ବନ୍ଧୁଗଣ ଗାଧୋଇ ସାରିବା ପରେ ସଙ୍ଗେ ସଙ୍ଗେ ଭୁଲରେ ବି କରନ୍ତୁ ନାହିଁ ଏହି କାମ। ଗାଧୋଇ ସାରିବା ପରେ ଆପଣମାନେ ସମସ୍ତେ ତରବର ହୋଇ ସକାଳ ଜଳଖିଆ ଖାଇ କାମରେ ଚାଲି ଯାଇଥାଉ। ପୁରୁଷ ହୁଅନ୍ତୁ କିମ୍ବା ନାରୀ ସମସ୍ତେ ଗାଧୋଇ ସାରିବା ପରେ ଏହିସବୁ ଭୁଲ କରିବା ଅନୁଚିତ। ନଚେତ ଏହି ଛୋଟ ଭୁଲ ଦ୍ୱାରା ଆମ ଜୀବନରେ ସ୍ୱାସ୍ଥ୍ୟ ଗତ ସମସ୍ୟା ଏବଂ ଆର୍ଥିକ ସମସ୍ୟା ଲାଗିରହିଥାଏ। ଏଥି ସହିତ ପୁରା ଦିନଟି ଅମଙ୍ଗଳରେ କଟି ଥାଏ। ଶାସ୍ତ୍ର ଅନୁସାରେ ପ୍ରତ୍ୟକ କର୍ମର ସଠିକ ନିୟମ ରହିଛି। ଏହି ନିୟମକୁ ମାନି ଚଳିଲେ ଘର ଏବଂ ପରିବାରରେ ସୁଖ ଏବଂ ଶାନ୍ତି ବନି ଏହିଥାଏ। ତେବେ ଆସନ୍ତୁ ଜାଣିବା କେଉଁ ସବୁ କାମ ସ୍ନାନ କରି ସାରିବା ପରେ କରିବା ଅନୁଚିତ।
ପ୍ରଥମ କଥା। ଦକ୍ଷିଣ ଦିଗକୁ ମୁହଁ କରି ସ୍ନାନ କରନ୍ତୁ ନାହିଁ। କାରଣ ଏହି ଦିଗକୁ ଯମରାଜଙ୍କୁ ସମର୍ପିତ କରାଯାଇଛି। ଯେତେବେଳେ ଆମେ କୌଣସି ଅଶୁଭ କାର୍ଯ୍ୟ କରିଥାଉ ଯେମିତିକି ମୃତ୍ୟୁ ବ୍ୟକ୍ତିଙ୍କ କ୍ରିୟା କର୍ମ ସେହି ସମୟରେ ଦକ୍ଷିଣ ଦିଗକୁ ମୁହଁ କରି ସ୍ନାନ କରିଥାଉ। ତେଣୁ ସ୍ନାନ କରିବା ସମୟରେ ଅନ୍ୟ କୌଣସି ଦିଗକୁ ମୁହଁ କରି ସ୍ନାନ କରିପାରିବେ। ପୂର୍ବ ଦିଗକୁ ମୁହଁ କରି ସ୍ନାନ କରିବା ବହୁତ ଶୁଭ ମାନା ଯାଇଛି। ଗାଧୋଇ ସାରିବା ପରେ ସୁର୍ଯ୍ୟ ଦେବଙ୍କୁ ନିଶ୍ଚିତ ଜଳ ଅର୍ପଣ କରନ୍ତୁ। ଦେଖିବେ ଆପଣଙ୍କ ଦିନଟି ଭଲରେ ବ୍ୟତୀତ ହେବ।
ସ୍ନାନ କରିବା ପରେ ବାଲ୍ଟିରେ ଗାଧୋଇବା ପାଣି ରଖନ୍ତୁ ନାହିଁ। ସଫା ପାଣି ଭର୍ତ୍ତି କରି ରଖନ୍ତୁ। ବହୁତ ଲୋକ ଅଛନ୍ତି ଗାଧୋଇ ସାରିବା ପରେ ବାଲ୍ଟିକୁ ଓଲଟାଇ ରଖିଦିଅନ୍ତି କିନ୍ତୁ ଏହା ସମ୍ପୂର୍ଣ୍ଣ ଭୁଲ ଅଟେ। ଏପରି କଲେ ଆପଣ ମାନଙ୍କ ଧନ ସଞ୍ଚୟରେ ବାଧା ଆସିଥାଏ ତେଣୁ ସବୁବେଳେ ଗାଧୁଆ ଘରେ ପାଣି ଭର୍ତ୍ତିକରି ରଖନ୍ତୁ।
ଓଦା ଲୁଗା ପକେଇ ରଖନ୍ତୁ ନାହିଁ। ପ୍ରାୟତଃ ଲୋକମାନେ ଗାଧୋଇ ସାରିବା ପରେ ଓଦା ଲୁଗା ବାଥରୁମରେ ଅଧିକ ସମୟ ପର୍ଯ୍ୟନ୍ତ ପକାଇ ରଖିଥାନ୍ତି କିନ୍ତୁ ଏହା ବହୁତ ଖରାପ ଅଭ୍ୟାସ ହୋଇଥାଏ। ଯେଉଁ ଲୋକମାନଙ୍କର ଜାତକରେ ରାହୁ ଦୋଷ ଅଛି ସେମାନଙ୍କ ପାଇଁ ଏହା ବହୁତ ଖରାପ ପ୍ରଭାବ ପକାଇଥାଏ। ତେଣୁ ଗାଧୋଇ ସାରିବା ପରେ ଓଦା ବା ପାଲଟା ଲୁଗାକୁ ଶୁଖାଇବା ଉଚିତ।
ଗାଧୋଇବା ସମୟରେ ଚପଲ ପିନ୍ଧିବାକୁ ଅଶୁଭ ମାନାଯାଏ। ଏହା ଦ୍ୱାରା ଧନହାନି ଜନିତ ସମସ୍ୟା ଲାଗିରହିଥାଏ। ଗାଧୋଇବା ସମୟରେ ପ୍ରଥମ ପାଣି ପାଦରେ ପକାଇବାକୁ ଶୁଭ ମାନାଯାଏ। କିନ୍ତୁ ଗାଧୋଇ ସାରିବା ପରେ ପାଦରେ ପାଣି ଢାଳିବାକୁ ଅତ୍ୟନ୍ତ ଅଶୁଭ ମାନାଯାଇଛି।
ସ୍ନାନ କରିବା ସମୟରେ କେବେବି ନିରବ ହୋଇ ସ୍ନାନ କରିବା ଅନୁଚିତ ଅଟେ। ସ୍ନାନ କରିବା ସମୟରେ କୌଣସି ମନ୍ତ୍ର ଉଚାରଣ କରି ବା ସଂଗୀତ ଗାନ କରି ସ୍ନାନ କରିବା ଦ୍ୱାରା ଆମ ମାନଙ୍କୁ ଶାନ୍ତି ମିଳିଥାଏ ଏବଂ ପୁରା ଦିନଟି ଆମକୁ ସଚେତ ଅନୁଭବ ହୋଇଥାଏ।
ଗାଧୋଇ ସାରିବା ପରେ ନଖ କାଟିବା ବା ଶେଭି ହେବା ଭୁଲ ଅଟେ। ଏପରି କରିବା ଆମ ସ୍ୱାସ୍ଥ୍ୟ ପାଇଁ ହାନିକାରକ ମାନାଯାଇଛି। ଏବଂ ଏହିପରି କରୁଥିବା ଲୋକଙ୍କ ଗୃହରେ ମା ଲକ୍ଷ୍ମୀ ବାସ କରନ୍ତି ନାହିଁ।
ଗାଧୋଇ ସାରିବା ପରେ ଓଦା ଲୁଗାରେ ଠାକୁର ପୂଜା କରିବା ଅନୁଚିତ ଅଟେ। ଏହା କରିବା ଦ୍ୱାରା ଆମର ସମସ୍ତ ପୁଣ୍ୟ କାମ ପାପ କର୍ମରେ ପରିଣତ ହୋଇଯାଏ। କିନ୍ତୁ ଓଦା ଲୁଗାରେ ସ୍ଵର୍ଯ୍ୟ ଦେବଙ୍କୁ ଜଳ ଅର୍ପଣ କରିବା ଶୁଭ ମାନାଯାଏ।
