[ad_1]
ଇସଲାମାବାଦ: ପାକିସ୍ତାନର ଗୁପ୍ତଚର ବ୍ୟବସ୍ଥା ବର୍ତ୍ତମାନ ଲୋକଙ୍କ ବ୍ୟକ୍ତିଗତ ଜୀବନଠାରୁ ସବୁକିଛି ଉପରେ ନଜର ରଖିଛି। ଲୋକମାନେ ନିଜ ଫୋନରେ କ’ଣ କଥାବାର୍ତ୍ତା କରୁଛନ୍ତି, କେଉଁ ବାର୍ତ୍ତା ପଠାଉଛନ୍ତି ଏବଂ ଇଣ୍ଟରନେଟରେ କ’ଣ ଦେଖୁଛନ୍ତି, ପାକିସ୍ତାନର ସରକାର ସବୁକିଛି ଦେଖୁଛନ୍ତି। ଚୀନ୍ ଭଳି ଏବେ ପାକିସ୍ତାନ ମଧ୍ୟ ଦେଶର ଜନସାଧାରଣଙ୍କ ପ୍ରତିଟି କାର୍ଯ୍ୟ ଉପରେ କଡ଼ା ନଜର ରଖାଯାଉଛି।
Sambad is now on WhatsApp
Join and get latest news updates delivered to you via WhatsApp
ଇସଲାମାବାଦ ହାଇକୋର୍ଟରେ ଦାଖଲ ହୋଇଥିବା ଏକ ଆବେଦନ ଯୋଗୁ ଏହି ଆଶ୍ଚର୍ଯ୍ୟଜନକ ତଥ୍ୟ ପାକିସ୍ତାନର ପ୍ରମୁଖ ଖବରକାଗଜ ଡନ୍ ନିଜ ରିପୋର୍ଟରେ ସୂଚନା ଦେଇଛି। ହାଇକୋର୍ଟଙ୍କୁ ଦିଆଯାଇଥିବା ସୂଚନାରୁ ଜଣାପଡିଛି ପାକିସ୍ତାନର ଟେଲିକମ୍ ନିୟାମକ ପାକିସ୍ତାନ ଟେଲିକମ୍ ପ୍ରାଧିକରଣ ଟେଲିକମ୍ କମ୍ପାନୀଗୁଡ଼ିକୁ ଏକ ବ୍ୟାପକ ମନିଟରିଂ ସିଷ୍ଟମ ଲାଗୁ କରିବାକୁ ବାଧ୍ୟ କରିଛି।
ଏହି ବ୍ୟବସ୍ଥା ଯୋଗୁ ନାଗରିକମାନଙ୍କ ଉପରେ ଯେକୌଣସି ସମୟରେ ଗୋଟିଏ କ୍ଲିକରେ ନଜର ରଖା ଯାଇପାରିବ। ଏହି ସିଷ୍ଟମକୁ ଲିଗାଲ୍ ଇଣ୍ଟରସେପ୍ଟ ମ୍ୟାନେଜମେଣ୍ଟ ସିଷ୍ଟମ୍ କୁହାଯାଉଛି।କୌତୁହଳର ବିଷୟ ହେଉଛି ଏହା ଚୀନ୍ ମଡେଲ ପରି ପାକିସ୍ତାନରେ ମଧ୍ୟ ଏହା ଏବେ କାର୍ଯ୍ୟକାରୀ ହୋଇଛି। ଏହାକୁ କୌଣସି ନିୟାମକ ଯାଞ୍ଚରେ ରଖାଯାଇ ନାହିଁ କିମ୍ବା ଏହା ଉପରେ କୌଣସି ଆଇନଗତ ନିୟନ୍ତ୍ରଣ ରହିବ ନାହିଁ। ଏହାର ଅର୍ଥ ହେଉଛି ପାକିସ୍ତାନର ଗୁପ୍ତଚର ଏଜେନ୍ସିମାନେ ବିନା କୌଣସି ବାଧାରେ ଯେକୌଣସି ଲୋକଙ୍କ ଉପରେ ନଜର ରଖିପାରିବେ।
କିଛି ଦିନ ପୂର୍ବରୁ ପାକିସ୍ତାନରେ ଦେଶର ବିଶିଷ୍ଟ ବ୍ୟକ୍ତିଙ୍କ ସହ ଜଡିତ ଫୋନ୍ କଲ ଲିକ୍ ହୋଇଥିଲା। ଏହି ଫୋନ୍ କଲ୍ ଗୁଡିକ ଏକ ତୃତୀୟ ପକ୍ଷ ଦ୍ୱାରା ରେକର୍ଡ କରାଯାଇଥିବା ଅଭିଯୋଗ ହୋଇଛି। ଗଣମାଧ୍ୟମ ତଥା ସୋସିଆଲ ମିଡିଆରେ ଏହି ଘଟଣା ସାମ୍ନାକୁ ଆସିବା ପରେ ପ୍ରଭାବିତ କିଛି ଲୋକ ଏନେଇ ହାଇକୋର୍ଟରେ ଆବେଦନ କରିଥିଲେ। ଏହି ମାମଲାର ଶୁଣାଣି ସମୟରେ ଇସଲାମାବାଦ ହାଇକୋର୍ଟର ବିଚାରପତି ଜଷ୍ଟିସ ବାବର ସତ୍ତାର ସରକାରଙ୍କଠାରୁ ଜବାବ ମାଗିଥିଲେ ଏବଂ ଲୋକଙ୍କ ଫୋନ୍ କଲ୍ ଉପରେ ନଜର ରଖିବା ପାଇଁ ଏକ ବ୍ୟବସ୍ଥା ଲାଗୁ କରାଯାଇଥିବା ଜଣାପଡିଛି।
ପାକିସ୍ତାନୀ ଗଣମାଧ୍ୟମର ରିପୋର୍ଟ ଅନୁଯାୟୀ, ଜଷ୍ଟିସ୍ ସତ୍ତାର ତାଙ୍କ ଆଦେଶରେ ଉଲ୍ଲେଖ କରିଛନ୍ତି ଯେ ନାଗରିକଙ୍କ ତଥ୍ୟ କୌଣସି ମାନବ ହସ୍ତକ୍ଷେପ କିମ୍ବା ଆଇନଗତ ୱାରେଣ୍ଟ ବିନା ସଂଗ୍ରହ କରାଯାଉଛି, ଟେଲିକମ୍ ଲାଇସେନ୍ସ ପ୍ରାପ୍ତ ନେଟୱାର୍କ ମାଧ୍ୟମରେ ବ୍ୟବହାରକାରୀଙ୍କ ମଧ୍ୟରେ ଚାଲିଥିବା କାର୍ଯ୍ୟର ବିଷୟବସ୍ତୁ ଅନାମିତ ଏଜେନ୍ସିରେ ଲିକ୍ ହୋଇଛି। ବିଷୟବସ୍ତୁରେ ଅଡିଓ ଏବଂ ଭିଡିଓ ସହିତ ୱେବ୍ ପୃଷ୍ଠା ରେକର୍ଡ ମଧ୍ୟ ଅନ୍ତର୍ଭୁକ୍ତ କରାଯାଇଛି।
[ad_2]
