ବ୍ରହ୍ମଗିରି: ବ୍ରହ୍ମଗିରି ଥାନା ଡାହାଣୀଗଡିଆ ଗାଁରେ ଗୁରୁବାର ୨ଟି ବାର୍ହା ହଠାତ୍ ଗାଁ ଭିତରେ ପଶି ୪ ଜଣକୁ ଆକ୍ରମଣ କରିଛନ୍ତି। ଆକ୍ରମଣରେ ଜଣେ ଗୁରତର ହୋଇ ପୁରୀ ସଦର ଡାକ୍ତର ଖାନାରେ ଚିକିତ୍ସା ପାଇଁ ଭର୍ତ୍ତି ହୋଇଛନ୍ତି।
ଅନ୍ୟ ୩ ଜଣଙ୍କର ଗାଁରେ ପ୍ରାଥମିକ ଚିକିତ୍ସା କରାଯାଇଛି। ଖବର ପାଇ ବ୍ରହ୍ମଗିରି ବନ ବିଭାଗ ଓ ପୁଲିସ ଟିମ ପହଞ୍ଚି ବାର୍ହାକୁ କାବୁ ପାଇଁ ଉଦ୍ୟମ ଜାରି ରଖିଛନ୍ତି।
ସେହିଭଳି ଅନୁଗୁଳ ଜିଲ୍ଲା ତାଳଚେରରେ ଗୁରୁବାର ଭୋର୍ ସମୟରେ ଘରେ ବାର୍ହା ପଶି ଦୁଇ ଜଣଙ୍କୁ ଆକ୍ରମଣ କରିଛି। ବାର୍ହାର ଅତର୍କିତ ଆକ୍ରମଣରେ ଦୁଇ ଜଣ ଗୁରୁତର ଆହତ ହୋଇଛନ୍ତି।
ସୂଚନାଯୋଗ୍ୟ, ଶିଳ୍ପାୟନ ଯୋଗୁ ଜଙ୍ଗଲ ହ୍ରାସ ଘଟୁଥିବାରୁ ବନ୍ୟପ୍ରାଣୀ ବହୁ ସମୟରେ ଜନବସତି ମୁହାଁ ହେଉଛନ୍ତି।
