ୟକୁମାର ଯାଦବ ଖାତା ଖୋଲିବା ପୂର୍ବରୁ ଆଉଟ ହୋଇଯାଇଥିଲେ । ଅଧିନାୟକ ହାର୍ଦ୍ଦିକ ପାଣ୍ଡ୍ୟା ୩୯ ରନ କରିଥିଲେ । ତେବେ ଇନିଂସର ଶେଷ ୪ଓଭରରେ ଦଳର ୨ ବ୍ୟାଟ୍ସମ୍ୟାନ ଟିମ ଡେଭିଡ୍ ଓ ରୋମାରିଓ ସେଫାର୍ଡ ବିସ୍ଫୋରକ ବ୍ୟାଟିଂ କରି ଦଳୀୟ ସ୍କୋରକୁ ୨୩୪ ପର୍ଯ୍ୟନ୍ତ ପହଞ୍ଚାଇଥିଲେ । ଡେଭିଡ୍ ମାତ୍ର ୨୧ଟି ବଲରୁ ୪୫ରନ କରିଥିବାବେଳେ ସେଫାର୍ଡ ମାତ୍ର ୧୦ଟି ବଲରୁ ୩୯ ରନ କରିଥିଲେ ।
[ad_2]
