ପଞ୍ଜାବର ପଟିଆଲା ଠାରୁ ଏକ ଆଶ୍ଚର୍ଯ୍ୟଜନକ ଖବର ଆସିଛି । ଜନ୍ମଦିନର ପିଠା ଖାଇବା ପରେ ଏଠାରେ ଜଣେ 10 ବର୍ଷର ଝିଅର ମୃତ୍ୟୁ ହୋଇଛି । ଯାହା ପରେ ବେକେରୀ ମାଲିକଙ୍କ ବିରୋଧରେ ଏକ FIR ପଞ୍ଜିକୃତ ହୋଇଛି । ପଞ୍ଜାବର ପଟିଆଲାଠାରେ ଜନ୍ମଦିନ ଅବସରରେ ଅନଲାଇନରେ ଅର୍ଡର ହୋଇଥିବା କେକ ଖାଇବା ପରେ ମନଭି ନାମକ ଜଣେ 10 ବର୍ଷର ବାଳିକାଙ୍କର ମୃତ୍ୟୁ ଘଟିଛି ।
ଏହି ପରିପ୍ରେକ୍ଷୀରେ, କାନହା ବେକେରୀ ମାଲିକଙ୍କ ବିରୋଧରେ ଏଫ୍ଆଇଆର୍ ପଞ୍ଜିକୃତ ହୋଇଛି । ସୋସିଆଲ ମିଡିଆରେ ଭାଇରାଲ ହୋଇଥିବା ଏକ ଭିଡିଓରେ ମନଭୀ ମୃତ୍ୟୁର କିଛି ଘଣ୍ଟା ପୂର୍ବରୁ କେକ୍ କାଟି ପରିବାର ସହ ଉତ୍ସବ କରୁଥିବା ଦେଖିବାକୁ ମିଳିଛି ।
ଝିଅଟିର ଜେଜେବାପା କହିଛନ୍ତି ଯେ ସେ ତାଙ୍କ ଜନ୍ମଦିନ ମାର୍ଚ୍ଚ 24 ରେ ସନ୍ଧ୍ୟା 7 ଟାରେ ପାଳନ କରିଥିଲେ । ସେହି ଦିନ ରାତି 10 ଟା ସୁଦ୍ଧା ସମଗ୍ର ପରିବାର ଅସୁସ୍ଥ ହୋଇପଡିଥିଲେ । ଉଭୟ ସାନ ଝିଅ ବାନ୍ତି କରିବା ଆରମ୍ଭ କଲେ ।
ସୌଭାଗ୍ୟବଶତଃ ସାନ ଝିଅ ପ୍ରେମନ୍ ବାନ୍ତି ପରେ ବଞ୍ଚି ଯାଇଥିଲେ । ଯେତେବେଳେ ମନଭିଙ୍କ ସ୍ୱାସ୍ଥ୍ୟ ଅବସ୍ଥା ଖରାପ ହେଲା, ତାଙ୍କୁ ଡାକ୍ତରଖାନା ନିଆଯାଇଥିଲା । କିନ୍ତୁ ଉଦ୍ଧାର ହୋଇପାରିଲା ନାହିଁ । ପରିବାରର କହିବାନୁସାରେ, ‘କାନହା’ ବେକେରୀରୁ ଏହି କେକ ଅର୍ଡର କରାଯାଇଥିଲା । ପୋଲିସର ସୂଚନାନୁସାରେ, କେକ୍ ର ଏକ ନମୁନା ମଧ୍ୟ ପରୀକ୍ଷା ପାଇଁ ପଠାଯାଇଛି । ରିପୋର୍ଟ ଆସିବା ପରେ ହିଁ କିଛି କୁହାଯାଇପାରେ ।
