ମୋହନା,୧୪/୧୧: ପାଟ୍ରୋଲିଂ ବେଳେ ଅଡବା ଥାନା ନାନ୍ଦୀଙ୍ଗ ନାଳ ନିକଟରୁ ଶାଗୁଆନ କାଠ ବୋଝେଇ ପିକଅପ୍ ଗାଡ଼ି ଜବତ । ଏହି ଘଟଣାରେ ସମ୍ପୃକ୍ତ ଥିବା ଜଣେ ବ୍ୟକ୍ତିଙ୍କୁ ଗିରଫ କରିଛି ବନ ବିଭାଗ । ଗଜପତି ଜିଲ୍ଲା ମୋହନା ବ୍ଲକ୍ରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ସବୁ ଦିନ ପରି ଗୁରୁବାର ମଧ୍ୟ ବନ ବିଭାଗର ଏକ ଟିମ୍ ମୋହନା ବ୍ଲକ୍ର ଅନେକ ସ୍ଥାନରେ ପାଟ୍ରୋଲିଂ କରୁଥିଲା ।
ଏହି ସମୟରେ ଅଡବା ଥାନା ନାନ୍ଦୀଙ୍ଗ ନାଳ ନିକଟରେ ଏକ ପିକଅପ୍ ଗାଡ଼ି ଦୃତ ଗତିରେ ମାଡ଼ି ଆସୁଥିବାର ଦେଖିଥିଲେ । ଏହା ଦେଖି ଉକ୍ତ ଗାଡ଼ିକୁ ଅଟକାଇ ଥିଲେ । ଗାଡ଼ିଟିକୁ ଅଟକାଇ ଯାଞ୍ଚ କରିବାରୁ ସେଥିରେ ବିପୁଳ ପରିମାଣର ଶାଗୁଆନ କାଠ ଦେଖିବାକୁ ପାଇଥିଲେ । ଏହା ଦେଖି ଗାଡ଼ିଟିକୁ ଜବତ କରି ଘଟଣାରେ ସମ୍ପୃକ୍ତ ଥିବା ଜଣେ ଅଭିଯୁକ୍ତକୁ ଗିରଫ କରିଥିଲା ବନ ବିଭାଗର ଟିମ୍ । ତେବେ ଏହି ଶାଗୁଆନ କାଠ କେଉଁଠାକୁ କେଉଁ ଅଞ୍ଚଳକୁ ଚାଲାଣ ହେଉଥିଲା ତାଦାର ତଦନ୍ତ ଚଳାଇଛି ବନ ବିଭାଗ ।
