ଜ୍ୟୋତିଷ ଶାସ୍ତ୍ର ଦ୍ଵାରା କୌଣସି ସିଦ୍ଧାନ୍ତ ବାହାର କରି ବ୍ୟକ୍ତିର ଭବିଷ୍ୟତ କହିବା ପାଇଁ ହେଲେ ଜାତକ, ମଥା ଏବଂ ହସ୍ତରେଖା ଇତ୍ୟାଦିର ସାହାଯ୍ୟ ନିଆଯାଇ ଥାଏ । ହସ୍ତରେଖା ଦ୍ଵାରା ବ୍ୟକ୍ତିର ଅନେକ କଥା ବିଷୟରେ ଜଣା ପଡିଥାଏ । ଦକ୍ଷିଣ ହାତଟି ପୁରୁଷ ଏବଂ ବାମ ହାତ ମହିଳାଙ୍କ ପାଇଁ ଶୁଭ ହେଇ ଥିବାରୁ ସେମାନଙ୍କର ସେହି ହାତକୁ ଦେଖି ହିଁ ତାଙ୍କର ଭବିଷ୍ୟତ ବିଷୟରେ ଜଣା ପଡିଥାଏ ।
ଯଦି କୌଣସି ବ୍ୟକ୍ତିର ହାତରେ ହୃଦୟ ରେଖା ଉପରେ ଗୁରୁ ପର୍ବତ ସାମନାରେ ତ୍ରିଶୂଳ ଚିହ୍ନ ଥାଏ ତାହେଲେ ସେ ସମାଜରେ ଗୌରବ ଏବଂ ପ୍ରତିଭାବାନ ହୋଇଥାନ୍ତି । କୁହାଯାଏ କି ଯଦି ସୂର୍ଯ୍ୟରେଖା ଉପରେ ତ୍ରିଶୂଳ ଚିହ୍ନ ଥାଏ ତାହେଲେ ବ୍ୟକ୍ତିଙ୍କୁ ସରକାରୀ କ୍ଷେତ୍ରରେ ଲାଭ ଏବଂ ଉଚ୍ଚ ପଦ ପ୍ରତିଷ୍ଠା ମିଳିଥାଏ ।
ଆପଣଙ୍କ ହାତରେ ବି ଅଛି ଏମିତି ଭାଗ୍ୟର ରେଖା
ଯେଉଁ ବ୍ୟକ୍ତିର ହାତରେ ଭଗବାନ ଶିବଙ୍କ ପ୍ରତୀକ ଚିହ୍ନ ତ୍ରିଶୂଳ ଥାଏ ସେହି ରେଖାର ଫଳ ବହୁତ ଗୁଣ ବଢି ଯାଇଥାଏ । ଯଦି ଏହି ଚିହ୍ନ ଭାଗ୍ୟ ରେଖା ଉପରେ ଥାଏ ତାହେଲେ ସେହି ବ୍ୟକ୍ତି ବହୁତ ଭାଗ୍ୟଶାଳୀ ହୋଇଥାଏ ଏବଂ ତାଙ୍କୁ ସବୁ ଖୁସି ମିଳିଥାଏ ।
ତ୍ରିଶୂଳ ଚିହ୍ନ ସହିତ ଅନ୍ୟ ରେଖା ବାହାରିବା ଦ୍ଵାରା ବିପରୀତ ପରିଣାମ ମିଳିଥାଏ । କୁହାଯାଏ କି ଯେଉଁ ବ୍ୟକ୍ତିର ହାତର ଦଶଟି ଆଙ୍ଗୁଠିରେ ଭଗବାନ ବିଷ୍ଣୁଙ୍କ ପ୍ରତୀକ ଚକ୍ର ଚିହ୍ନ ଥାଏ ସେ ବ୍ୟକ୍ତି ଚକ୍ରବର୍ତ୍ତୀ ହୋଇଥାଏ । କୁହାଯାଏ କି ଏମିତି ବ୍ୟକ୍ତିଙ୍କୁ ରାଜଭୋଗ ପ୍ରାପ୍ତି ହୋଇଥାଏ ।
ଆଜିର ସମୟରେ ଏହି ଚିହ୍ନର ଅର୍ଥ ବଡ ଭୂମି ଉପରେ ଆଧିପତ୍ୟ ହୋଇଥାଏ ଏବଂ ତାଙ୍କୁ ସରକାରୀ ପଦ ଏବଂ ଧନ ସମ୍ପତ୍ତି ମିଳିଥାଏ । ଏହା ସହିତ ଯଦି ହାତରେ ମାଛ ଚିହ୍ନ ଥାଏ ତାହେଲେ ତାହାକୁ ଶୁଭ ବୋଲି କୁହାଯାଇଥାଏ, ଯଦି ଏହି ଚିହ୍ନ ଜୀବନ ରେଖା ବା ଭାଗ୍ୟ ରେଖା ଉପରେ ଥାଏ ତାହେଲେ ସେହି ବ୍ୟକ୍ତି ଭାଗ୍ୟଶାଳୀ ହୋଇଥାଏ ।
