[ad_1]
ନୂଆଦିଲ୍ଲୀ; ପ୍ରଥମେ ମନା କରିଥିଲେ। ଏବେ ଲଢ଼ିବେ ବୋଲି କହିଲେ ଭୋଜପୁରୀ ଅଭିନେତା ପବନ ସିଂହ। ବିଜେପି ପ୍ରଥମ ପର୍ଯ୍ୟାୟ ପ୍ରାର୍ଥୀ ତାଲିକା ଘୋଷଣା କରିଥିବା ବେଳେ ଏଥିରେ ଭୋଜପୁରୀ ଅଭିନେତା ପବନ ସିଂହଙ୍କୁ ଆସାନସୋଲରୁ ଟିକେଟ ଦେଇଥିଲା । ହେଲେ ବ୍ୟକ୍ତିଗତ କାରଣ ଦର୍ଶାଇ ପବନ ନିର୍ବାଚନ ଲଢ଼ିବାକୁ ମନା କରିଦେଇଥିଲେ।
Sambad is now on WhatsApp
Join and get latest news updates delivered to you via WhatsApp
ପଶ୍ଚିମବଙ୍ଗର ଆସାନସୋଲରୁ ନିର୍ବାଚନ ଲଢ଼ିବାକୁ ମନା କରିଥିବା ପବନ ସିଂ ବର୍ତ୍ତମାନ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବାକୁ ଘୋଷଣା କରିଛନ୍ତି। ସୋସିଆଲ ମିଡିଆ ପ୍ଲାଟଫର୍ମରେ ପବନ ସିଂ ଲେଖିଛନ୍ତି ଯେ, ‘ମୁଁ ମୋ ସମାଜ, ଜନସାଧାରଣ ଏବଂ ମା’ଙ୍କୁ ଦେଇଥିବା ପ୍ରତିଶ୍ରୁତି ପୂରଣ କରିବାକୁ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିବି। ଆପଣ ସମସ୍ତଙ୍କଠାରୁ ଆଶୀର୍ବାଦ ଏବଂ ସହଯୋଗ ଆଶା କରୁଛି। ଜୟ ମାତା ଦି। ‘
मैंअपने समाज जनता जनार्दन और माँ से किया हुआ वादा पूरा करने के लिए चुनाव लडूँगा
आप सभी का आशीर्वाद एवं सहयोग अपेक्षित है
जय माता दी— Pawan Singh (@PawanSingh909) March 13, 2024
ଉଲ୍ଲେଖଯୋଗ୍ୟ, ବିହାର ପଟନା ସାହେବ ଆସନରୁ ଦୁଇ ଦୁଇଥର ଲୋକସଭାକୁ ନିର୍ବାଚିତ ହୋଇଥିବା ବରିଷ୍ଠ ଅଭିନେତା ଶତ୍ରୁଘ୍ନ ସିହ୍ନା ଏବେ ପଶ୍ଚିମବଙ୍ଗ ଆସାନସୋଲରୁ ସାଂସଦ ଅଛନ୍ତି । ସେ ଟିଏମସିରେ ଯୋଗଦେଇ ୨୦୨୨ ଉପନିର୍ବାଚନରେ ଆସାନସୋଲରୁ ବିଜୟୀ ହୋଇଥିଲେ । ଶତ୍ରୁଘ୍ନଙ୍କୁ ଟକ୍କର ଦେବାପାଇଁ ଭୋଜପୁରୀ ଗାୟକ ପବନ ସିଂହଙ୍କୁ ମୈଦାନକୁ ଓହ୍ଲାଇବା ପାଇଁ ଯୋଜନା କରିଥିଲା ବିଜେପି । ହେଲେ ପ୍ରାର୍ଥୀ ଘୋଷଣା ପରେ ପବନଙ୍କ ନିଷ୍ପତି ବିଜେପି ରଣନୀତିକୁ ବିଗାଡି ଦେଇଥିଲା। କିନ୍ତୁ ଏବେ ସେ ନିଜର ନିଷ୍ପତ୍ତି ବଦଳାଇଛନ୍ତି।
[ad_2]
