ଅହମ୍ମଦାବାଦ: ଗୁଜୁରାଟର ଦାହୋଡ ଜିଲ୍ଲାର ଜଣେ ୬ ବର୍ଷର ନାବାଳିକାଙ୍କ ମୃତ୍ୟୁ ଘଟଣାର ଅନୁସନ୍ଧାନର ଏକ ଚିତ୍ତାକର୍ଷକ ଖୁଲାସା ହୋଇଛି। ଜାଣିବାକୁ ମିଳିଛି ଯେ ପ୍ରଥମ ଶ୍ରେଣୀ ଛାତ୍ରୀ ଜଣଙ୍କୁ ତାଙ୍କ ପ୍ରିନ୍ସିପାଲ୍ ଦୁଷ୍କର୍ମ ଉଦ୍ୟମ କରିଥିଲେ। ଛାତ୍ରୀ ଜଣକ ପ୍ରତିରୋଧ କରିବାରୁ ସେ ତାଙ୍କୁ ହତ୍ୟା କରିଥିଲେ।
ପ୍ରିନ୍ସିପାଲ୍ ନାବାଳିକାଙ୍କୁ ହତ୍ୟା କରିବା ପରେ ତାଙ୍କ ବ୍ୟାଗ ଏବଂ ଜୋତାକୁ ଫୋପାଡି ଦେଇଥିଲେ।
ଏହି ମାମଲାରେ ପୁଲିସ୍ ଏବେ ୫୫ ବର୍ଷ ବର୍ଷୀୟ ଅଭିଯୁକ୍ତ ଗୋବିନ୍ଦ ନାଟଙ୍କୁ ଗିରଫ କରିଛି।
ବରିଷ୍ଠ ପୁଲିସ ଅଧିକାରୀ ରାଜଦୀପ ସିଂ ଝାଲା କହିଛନ୍ତି ଯେ ଗୁରୁବାର ସନ୍ଧ୍ୟାରେ ୬ ବର୍ଷର ନାବାଳିକାଙ୍କ ମୃତଦେହ ତାଙ୍କ ସ୍କୁଲ ପରିସରରୁ ମିଳିଥିଲା ଏବଂ ଏହି ଅଞ୍ଚଳରେ ଏହି ଘଟଣାକୁ ନେଇ ଆତଙ୍କ ଖେଳିଯାଇଥିଲା।
ଝିଅକୁ ହରାଇବା ପରେ ଝିଅର ମାଆ କହିଛନ୍ତି ଯେ ନାବାଳିକା ଜଣକ ପ୍ରତିଦିନ ପ୍ରିନ୍ସିପାଲ୍ ଗୋବିନ୍ଦ ନାଟଙ୍କ ସହ ସ୍କୁଲ ଯାଉଥିଲେ। ଝିଅଟି ମୃତ ଶରୀର ମିଳିବା ପରେ ଯେତେବେଳେ ପୁଲିସ୍ ତାଙ୍କୁ ପ୍ରଶ୍ନ କଲା ତ ସେ କହିଥିଲେ କି ସେ ଝିଅଟିକୁ ସ୍କୁଲ୍ରେ ଛାଡ଼ି ଅନ୍ୟ କାମରେ ବାହରକୁ ଯାଇଥିଲେ।
ଯେତେବେଳେ ପୁଲିସ୍ ଘଟଣା ଦିନ ଗୋବିନ୍ଦ ନାଟଙ୍କ ଫୋନ୍ ଯାଞ୍ଚ କରିଥିଲେ, ଜଣାପଡିଥିଲା ଯେ ସେ ସେହି ଦିନ ବିଳମ୍ବରେ ସ୍କୁଲରେ ପହଞ୍ଚିଥିଲେ। ଯେତେବେଳେ ତାଙ୍କୁ ଜେରା କରାଯାଇଥିଲା, ପ୍ରିନ୍ସିପାଲ୍ ଏହି ଜଘନ୍ୟ ଅପରାଧକୁ ସ୍ୱୀକାର କରିଥିଲେ।
“ସେ ସକାଳ ପ୍ରାୟ ୧୦.୨୦ ସମୟରେ ଝିଅଟିକୁ ତାଙ୍କ ଘରୁ ନେଇଥିଲେ। ତାଙ୍କ ମା ତାଙ୍କୁ ପ୍ରିନ୍ସିପାଲଙ୍କ କାର ଭିତରକୁ ଯିବାରେ ସାହାଯ୍ୟ କରିଥିଲେ । କିନ୍ତୁ ସେ ସ୍କୁଲରେ ପହଞ୍ଚି ନଥିଲେ। ବିଦ୍ୟାଳୟର ଛାତ୍ର ଓ ଶିକ୍ଷକମାନେ ଏହା କହିଥିଲେ ଯେ ନାବାଳିକା ସେଦିନ ସ୍କୁଲ୍ ଆସିନଥିଲେ। ଘଟଣାର ଖେଳତାଢ଼ କରିବାରୁ ଜଣାପଡ଼ିଛି ଯେ ପ୍ରିନ୍ସିପାଲ୍ ଜଣକ ସ୍କୁଲ୍କୁ ନଆଣି ନାବାଳିକାକୁ ଅନ୍ୟତ୍ର ନେଇ ଦୁଷ୍କର୍ମ କରିବାକୁ ଚେଷ୍ଟା କରିଥିଲେ। ନାବାଳିକା ପାଟି କରିବାରୁ ସେ ତା’ର ହତ୍ୟା କରି ନିଜ କାର୍ରେ ରଖି ସ୍କୁଲ୍କୁ ଫେରିଥିଲେ। ଦିନ ଯାକ କାର୍ରେ ରଖି ସଂଧ୍ୟା ପ୍ରାୟ ୫ଟାରେ ମୃତଦେହ ସହ ନାନାଳିକାର ସ୍କୁଲ୍ ବ୍ୟାଗ୍ ଓ ଜୋତାକୁ ସ୍କୁଲ୍ ପରିସରରେ ଫିଙ୍ଗି ଫେରାର୍ ହୋଇ ଯାଇଥିଲେ।
