[ad_1]
ନୂଆଦିଲ୍ଲୀ: ରାଷ୍ଟ୍ରୀୟ ଲୋକଦଳ (ଆରଏଲଡି) ଏନଡିଏରେ ସାମିଲ ହେବା ନେଇ କଳ୍ପନାଜଳ୍ପନା ଜୋର ଧରିଥିବା ବେଳେ ୨୦୨୪ ଲୋକସଭା ନିର୍ବାଚନ ପୂର୍ବରୁ ଉତ୍ତରପ୍ରଦେଶ ରାଜନୀତିରେ ବଡ଼ ଧରଣର ହଟଚମଟ ହେବାର ସମ୍ଭାବନା ରହିଛି। ଆରଏଲଡି ମୁଖ୍ୟ ଜୟନ୍ତ ଚୌଧୁରୀଙ୍କ ଉପରେ ସମସ୍ତଙ୍କ ନଜର ରହିଛି । କୁହାଯାଉଛି ଯେ ବିଜେପି ୟୁପି ସମସ୍ୟାର ସମାଧାନ କରିଛି ଏବଂ ଏବେ ଦକ୍ଷିଣ ଭାରତ ଉପରେ ନଜର ପକାଇଛି ।
Sambad is now on WhatsApp
Join and get latest news updates delivered to you via WhatsApp
ଟିଡିପି ମୁଖ୍ୟ ଚନ୍ଦ୍ରବାବୁ ନାଇଡୁ ଏନଡିଏରେ ଯୋଗ ଦେବା ପ୍ରାୟ ନିଶ୍ଚିତ ବୋଲି କୁହାଯାଉଛି । ବୁଧବାର (ଫେବ୍ରୁଆରି ୭) ସେ ଦିଲ୍ଲୀରେ ପହଞ୍ଚିଛନ୍ତି। ସେ କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କୁ ଭେଟିବାର କାର୍ଯ୍ୟକ୍ରମ ରହିଛି। ଦିଲ୍ଲୀରେ ବିଜେପି ନେତୃତ୍ୱଙ୍କ ସହ ବୈଠକ ପରେ ସିଟ୍ ସଂଖ୍ୟା କୁ ନେଇ ବୁଝାମଣା ଚୂଡ଼ାନ୍ତ ହେବ ବୋଲି ଆଶା କରାଯାଉଛି।
୨୦୨୪ ଲୋକସଭା ନିର୍ବାଚନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ୪୦୦ରୁ ଅଧିକ ଆସନ ଲକ୍ଷ୍ୟ ହାସଲ ପାଇଁ ବିଜେପି ମଧ୍ୟ ଦକ୍ଷିଣ ଭାରତ ଉପରେ ଧ୍ୟାନ ଦେଉଛି। ଏଭଳି ସ୍ଥିତିରେ ଦକ୍ଷିଣରୁ ଆସୁଥିବା ଚନ୍ଦ୍ରବାବୁ ନାଇଡୁ ବିଜେପି ପାଇଁ ଗୁରୁତ୍ୱପୂର୍ଣ୍ଣ ସହଯୋଗୀ ସାବ୍ୟସ୍ତ ହୋଇପାରନ୍ତି।
ଲୋକସଭା ନିର୍ବାଚନ ସହିତ ଆନ୍ଧ୍ରପ୍ରଦେଶରେ ମଧ୍ୟ ବିଧାନସଭା ନିର୍ବାଚନ ହେବାକୁ ଯାଉଛି। ଆନ୍ଧ୍ରପ୍ରଦେଶରେ ମୋଟ ୨୫ଟି ଲୋକସଭା ଆସନ ରହିଛି। ମିଳିଥିବା ସୂଚନା ଅନୁଯାୟୀ,ଏହି ରାଜ୍ୟର ୧୦ଟି ଆସନରେ ନିର୍ବାଚନ ଲଢିବାକୁ ଚାହୁଁଛି ବିଜେପି ।
[ad_2]
