[ad_1]
ନୂଆଦିଲ୍ଲୀ: ସମାଜବାଦୀ ପାର୍ଟିର ସାଂସଦ ଜୟା ବଚ୍ଚନ ସଂସଦର ବଜେଟ୍ ଅଧିବେଶନରେ ରାଜ୍ୟସଭା ଅଧ୍ୟକ୍ଷ ଜଗଦୀପ ଧନଖଡ଼ଙ୍କୁ କଟାକ୍ଷ କରି ଚର୍ଚ୍ଚାକୁ ଆସିଥିଲେ। ସମ୍ପ୍ରତି ଜୟା ବଚ୍ଚନ ତାଙ୍କ ବିଦାୟ ଅଭିଭାଷଣରେ ସଂସଦରେ ସମସ୍ତ ସଦସ୍ୟଙ୍କୁ କ୍ଷମା ମାଗିଥିବା ଜଣାପଡ଼ିଛି।
Sambad is now on WhatsApp
Join and get latest news updates delivered to you via WhatsApp
ବିଦାୟ ଅଭିଭାଷଣରେ ଜୟ କହିଛନ୍ତି,‘ ମୁଁ ରାଗେ କିନ୍ତୁ ମୋର ଉଦ୍ଦେଶ୍ୟ କାହାକୁ ଆଘାତ ପହଞ୍ଚାଇବା ନୁହେଁ। ମୁଁ ସମୟ ସମୟରେ ଅଧିକ ରାଗି ଯାଇଥାଏ। ଯେଉଁ ସମୟରେ କି ରାଗିବାର କୌଣସି କାରଣ ହିଁ ନଥାଏ। ଏହା ମୋର ଏକ ଖରାପ ଅଭ୍ୟାସ ବୋଲି ମୁଁ କହିବି। କୌଣସି କଥା ଯଦି ମୋତେ ପସନ୍ଦ ନଆସେ ମୁଁ ନିଜ ଉପରେ ନିୟନ୍ତ୍ରଣ ରକ୍ଷା କରି ପାରେ ନାହିଁ। ମୁହଁକୁ ଯାହା ଆସେ କହି ଦେଇଥାଏ। ଏହି କ୍ରମରେ ମୁଁ ଯଦି ଆପଣମାନଙ୍କୁ କେବେ କିଛି କହି ଦୁଃଖ ପହଞ୍ଚାଇଛି ସେଥିପାଇଁ କ୍ଷମା କରିଦେବେ। ମୁଁ ସମସ୍ତଙ୍କୁ କ୍ଷମା ମାଗୁଛି।’
ସୂଚନାଯୋଗ୍ୟ, ରାଜ୍ୟସଭାରେ ଯେଉଁ ୬୮ଜଣଙ୍କ କାର୍ଯ୍ୟକାଳ ଫେବୃଆରିରୁ ଏପ୍ରିଲ ମଧ୍ୟରେ ଶେଷ ହେବାକୁ ଯାଉଛି ସେଥିମଧ୍ୟରେ ଜୟା ବଚ୍ଚନ ମଧ୍ୟ ଅନ୍ତର୍ଭୁକ୍ତ ଅଛନ୍ତି।
ଜୟା ବଚ୍ଚନ ସଂସଦରେ ନିଜର ୨୦ ବର୍ଷର ଅନୁଭୂତି ବିଷୟରେ ବି ଆଲୋଚନା କରିଥିଲେ। ଏହି ଆଲୋଚନାରେ ସେ କହିଥିଲେ, “୨୦ ବର୍ଷ ଜୀବନର ବହୁତ ଦୀର୍ଘ ସମୟ ଅଟେ। ଏହି ସମୟ ମଧ୍ୟରେ ମୋର ଅନେକ ମିଠା ଏବଂ ଖଟା ଅନୁଭୂତି ହୋଇଛି। ସର୍ବୋତ୍ତମ ଅନୁଭୂତି ହେଲା ମୋ ପରିବାର ବହୁତ ବଡ ହୋଇଗଲା ।’
[ad_2]
