[ad_1]
ପାଟନା: ଲୋକସଭା ନିର୍ବାଚନର ଫଳାଫଳ ପରେ ନୀତିଶ କୁମାରଙ୍କ ପୁଅ ନିଶାନ୍ତ କୁମାରଙ୍କ ରାଜନୀତିରେ ପ୍ରବେଶ ସମ୍ପର୍କରେ କେତେକ ଜେଡିୟୁ ନେତା ବିବୃତ୍ତି ଦେଇଛନ୍ତି। ନିଶାନ୍ତ କୁମାର ସକ୍ରିୟ ରାଜନୀତିରେ ଯୋଗଦେବେ କି ନାହିଁ ସେନେଇ ଦଳୀୟ କର୍ମୀମାନଙ୍କ ମଧ୍ୟରେ ଚର୍ଚ୍ଚା ହେଉଛି। ନୀତୀଶଙ୍କ କ୍ୟାବିନେଟ ମନ୍ତ୍ରୀ ବିଜୟ ଚୌଧୁରୀ ଏହା ଉପରେ ସ୍ପଷ୍ଟୀକରଣ ଦେଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ବିଜୟ ଚୌଧୁରୀ ନୀତୀଶ କୁମାରଙ୍କ ପୁଅ ନିଶାନ୍ତ ସକ୍ରିୟ ରାଜନୀତିରେ ପ୍ରବେଶ କରିବାର ସମ୍ଭାବନାକୁ ଏଡ଼ାଇ ଦେଇଛନ୍ତି। ତାଙ୍କୁ ପ୍ରଶ୍ନ ପଚରା ଯାଇଥିଲା ଯେ ନିଶାନ୍ତଙ୍କୁ ରାଜନୀତିକୁ ଆଣିବାକୁ କିଛି ଜେଡିୟୁ ନେତା ଦାବି କରୁଛନ୍ତି। ଏହାର ଉତ୍ତରରେ ବିଜୟ କହିଥିଲେ ଏହା ଏକ ସମ୍ବେଦନଶୀଳ ବିଷୟ। ଦଳର ନେତାମାନଙ୍କୁ ଆମେ ଏଭଳି ଦାବି ନ କରିବାକୁ ଅନୁରୋଧ କରୁଛୁ।
ଜେଡିୟୁ ସାଂସଦ ଦେବେଶ ଚନ୍ଦ୍ର ଠାକୁରଙ୍କ ଏକ ନିର୍ଦ୍ଦିଷ୍ଟ ଜାତିର ଲୋକଙ୍କ ପାଇଁ ବ୍ୟକ୍ତିଗତ କାର୍ଯ୍ୟ ନକରିବା ଘୋଷଣା ନେଇ ତାଙ୍କ ଦଳ ସହମତ ନୁହଁ ବୋଲି ସେ କହିଛନ୍ତି। ଜଳ ସମ୍ପଦ ମନ୍ତ୍ରୀ ବିଜୟ କହିଛନ୍ତି ଯେ ଆମ ଦଳ ତଥା ଆମର ନେତା ମୁଖ୍ୟମନ୍ତ୍ରୀ ନୀତୀଶ କୁମାର ସମାଜର ସମସ୍ତ ଲୋକଙ୍କୁ ସାଙ୍ଗରେ ନେଇ ଚାଲିଥାନ୍ତି। ଆମ ସରକାର ସମଗ୍ର ସମାଜର ବିଶ୍ୱାସ ଏବଂ ସମର୍ଥନ ସହିତ ଚାଲୁଛି ।
ସେ ମଙ୍ଗଳବାର ଜେଡିୟୁ କାର୍ଯ୍ୟାଳୟରେ ସାମ୍ବାଦିକମାନଙ୍କ ସହ କଥାବାର୍ତ୍ତା କରୁଥିବା ସମୟରେ ତାଙ୍କୁ ଦେବେଶ ଚନ୍ଦ୍ର ଠାକୁରଙ୍କ ଘୋଷଣା ବିଷୟରେ ପଚରାଯାଇଥିଲା।
ଠାକୁରଙ୍କ ନାମ ନ ନେଇ ସେ କହିଛନ୍ତି ଯେ ଜାତି ଓ ଧର୍ମ ନାମରେ ଜେଡିୟୁ କାହାକୁ ଭେଦଭାବ କରେ ନାହିଁ। ଏହାର ପ୍ରମାଣ ହେଉଛି ବହୁ ପରିମାଣରେ ଦିଆଯାଇଥିବା ସରକାରୀ ଚାକିରି କ୍ଷେତ୍ରରେ ଜାତି ଓ ଧର୍ମ ଆଧାରରେ କୌଣସି ଭେଦଭାବ ନ ଥିଲା। ମୁଖ୍ୟମନ୍ତ୍ରୀ ନୀତୀଶ କୁମାର ଆରମ୍ଭରୁ ସମସ୍ତଙ୍କ ସ୍ୱାର୍ଥକୁ ଦୃଷ୍ଟିରେ ରଖି କାର୍ଯ୍ୟ କରିଆସୁଛନ୍ତି ବୋଲି ସେ କହିଛନ୍ତି।
[ad_2]
