ଲାଲୁଙ୍କ ‘ମୋଦୀଙ୍କ ପରିବାର ନାହିଁ’ ଟିପ୍ପଣୀ ପରେ ବିଜେପି ନେତାଙ୍କ ‘ମୋଦୀ କା ପରିବାର’ ସ୍ଲୋଗାନ – Kalinga News

ନୂଆଦିଲ୍ଲୀ : କେନ୍ଦ୍ର ଗୃହ ମନ୍ତ୍ରୀ ଅମିତ ଶାହ ଏବଂ ବିଜେପି ସଭାପତି ଜେପି ନଡ୍ଡାଙ୍କ ସମେତ ଅନ୍ୟ ବରିଷ୍ଠ ନେତାମାନେ ଆଜି ସେମାନଙ୍କ ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ‘ମୋଦୀ କା ପରିବାର’ ସ୍ଲୋଗାନ ଯୋଡ଼ିଛନ୍ତି। ଆରଜେଡି ସୁପ୍ରିମୋ ଲାଲୁ ପ୍ରସାଦ ଯାଦବ ଆଜି ପାଟନାରେ ଜନ ବିଶ୍ବାସ ମହା ରାଲିରେ ମୋଦୀଙ୍କୁ ଟାର୍ଗେଟ୍ କରି କହିଥିଲେ ଯେ ପ୍ରଧାନମନ୍ତ୍ରୀଙ୍କର ନିଜର ପରିବାର ନାହିଁ ।ତେବେ ଲାଲୁଙ୍କର ଏହି ଟିପ୍ପଣୀ ପରେ କେନ୍ଦ୍ର ମନ୍ତ୍ରୀ ଅନୁରାଗ ଠାକୁର, ଜ୍ୟୋତିରାଦିତ୍ୟ ସିନ୍ଧିଆ, ପୀୟୁଷ ଗୋୟଲ, ଏବଂ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ, ବିଷ୍ଣୁ ଦେଓ ସାଇ ଏବଂ ପ୍ରମୋଦ ସାୱନ୍ତଙ୍କ ପରି ନେତାମାନେ ସେମାନଙ୍କ ସୋସିଆଲ ମିଡିଆ ଆକାଉଣ୍ଟରେ ଲେଖିଛନ୍ତି ‘ମୋଦୀ କା ପରିବାର’। ଉଲ୍ଲେଖଯୋଗ୍ୟ ଯେ ମୋଦୀ ଆଜି ତେଲେଙ୍ଗାନାର ଅଦିଲାବାଦରେ ଏକ କାର୍ଯ୍ୟକ୍ରମରେ ଉଦବୋଧନ ଦେଇ କହିଥିଲେ ଯେ ଦେଶର କୋଟି କୋଟି ଜନସଂଖ୍ୟା ମତେ ସେମାନଙ୍କର ନିଜର ଏବଂ ସେମାନଙ୍କ ପରିବାରର ସଦସ୍ୟ ବୋଲି ଭାବୁଛନ୍ତି। ତେବେ ଦେଶର ୧୪୦ କୋଟି ଜନସଂଖ୍ୟାଙ୍କୁ ମୁଁ ଏହା କହୁଛି ଯେ ଏହା ମୋର ପରିବାର। ତେବେ ମୋଦୀଙ୍କର ଏହି ଟିପ୍ପଣୀ ପରେ ଲାଲୁ ତାଙ୍କୁ କଟାକ୍ଷ କରିଥିଲେ।