[ad_1]
ହାଇଦ୍ରାବାଦ: ହାଇଦ୍ରାବାଦର ରାଜୀବ ଗାନ୍ଧୀ ଅନ୍ତର୍ଜାତୀୟ ଷ୍ଟାଡିୟମଠାରେ ଖେଳାଯାଉଥିବା ଭାରତ-ଇଂଲଣ୍ଡ ପ୍ରଥମ ଟେଷ୍ଟର ପ୍ରଥମ ଦିନରେ ଇଂଲଣ୍ଡ ୨୪୬ ରନରେ ଅଲଆଉଟ ହୋଇଯାଇଛି । ସର୍ବଶେଷ ଖବର ଅନୁସାରେ ଭାରତ ନିଜର ପ୍ରଥମ ଇନିଂସରେ କୌଣସି ଓ୍ବିକେନ ନ ହରାଇ ୬୮ ରନ କରିଛି ।
Sambad is now on WhatsApp
Join and get latest news updates delivered to you via WhatsApp
ଏହି ମ୍ୟାଚରେ ଇଂଲଣ୍ଡ ଟସ ଜିତି ପ୍ରଥମେ ବ୍ୟାଟିଂ କରିବାକୁ ନିଷ୍ପତ୍ତି ନେଇଥିଲା । କିନ୍ତୁ ଟିମ୍ ଇଣ୍ଡିଆର ସ୍ପିନ୍ ଆଟାକ୍ ଇଂଲଣ୍ଡର ବ୍ୟାଟିଂ ଆକ୍ରମଣକୁ ବିଫଳ କରିଦେଇଥିଲା । ତେବେ ଅଧିନାୟକ ବେନ୍ ଷ୍ଟୋକ୍ସ ଏକାକୀ ବୋଲରଙ୍କ ସାମ୍ନା କରି ଅର୍ଦ୍ଧଶତକ ହାସଲ କରିଥିଲେ। ଆର ଅଶ୍ୱିନ, ରବୀନ୍ଦ୍ର ଜାଡେଜା ଓ ଅକ୍ଷର ପଟେଲଙ୍କ ତ୍ରିକୋଣୀୟ ଦଳ ଇଂଲଣ୍ଡର ପ୍ରଥମ ଇନିଂସକୁ ମାତ୍ର ୨୪୬ ରନରେ ଅଲଆଉଟ୍ କରିଦେଇଥିଲେ।
ହାଇଦ୍ରାବାଦ ଟେଷ୍ଟ ମ୍ୟାଚ୍ ପୂର୍ବରୁ ଭାରତର ମୁଖ୍ୟ କୋଚ୍ ସ୍ପଷ୍ଟ କରିଦେଇଥିଲେ ଯେ ପିଚ୍ ସ୍ପିନରଙ୍କ ପାଇଁ ସହାୟକ ହେବ। ପ୍ରଥମ ଦିନର ଖେଳରେ ମଧ୍ୟ ଏହା ଦେଖିବାକୁ ମିଳିଥିଲା ଯେତେବେଳେ ଇଂଲଣ୍ଡ ଦଳ ମାତ୍ର ୧୨୫ ରନ୍ ରେ ନିଜର ୫ ଜଣ ବ୍ୟାଟ୍ସମ୍ୟାନଙ୍କୁ ହରାଇଥିଲା। ଦ୍ରୁତ ବୋଲରଙ୍କ ବିପକ୍ଷରେ ଇଂଲଣ୍ଡର ଆରମ୍ଭ ଭଲ ଥିଲା କିନ୍ତୁ ଖୁବ୍ ଶୀଘ୍ର ଭାରତୀୟ ଅଧିନାୟକ ସ୍ପିନରଙ୍କୁ ଆକ୍ରମଣ କରିଥିଲେ।
[ad_2]
