[ad_1]
ହାର୍ଦିକ ପାଣ୍ଡ୍ୟା ମୁମ୍ବାଇ ଇଣ୍ଡିଆନ୍ସର ନେତୃତ୍ବ ନେବା ଦିନଠୁ ଦଳ ପାଇଁ କିଛି ଭଲ ଯାଉନାହିଁ। ଚଳିତ ଋତୁରେ ଗୋଟିଏ ବି ବିଜୟର ସ୍ବାଦ ଚାଖିନି ମୁମ୍ବାଇ। ତେଣୁ ଏହି ଖରାପ ସମୟରୁ ମୁକୁଳିବା ପାଇଁ ପାଣ୍ଡ୍ୟା ଗୁଜରାଟ ପ୍ରଭାସପତନସ୍ଥିତ ସୋମନାଥ ମନ୍ଦିରରେ ପୂଜାର୍ଚ୍ଚନା କରିଛନ୍ତି। ସୋମନାଥ ମନ୍ଦିର ଟ୍ରଷ୍ଟ ପକ୍ଷରୁ ଜାରି ହୋଇଥିବା ଏକ ଭିଡିଓରେ ପାଣ୍ଡ୍ୟା ପୂଜା କରୁଥିବା ଦେଖିବାକୁ ମିଳିଛି। କ୍ରିକେଟ୍ରେ ଭଲ ହେଉ ନଥିବାରୁ ଏବେ ଆଧ୍ୟାତ୍ମିକ ଶକ୍ତି ସଂଗ୍ରହ କରି ଦଳକୁ ଜିତାଇବାକୁ ପାଣ୍ଡ୍ୟା ପ୍ରୟାସ କରିବେ ବୋଲି କିଛି ପ୍ରଶଂସକ ପ୍ରତିକ୍ରିୟା ଦେଇଛନ୍ତି। ଗତ ୧ ତାରିଖରେ ରାଜସ୍ଥାନ ରୟାଲ୍ସଠୁ ପରାଜିତ ହେବା ପରେ ପାଣ୍ଡ୍ୟା ଏହି ପୂଜା କରିବାକୁ ଗୁଜରାଟ ଯାଇଥିଲେ। ୭ ତାରିଖରେ ମୁମ୍ବାଇର ପରବର୍ତ୍ତୀ ମ୍ୟାଚ୍ ଦିଲ୍ଲୀ କ୍ୟାପିଟାଲ୍ସ ସହିତ ହେବ।
[ad_2]
