[ad_1]
ଅଯୋଧ୍ୟା: ଅଯୋଧ୍ୟା ରାମ ମନ୍ଦିରରେ ପ୍ରାଣ ପ୍ରତିଷ୍ଠା ଉତ୍ସବ ଶେଷ ହୋଇଛି। ଏହି ଉତ୍ସବରେ ବହୁ ମାଣଗଣ୍ୟ ବ୍ୟକ୍ତିଙ୍କୁ ଦେଖିବାକୁ ମିଳିିଥିବା ବେଳେ ଟିଭିରେ ରାମଚନ୍ଦ୍ରଙ୍କ ଚରିତ୍ର ନିଭାଇ ଲୋକପ୍ରିୟ ପାଲଟିଥିବା ଅରୁଣ ଗୋଭଲି ମଧ୍ୟ ଦେଖିବାକୁ ମିଳିଛନ୍ତି। ଆଜି ଅଯୋଧ୍ୟାରେ ଦୀପାବଳିର ପରିବେଶ। ସାଧାରଣ ଜନତାରୁ ନେଇ କଳାକାରମାନେ ସମେସ୍ତ ରାମଙ୍କ ଭକ୍ତିରେ ବୁଡ଼ି ଯାଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ରାମାନନ୍ଦ ସାଗରଙ୍କ ‘ରାମାୟଣ’ରେ ପ୍ରଭୁ ଶ୍ରୀରାମଚନ୍ଦ୍ରଙ୍କ ଭୂମିକା ନିଭାଇଥିବା ଅରୁଣ ଗୋଭିଲ ତାଙ୍କ ପତ୍ନୀଙ୍କ ସହ ଅଯୋଧ୍ୟାରେ ନଜର ଆସିଛନ୍ତି। ତାଙ୍କର ଏକ ଫଟୋ ଏବେ ଦେଖିବାକୁ ମିଳିଛି। ଯେଉଁଥିରେ ସେ ପତ୍ନୀଙ୍କ ସହ ସାଥି ହୋଇ ବସିଥିବାର ନଜର ଆସିଛନ୍ତି।
ତାଙ୍କ ଆଗଧାଡ଼ିରେ ମେଗାଷ୍ଟାର୍ ଅମିତାଭ ବଚ୍ଚନ ତାଙ୍କ ପୁଅ ଅଭିଷେକ ବଚ୍ଚନଙ୍କ ସହ ନଜର ଆସିଛନ୍ତି। ତାଙ୍କ ସହ ଶିଳ୍ପପତି ଅନୀଲ ଅମ୍ବାନୀ ବି ନଜର ଆସିଛନ୍ତି। ଏକ ଭିଡିଓରେ ଅମିତାଭ ବଚ୍ଚନଙ୍କୁ ଅରୁଣ ଗୋଭଲି ଭେଟୁଥିବାର ଦେଖିବାକୁ ମିଳିଛି। ବିଗ୍ ବି ଅରୁଣ ଗୋଭିଲ୍ଙ୍କୁ ଭେଟିବା ପରେ ବିଜେପି ମନ୍ତ୍ରୀ ରବିଶଙ୍କର ପ୍ରସାଦଙ୍କୁ ଭେଟୁଥିବାର ଦେଖିବାକୁ ମିଳିଛି। ଭିଡିଓରେ ପ୍ରଶଂସକମାନେ ଏହି ଦୁଇ ମହାନ ଅଭିନେତାଙ୍କୁ ଗୋଟାଏ ଫ୍ରେମ୍ରେ ଦେଖି ଖୁବ୍ ଖୁସି ଅନୁଭବ କରିଛନ୍ତି।
ତେବେ ନିକଟ ଅତୀତରେ ଅରୁଣ ଗୋଭଲିଙ୍କୁ ‘ରାମାୟଣ’ର ସୀତା ଦୀପିକା ଚିଖିଲିଆ ଓ ଲକ୍ଷ୍ମଣ ସୁନିଲ ଲେହରିଙ୍କ ସହ ପାରମ୍ପାରିକ ପୋଷାକ ପିନ୍ଧି ଅଯୋଧ୍ୟା ରାସ୍ତାରେ ଚାଲୁଥିବାର ଦେଖିବାକୁ ମିଳିଥିଲା। ରାମ, ଲକ୍ଷ୍ମଣ ଓ ସୀତାଙ୍କୁ ଏକାସାଥୀରେ ଦେଖି ଲୋକ ଖୁବ୍ ଖୁସି ଜଣାଇଥିଲେ।
[ad_2]
