[ad_1]
ମୁମ୍ବାଇ: ଦିବଂଗତ ଅଭିନେତ୍ରୀ ଶ୍ରୀଦେବୀଙ୍କଠାରୁ ଆରମ୍ଭ କରି ଆଲିଆ ଭଟ୍ଟଙ୍କ ପର୍ଯ୍ୟନ୍ତ, ଅନେକ ଅଭିନେତ୍ରୀ ଶିଶୁ କଳାକାର ଭାବେ ଅଭିନୟରେ ନିଜର କ୍ୟାରିୟର ଆରମ୍ଭ କରିଥିଲେ। ଶିଶୁ କଳାକାର ହୋଇ ଦର୍ଶକଙ୍କ ମନ କିଣିବା ସହ ବଡ଼ ହେବା ପରେ ସୁପରଷ୍ଟାର ହୋଇଥିଲେ ଏସବୁ ଅଭିନେତ୍ରୀ। ଏବେ ସେମାନଙ୍କ ସୂଚୀରେ ଆଉ ଏକ ନାମ ଯୋଡି ହୋଇଛି। ସେ ହେଉଛନ୍ତି ଜନ୍ନତ ଜୁବେର ରହମାନୀ। ଅଧିକାଂଶ ଧାରାବାହିକରେ କାମ କରିସାରିଥିବା ଜନ୍ନତ ଏବେ ଅନେକ ବଲିଉଡ ସେଲିବ୍ରିଟିଙ୍କୁ ପଛରେ ପକାଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ସୋସିଆଲ ମିଡିଆ ଫଲୋୟର୍ସ କଥା କହିବାକୁ ଗଲେ ଜନ୍ନତ ଶାହରୁଖ, କରୀନାଙ୍କ ଭଳି କଳାକାରଙ୍କୁ ପଛରେ ପକାଇଥିବା ଜଣାପଡ଼ିଛି। ଇନଷ୍ଟାରେ ଜନ୍ନତଙ୍କର ୪୯.୩ମିଲିୟନ ଫଲୋୟର୍ସ ଥିବା ବେଳେ ଏହା ଅନ୍ୟ ବଲିଉଡ କଳାକାରଙ୍କଠାରୁ ଖୁବ ଅଧିକ। ଯଦି ଆମେ ଶାହରୁଖଙ୍କ ଇନଷ୍ଟା ଫଲୋୟର ସଂଖ୍ୟା ଦେଖିବା ତେବେ ତାଙ୍କୁ ୪୬.୫ମିଲିୟନ ଲୋକ ଫଲୋ କରନ୍ତି। ଏହା ସହ କରୀନା କପୁର ଖାନଙ୍କୁ ୧୨ମିଲିୟନ ଓ ସାରା ଅଲି ଖାନଙ୍କୁ ୪୫ମିଲିୟନ ଲୋକ ଫଲୋ କରନ୍ତି। ଜନ୍ନତ ମାସକୁ ୨୫ଲକ୍ଷରୁ ଅଧିକ ଟଙ୍କା ଆୟ କରୁଥିବା ବେଳେ ଏବେ ସେ ୨୫କୋଟିର ମାଲିକାଣୀ ହୋଇସାରିଲେଣି। କୁହାଯାଉଛି ଯେ, ଇନଷ୍ଟାରେ ପ୍ରତ୍ୟେକ ପୋଷ୍ଟ ପାଇଁ ସେ ୧.୫-୨ଲକ୍ଷ ଟଙ୍କା ନିଅନ୍ତି।
[ad_2]
