[ad_1]
ଇମ୍ଫାଲ୍: ମଣିପୁର ହିଂସା ଥମୁନି। ମଣିପୁରର ପୂର୍ବ ଇମ୍ଫାଲ୍ ଓ କାଙ୍ଗ୍ପୋକପି ଜିଲ୍ଲାରେ ସଦ୍ୟ ହିଂସା ଉପୁଜି ଜଣେ ଭାରତୀୟ ସେନାବାହିନୀର କନିଷ୍ଠ କମାଣ୍ଡିଂ ଅଧିକାରୀ (ଜେସିଓ)ଙ୍କ ସମେତ ୪ ଆହତ ହୋଇଥିବା ବେଳେ ଦୁଇଜଣଙ୍କ ମୃତ୍ୟୁ ହୋଇଛି। ପ୍ରଥମେ ପୂର୍ବ ଇମ୍ଫାଲ୍ର ଖାମେନ୍ଲୋକରେ ଦୁଇ ବିରୋଧୀ ଗୋଷ୍ଠୀଙ୍କ ମଧ୍ୟରେ ଗୁଳି ବିନିମୟ ହୋଇଥିଲା। ଏଥିରେ ଜଣେ ଯୁବକଙ୍କ ମୃତ୍ୟୁ ଘଟିଥିଲା। ଯୁବକଙ୍କ ନାମ ସାଗୋଲସେମ୍ ଲୋୟା (୨୫) ଓ ଘର ପୁଖାଓ ଶାନ୍ତିପୁର। ଏହି ସ୍ଥାନରେ ମଙ୍ଗଳବାର ପୂର୍ବାହ୍ନ ୧୧ଟାରେ ମୈତେୟୀ ଓ କୁକିଙ୍କ ମଧ୍ୟରେ ସଂଘର୍ଷ ଘଟିଥିଲା। ସ୍ଥିତି ନିୟନ୍ତ୍ରଣ କରିବାକୁ ସେଠାକୁ ଆସାମ ରାଇଫଲସ ଯବାନ ଯାଇଥିଲେ। ଅପରାହ୍ଣ ପ୍ରାୟ ଗୋଟାଏ ବେଳେ ଦୁର୍ବୃତ୍ତଙ୍କ ଗୁଳିମାଡ଼ରେ ଜଣେ ଜେସିଓ ଗୁରୁତର ଆହତ ହୋଇଥିଲେ। ଖାଙ୍ଗ୍ପୋକପିର ସତଙ୍ଗ ଠାରେ ଘଟିଥିବା ଦ୍ବିତୀୟ ହିଂସାରେ ୩୩ ବର୍ଷୀୟ ଡେମଖୋଗିନ୍ ଖାଂଗସାଇଙ୍କ ମୃତ୍ୟୁ ଘଟିଛି।
[ad_2]
