[ad_1]
ମାଲକାନଗିରି: ଏକଲବ୍ୟ ଆଦର୍ଶ ଆବାସିକ ବିଦ୍ୟାଳୟର ଛାତ୍ରୀଙ୍କୁ ଅସଦାଚରଣ ଅଭିଯୋଗରେ ଜଣେ ଶିକ୍ଷକ ଗିରଫ ହୋଇଛନ୍ତି। ଅଭିଯୁକ୍ତ ଶିକ୍ଷକ ହେଲେ ବିଭୁତି ଭୂଷଣ ପଣ୍ଡା।
Sambad is now on WhatsApp
Join and get latest news updates delivered to you via WhatsApp
ସୂଚନା ଅନୁସାରେ ଅସଦାଚରଣକୁ ଭିତ୍ତି କରି ଜୈନିକ ଛାତ୍ରୀଙ୍କ ପିତା ଥାନାରେ ଏତଲା ଦେଇଥିଲେ। ପୁଲିସ ଘଟଣାକୁ ତଦନ୍ତ କରି ଆଜି ଶିକ୍ଷକ ବିଭୁତି ଭୂଷଣ ପଣ୍ଡାଙ୍କୁ ଗିରଫ କରି କୋର୍ଟ ଚାଲାଣ କରିଛି। ପୂର୍ବରୁ ବିଦ୍ୟାଳୟର ସମସ୍ତ ଛାତ୍ରଛାତ୍ରୀମାନେ ଶିକ୍ଷକ ବିଭୁତି ଭୁଷଣ ପଣ୍ଡା ଛାତ୍ରୀଙ୍କୁ ଅସଦାଚରଣ କରିଥିବାରୁ ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ପାଇଁ ଦାବି ଜଣାଇଥିଲେ।
ଆବାସିକ ପରିସରରେ ଉତ୍ତେଜନା ଦେଖାଦେଇଥିଲା। ଅଭିଯୁକ୍ତ ଶିକ୍ଷକଙ୍କୁ ତୁରନ୍ତ ବହିଷ୍କାର ପାଇଁ ଓ କାର୍ଯ୍ୟାନୁଷ୍ଠାନ ପାଇଁ ଦାବି ଜଣାଇ ବିଦ୍ୟାଳୟ ସମ୍ମୁଖରେ ବସି ଥିଲେ ଛାତ୍ରଛାତ୍ରୀମାନେ। ଛାତ୍ରଛାତ୍ରୀଙ୍କ ଅଭିଯୋଗ ହେଲା ଗତ ଡିସେମ୍ବର ମାସରେ ଅଲ୍ ଇଣ୍ଡିଆ ଇ ଏମ୍ ଆର୍ ଏସ ବିଦ୍ୟାଳୟର ଛାତ୍ରଛାତ୍ରୀଙ୍କ ମଧ୍ୟରେ କର୍ଣ୍ଣାଟକରେ କ୍ରୀଡ଼ା ପ୍ରତିଯୋଗିତା ଅନୁଷ୍ଟିତ ହେବାର ଥିଲା। ସେଥିପାଇଁ ମାଲକାନଗିରି ଏକଲବ୍ୟ ଆବାସିକ ବିଦ୍ୟାଳୟର କବାଡ଼ି ଓ ଖୋକୋ ବର୍ଗରୁ ଅଂଶ ଗ୍ରହଣ କରିବା ପାଇଁ ଏହି ବିଦ୍ୟାଳୟର ୪ ଜଣ ଛାତ୍ରୀ ଓ ଜଣେ ଛାତ୍ର ଖେଳ ତାଲିମ କରିବା ପାଇଁ ମୟୂରଭଞ୍ଜ ଜିଲ୍ଲା ଗସ୍ତ କରିଥିଲେ। ଏହି ଛାତ୍ରଛାତ୍ରୀଙ୍କୁ ଶିକ୍ଷକ ବିଭୁତି ଭୂଷଣ ପଣ୍ଡା ଦାୟିତ୍ଵରେ ରହିଥିଲେ। ସେଠାରେ କିଛି ଦିନ ଖେଳ ପାଇଁ ତାଲିମ ଚାଲିଥିବା ବେଳେ କୌଣସି କାରଣରୁ କର୍ଣ୍ଣାଟକରେ ହେବାକୁ ଥିବା କ୍ରୀଡା ପ୍ରତିଯୋଗିତା ବନ୍ଦ ହୋଇଗଲା। ଦାୟିତ୍ଵରେ ଥିବା ଶିକ୍ଷକ ବିଭୁତି ଭୁଷଣ ପିଲାଙ୍କୁ ନେଇ ଟ୍ରେନରେ ଫେରୁଥିଲେ। ଟ୍ରେନ୍ ଭିତରେ ଅସଦାଚରଣ ହୋଇଥିବାର ଅଭିଯୋଗ ହୋଇଥିଲା।
[ad_2]
