ତୃଣମୂଳ ସାଂସଦ ପଦରୁ ଇସ୍ତଫା ଦେଲେ ମିମି ଚକ୍ରବର୍ତ୍ତୀ: ‘ସ୍ଥାନୀୟ ନେତାଙ୍କ ସହ ମତଭେଦ’ – Kalinga News
[ad_1]
କୋଲକାତା: ଅଭିନେତ୍ରୀ ତଥା ସାଂସଦ ମିମି ଚକ୍ରବର୍ତ୍ତୀ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ତଥା ତୃଣମୂଳ କଂଗ୍ରେସ ମୁଖ୍ୟ ମମତା ବାନାର୍ଜୀଙ୍କୁ ଇସ୍ତଫା ଦେବାକୁ ପ୍ରସ୍ତାବ ଦେଇଥିଲେ ମଧ୍ୟ ଏହାକୁ ଏପର୍ଯ୍ୟନ୍ତ ଗ୍ରହଣ କରାଯାଇନାହିଁ। ଯାଦବପୁରର ସାଂସଦ ଥିବା ମିମି ଚକ୍ରବର୍ତ୍ତୀ କହିଛନ୍ତି ଯେ ସ୍ଥାନୀୟ ତୃଣମୂଳ ନେତୃତ୍ୱଙ୍କ ସହ ତାଙ୍କର ମତଭେଦ ରହିଛି। ସେ କହିଛନ୍ତି ଯେ ମୁଖ୍ୟମନ୍ତ୍ରୀ ତାଙ୍କୁ ଆଶ୍ୱାସନା ଦେଇଛନ୍ତି ଯେ ସେ ନିଜେ ସମସ୍ୟାର ଯତ୍ନ ନେବେ।
‘ଯାଦବପୁର ପାଇଁ ମୋର ଏକ ସ୍ୱପ୍ନ ଥିଲା, କିନ୍ତୁ ମୁଁ ଅନେକ ବାଧାବିଘ୍ନର ସମ୍ମୁଖୀନ ହୋଇଥିଲି। ଯେତେବେଳେ କୌଣସି ବ୍ୟକ୍ତି ଫିଲ୍ମ ପୃଷ୍ଠଭୂମିରୁ ରାଜନୀତି କ୍ଷେତ୍ରକୁ ଆସନ୍ତି, ସେ କାମ କରନ୍ତି ନାହିଁ ବୋଲି କହିବା ସହଜ’ ବୋଲି ସେ କହିଛନ୍ତି।
Sambad is now on WhatsApp
Join and get latest news updates delivered to you via WhatsApp
ବଙ୍ଗଳାର ଜଣେ ଲୋକପ୍ରିୟ ଚଳଚ୍ଚିତ୍ର ଅଭିନେତ୍ରୀ ମିମି ଚକ୍ରବର୍ତ୍ତୀ ୨୦୧୯ରେ ଯାଦବପୁରରୁ ତୃଣମୂଳ କଂଗ୍ରେସ ଟିକେଟରେ ସାଂସଦ ରୂପେ ନିର୍ବାଚିତ ହୋଇଥିଲେ। ସେ ବିଜେପିର ଅନୁପମ ହାଜରା ଏବଂ ସିପିଏମ୍ର ବିକାଶ ରଞ୍ଜନ ଭଟ୍ଟାଚାର୍ଯ୍ୟ ଭଳି ରାଜନୈତିକ ହେଭିୱେଟ୍ ନେତାଙ୍କୁ ପରାସ୍ତ କରିଥିଲେ।
ସନ୍ଦେଶଖାଲିରେ ତୃଣମୂଳ ନେତାଙ୍କ ବିରୋଧରେ ଆସିଥିବା ଯୌନ ନିର୍ଯାତନା ଅଭିଯୋଗରେ ପଶ୍ଚିମବଙ୍ଗର ଆଉ ଜଣେ ଅଭିନେତ୍ରୀରୁ ସାଂସଦ ହୋଇଥିବା ନୁସରତ ଜାହାଁ ଘଟଣା ସଂପର୍କରେ ତାଙ୍କ ନିରବତାକୁ ନେଇ ସମାଲୋଚନାର ଶିକାର ହେଉଥିବା ବେଳେ ଶ୍ରୀମତୀ ଚକ୍ରବର୍ତ୍ତୀ ଏଭଳି ପଦକ୍ଷେପ ନେଇଛନ୍ତି।
ସାଥୀ ତଥା ଅଭିନେତା ୟଶ ଦାସଗୁପ୍ତାଙ୍କ ସହ ଭାଲେଣ୍ଟାଇନ୍ସ ଡେ’ ସେଲିବ୍ରେସନର ଫଟୋକୁ ନେଇ ବସିରହାଟ ସାଂସଦଙ୍କୁ ଟାର୍ଗେଟ କରିଛି ବିଜେପି। ସନ୍ଦେଶଖାଲିରେ ମହିଳାମାନେ ନିଜ ସମ୍ମାନ ପାଇଁ ଆନ୍ଦୋଳନ କରୁଛନ୍ତି। ସେପଟେ ବଶିରହାଟର ଟିଏମସି ସାଂସଦ ଭାଲେଣ୍ଟାଇନ୍ସ ଡେ’ ପାଳନ କରୁଛନ୍ତି ବୋଲି ପଶ୍ଚିମବଙ୍ଗ ବିଜେପି କହିଛି।
ଏହା ପୂର୍ବରୁ ସଂସଦରେ କମ୍ ଉପସ୍ଥାନ ପାଇଁ ଉଭୟ ଅଭିନେତ୍ରୀ ସାଂସଦ ସମାଲୋଚନାର ସମ୍ମୁଖୀନ ହୋଇଥିଲେ।
[ad_2]