ନୂଆଦିଲ୍ଲୀ : ବନ୍ୟ ଜୀବଜନ୍ତୁ ପ୍ରେମୀଙ୍କ ପାଇଁ ଏକ ହୃଦୟସ୍ପର୍ଶୀ ଭିଡିଓ ଏବେ ସୋସିଆଲ ମିଡିଆରେ ଦ୍ରୁତ ଗତିରେ ଭାଇରାଲ ହେଉଛି । ନିକଟରେ ନବଜାତ ହାତୀ ଛୁଆ ଓ ମାଆ ହାତୀର ଏକ ମନଛୁଆଁ ଭିଡିଓକୁ ଦେଖିବାକୁ ଲୋକେ ବେଶ ପସନ୍ଦ କରୁଛନ୍ତି । ୧୨ ସେକେଣ୍ଡର ଏହି ଭିଡିଓରେ ନବଜାତ ହାତୀଛୁଆ ପ୍ରଥମ ପାଦ ପକାଇ ନିଜ ମାଆ ନିକଟକୁ ଯାଉଛି ।
ମାଆ ହାତୀ ଆଗରେ ଯାଉଥିବା ବେଳେ ଛୁଆଟି ମାଆ ପଛେ ପଛେ ଯିବାକୁ ଆରମ୍ଭ କରୁଛି । ମାଆ ଓ ଛୁଆ ଭିତରେ ଥିବା ଏହି ସ୍ନେହଭରା ମୁହୂର୍ତ୍ତକୁ କ୍ୟାମେରାରେ କଏଦ କରାଯାଇଛି । ଭିଡିଓକୁ ଦେଖିବା ପରେ ଲୋକେ ନିଜର ଭିନ୍ନ ଭିନ୍ନ ମତ ଦେଇଛନ୍ତି।
